شۆەيتساريادا 16 ناۋرىزدان باستاپ توتەنشە جاعداي ەنگىزىلگەننەن بەرى, ەلشىلىك 26 ازاماتىمىزدىڭ شۆەيتساريادان ماسكەۋ, ىستامبۇل جانە مينسك ارقىلى قازاقستانعا قايتۋىنا ىقپال ەتتى, ولاردىڭ ىشىندە 18 قازاق ستۋدەنتتەرى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
قازىرگى ۋاقىتتا مينسك قازاقستان رەسپۋبليكاسىنىڭ ازاماتتارىنىڭ شۆەيتساريادان قازاقستانعا ورالۋىنىڭ جالعىز ءدالىزى بولىپ تابىلادى.
قازاقستاندىقتاردىڭ كوپشىلىگى ۇشۋ كەزىندە اۋرۋ جۇقتىرۋ قاۋپىنە بايلانىستى شۆەيتساريادا قالۋ تۋرالى شەشىم قابىلدادى.
ەلشىلىك قازاقستان ازاماتتارىمەن ۇنەمى بايلانىستا. ەلشىلىكتىڭ ۆەب-سايت, الەۋمەتتىك جەلىلەر ارقىلى قازاقستان ازاماتتارى كوروناۆيرۋستىق پاندەميا كەزىندە قازاقستان مەن شۆەيتساريادا قابىلدانعان شارالار تۋرالى اقپاراتتى تۇراقتى تۇردە الىپ تۇرادى.