جالعاس ادىلباەۆ موڭعوليانىڭ ەڭبەك جانە الەۋمەتتىك قورعاۋ ءمينيسترى, قازاقستان-موڭعوليا ساۋدا-ەكونوميكالىق, عىلىمي-تەحنيكالىق جانە مادەني ىنتىماقتاستىق جونىندەگى ۇكىمەتارالىق كوميسسياسىنىڭ تەڭ توراعاسى سودنومىن چينزوريگپەن كەزدەستى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ وزەكتى ماسەلەلەرىن, اتاپ ايتقاندا زەينەتاقىمەن قامتاماسىز ەتۋ, اۆياتسيا, ەنەرگەتيكا, ديپلوماتيالىق وكىلدىكتەردىڭ جەر تەلىمدەرىن پايدالانۋ جانە قازاقستان-موڭعول ىسكەرلىك كەڭەسىن قۇرۋدى تالقىلادى.
تالقىلاۋ ناتيجەسى بويىنشا تاراپتار ەكىجاقتى ۇكىمەتارالىق كوميسسياسىنىڭ 8-ءماجىلىسىن ءساۋىر ايىندا ۇلان-باتىردا وتكىزۋ جونىندە ۋاعدالاستىققا قول جەتكىزدى.
بۇدان بولەك زەينەتاقىمەن قامتاماسىز ەتۋ تۋرالى كەلىسىمدى دايىنداۋ جونىندەگى جۇمىس توبىنىڭ كەزەكتى ءماجىلىسىن نۇر-سۇلتاندا ۇيىمداستىرۋ ماسەلەلەرى بويىنشا پىكىر الماستى.
اتالعان ءىس-شارالاردى وتكىزۋدىڭ تاراپتار ءۇشىن ماڭىزدىلىعى, ونىڭ قورىتىندىلارى موڭعوليانىڭ پرەمەر-ءمينيسترى ۋحناگين حۇرەلسۇحتىڭ 2019 جىلعى 10-12 قازاندا قازاقستانعا رەسمي ساپارى بارىسىندا قول جەتكىزىلگەن ۋاعدالاستىقتاردىڭ جالعاسى بولىپ تابىلاتىنى اتاپ ءوتىلدى.
ۋاتقان قۋات,
موڭعوليا