13 ادام الاياققا الداندى

1977 جىلى تۋعان اقسايلىق ايەل وسى قىزمەتى ءۇشىن Kaspi.kz قوسىمشاسى ارقىلى بانك كارتوچكاسىنا 350 مىڭنان 600 مىڭعا دەيىن تەڭگە كولەمىندە اقشا سالۋدى تالاپ ەتىپ وتىرعان. ءسويتىپ, باس-اياعى 5,5 ملن تەڭگە جيناعان كەزدە تۇتىلدى. باتىس قازاقستان وبلىستىق پوليتسيا دەپارتامەنتى قىزمەتكەرلەرى الاياقتى «كونترافاكت» جەدەل-الدىن الۋ ءىس-شاراسى بارىسىندا قولعا ءتۇسىردى.

«قازىرگى ۋاقىتتا قىلمىستىق كودەكستىڭ 190-بابىنا سايكەس قىلمىستىق ءىس قوزعالىپ, سوتقا جولداندى» دەيدى وبلىستىق پوليتسيا دەپارتامەنتى ءباسپاسوز قىزمەتىنىڭ وكىلى اسىلاي عۇباشەۆا.

وسىنداي الاياقتىق ەڭبەك نارىعىندا دا كەزدەسەدى. اتىراۋ قالاسىنىڭ 25 جاسار تۇرعىنى ۆاحتالىق جۇمىسقا ورنالاستىرماقشى بولىپ, ءار ادامنان كەمىندە 30-35 مىڭ تەڭ كولەمىندە اقشا الىپ, حابارسىز كەتكەن. بۇگىندە وسىنداي 5 وقيعا تىركەلىپ وتىر.

باتىس قازاقستان وبلىسىندا جىل باسىنان بەرى وتكەن 2 اي ىشىندە 197 الاياقتىق قىلمىسى تىركەلگەن ەكەن. وتكەن جىلى وسى ۋاقىتتا 196 قىلمىس بولعان.

باتىس قازاقستان