فۋتبولدان قازاقستان ۇلتتىق قۇراماسىنىڭ كاپيتانى باۋىرجان يسلامحان بىرىككەن اراب امىرلىكتەرىنىڭ ء«ال-اين» كلۋبىنا اۋىستى.
كلۋبتىڭ Twitter-دەگى رەسمي اككاۋنتىندا «قوش كەلدىڭ, يسلامحان!» دەگەن اتپەن شاعىن ۆيدەوروليك جاريالاندى.
وسىلايشا, بىرىككەن اراب امىرلىكتەرىنىڭ ء«ال-اين» كلۋبى فۋتبولدان قازاقستان ۇلتىق قۇراماسىنىڭ بۇرىنعى كاپيتانى باۋىرجان يسلامحاندى ءوز ويىنشىسى رەتىندە رەسمي تۇردە تانىستىردى.
ايتا كەتەيىك,ء «ال اين» – ءباا-ءنىڭ 13 دۇركىن چەمپيونى. 2018 جىلى اراب كومانداسى كلۋبتار اراسىنداعى الەم چەمپيوناتىنىڭ فينالىندا ونەر كورسەتىپ, «رەال» (مادريد) كومانداسىنا 1:4 ەسەبىمەن جول بەرگەن بولاتىن.
باۋىرجان يسلامحان الماتىنىڭ «قايرات» كومانداسىندا 2013 جىلدان باستاپ ونەر كورسەتىپ كەلدى. وتكەن ماۋسىمنىڭ سوڭىندا كەلىسىمشارتىنىڭ اياقتالۋىنا وراي كوماندادان كەتتى. وسى جىلدىڭ باسىندا رەسەيدىڭ «زەنيت» كومانداسىنىڭ ساپىندا وقۋ-جاتتىعۋ جيىنىن وتكىزگەن.