وبلىس تاريحىنا كو زسالساق, وسىدا تۋرا ءبىر عاسىر بۇرى قوستانايعا شويىن جول تارتىلىپ, ءتۇتىنى بۋداقتاعان وتاربا كەلگەن ەكەن. ەندى مىنە, قوستانايلىقتار ۆوكزالدا جالاۋلاتىپ, ەلەكتروۆوزدى كۇتىپ الدى. ماشينيست قايرات حاسەنوۆ قوستاناي تەمىر جولى بولىمشەسىنىڭ باسشىسى ەرمەك تەمىرباەۆقا ەلەكتروۆوزدىڭ كەلگەنى تۋرالى سالتاناتتى تۇردە باياندادى.
وبلىس تاريحىنا كو زسالساق, وسىدا تۋرا ءبىر عاسىر بۇرى قوستانايعا شويىن جول تارتىلىپ, ءتۇتىنى بۋداقتاعان وتاربا كەلگەن ەكەن. ەندى مىنە, قوستانايلىقتار ۆوكزالدا جالاۋلاتىپ, ەلەكتروۆوزدى كۇتىپ الدى. ماشينيست قايرات حاسەنوۆ قوستاناي تەمىر جولى بولىمشەسىنىڭ باسشىسى ەرمەك تەمىرباەۆقا ەلەكتروۆوزدىڭ كەلگەنى تۋرالى سالتاناتتى تۇردە باياندادى.ەلەكتر قۋاتىمەن جۇرەتىن پويىزدىڭ تۇڭعىش جولاۋشىلارى تەمىرجولشى ارداگەرلەر بولعانىنىڭ سانىمەن قاتار, ۇرپاققا ۇلگى بولار ءمانى دە بار ەدى. ۇلى وتان سوعىسىنىڭ ارداگەرى, قوستاناي وبلىسى مەن قوستاناي قالاسىنىڭ قۇرمەتتى ازاماتى, كسرو-نىڭ قۇرمەتتى تەمىرجولشىسى بەرتران رۋبينشتەين اقساقال ەلىمىزدەگى تەمىر جول تاريحىن جانە وسى سالانىڭ دامۋ مۇمكىندىكتەرىن, جاعدايىن بەس ساۋساقتاي بىلەتىن كىسى. ول قوستانايعا تەمىر جول قوزعالىسىن ەلەكترلى جۇيەگە كوشىرۋ ماسەلەسىنىڭ كەڭەس وداعى جىلدارى قوزعالىپ, قالىپ قويعانىن ايتا كەلىپ, بۇگىن ءوزىنىڭ وسى جاڭالىققا كۋا بولىپ وتىرعانىنا قۋانىشىن جەتكىزدى. ەكولوگيالىق تازا جانە قۋاتتى ەلەكتروۆوزىن قوستاناي وڭىرىندە جۇرگىزۋ ءۇشىن «قازاقستان تەمىر جولى» ۇلتتىق كومپانياسى 2011جىلدان «قوستاناي –جەلەزورۋدنايا ۋچاسكەسىن ەلەكترلەندىرۋ» ينۆەستيتسيالىق جوباسىنىڭ قۇرىلىسىن باستاعان بولاتىن. اراسى 46 شاقىرىم بولاتىن ەكى ستانسانىڭ اراسىنداعى تەمىر جول تۇگەل ەلەكترلەندىرىلىپ, تيىمدىلىگى جوعارى ەلەكتروۆوزدىڭ جۇرۋىنە مۇمكىندىك تۋدى. سالتاناتتا قوستاناي قالاسىنىڭ اكىمى عاۋەز نۇرمۇحانبەتوۆ توقپەن جۇرەتىن پويىزدىڭ كەلۋىن تاريحي وقيعاعا بالادى.
– تەمىر جول قوزعالىسىن ەلەكتر جۇيەسىنە كوشىرۋ – العا دامۋداعى ماڭىزدى قادام. قوستانايدا 1913 جىلى تۇڭعىش وتاربا, پاروۆوز پايدا بولدى. ودان ەلۋ جىل وتكەننەن كەيىن, ياعني 1964 جىلى ول وتىنمەن جۇرەتىن تەپلوۆوزعا الماستىرىلدى. ال تاعى ەلۋ جىلدى ارتقا تاستاعان سوڭ, مىنە, 2013 جىلى ەلەكتروۆوزعا قولىمىز جەتىپ تۇر. دامۋ دوڭعالاعى وسىلاي العا جىلجىپ كەلەدى. تەمىر جولدىڭ دامۋى قوستاناي قالاسىنىڭ كوركەيۋىنە دە ىقپال ەتەدى, – دەدى عاۋەز تورسان ۇلى.
تەمىر جولداعى بۇل جوباعا 5 ميلليارد تەڭگەدەن استام قارجى جۇمسالعان. ەلەكترلەندىرۋدىڭ ارقاسىندا وبلىس ورتالىعىنان وڭىردەگى جەلەزورۋدنايا, توبىل, ليساكوۆ ستانسالارىنا جۇرەتىن پويىزداردىڭ جىلدامدىعى ارتىپ, قولايلىعى دا جاقسارا تۇسكەن. سالا ماماندارىنىڭ ايتۋىنشا ەلەكترلى جۇيەنىڭ كەلۋى قوستاناي قالاسىنىڭ جانە ءوڭىردىڭ ەكولوگياسىن سەرپىلتۋگە ىقپال ەتەدى. وبلىستان ارتىلاتىن تەمىر كەنى, قۇرىلىس ماتەريالدارى سياقتى جۇك تاسىمالىنىڭ كولەمى ارتادى. جولاۋشىلار تاسىمالىنىڭ جىلدامدىعىمەن قاتار قاۋىپسىزدىگى دە جاقسارادى. ەلەكتروۆوز ءجۇرىسىنىڭ شىعىنى تەپلوۆوزعا قاراعاندا ەكى ەسە از. ال ونىڭ ەكونوميكالىق تيىمدىلىگى جىلىنا 60 ميلليون تەڭگەگە جۋىقتايتىن بولادى. ەڭ باستىسى, تەمىر جولدىڭ ەلەكترمەن جابدىقتالاتىن ۋچاسكەلەرىنەن 21 ادام وزدەرىنە جۇمىس ورنىن تاپتى.
ءنازيرا جارىمبەتوۆا,
«ەگەمەن قازاقستان».
قوستاناي.