حالىقارالىق «ارالدى قۇتقارۋ قورى» اتقارۋشى ديرەكتسياسىنىڭ ۇيىمداستىرۋىمەن ارالداعى قامباش كولىندە مۇز استىنان بالىق اۋلاۋ ءتۋرنيرى وتكىزىلدى.
«Aral Fish» دەگەن اتاۋمەن وتكەن ءتۋرنيردىڭ اشىلۋ سالتاناتىنا اۋدان اكىمىنىڭ ورىنباسارى جانىبەك جۇبانوۆ قاتىسۋشىلارعا ساتتىلىك تىلەدى. ودان سوڭ قوردىڭ اتقارۋشى ديرەكتسياسى باسشىسى بولات بەكنياز سايىستىڭ ماقساتى مەن ەرەجەلەرىن ءتۇسىندىرىپ ءوتتى.
تۋرنيرگە قىزىلوردا, بايقوڭىر, ارال قالالارىنان كەلگەن 18 كوماندا قۇرامىندا 100-گە جۋىق اۋەسقوي بالىق اۋلاۋشى قاتىستى.
كوماندالىق جانە جەكەلەي سىناقتا ءتۇرلى اتالىمدار جەڭىمپازدار انىقتالدى. Cايىس قورىتىندىسى بويىنشا جەڭىمپازدار مەن جۇلدەگەرلەرگە كۋبوكتار مەن ارنايى مەدالدار تابىستالدى.
كوماندالىق سايىس قورىتىندىسى بويىنشا جۇلدەلى ورىندى I ورىندى «زەنيت» كومانداسى جەڭىپ الدى. ەكىنشى ورىندى «جيۆتسى» كومانداسى يەلەنسە, ءۇشىنشى ورىن جۇلدەسى «رىبولوۆنىە ۆويسكا» توبىنا بۇيىردى.