بىرىككەن اراب امىرلىكتەرىندە ونەر كورسەتىپ جۇرگەن باۋىرجان يسلامحان العاشقى گولىن سوعىپ, ءوز كومانداسىنىڭ پرەزيدەنت كۋبوگىنىڭ فينالىنا شىعۋىنا سۇبەلى ۇلەس قوستى.
جارتىلاي فينالدا ء«ال-اين» ء«ال-شاردجا» كلۋبىمەن شەبەرلىك سىناستى. كەزدەسۋدىڭ 32 مينۋتىندا تارازى باسى 1:1 ەسەبىمەن تەڭ تۇرعان ەدى. سول كەزدە باۋىرجان 22-23 مەتردەي قاشىقتىقتان قاقپاعا قاراي دوپتى شىرەنە تەپتى. قاقپاشى قانشا جانتالاسقانىمەن, قاۋىپتىڭ بەتىن قايتارا المادى. ودان كەيىن دە قازاقستان ۇلتتىق قۇراماسىنىڭ كاپيتانى وتە ساۋاتتى ويناپ, ستاديونعا جينالعان بارشا كورەرمەندى قۋانتتى. ناتيجەسىندە ء«ال-اين» 3:2 ەسەبىمەن جەڭىسكە جەتىپ, فينالعا جولداما السا, قانداسىمىز وسى ماتچتىڭ ەڭ ۇزدىك ويىنشىسى دەپ تانىلدى.