تاشكەنت قالاسىندا (وزبەكستان رەسپۋبليكاسى) قازاقستان-وزبەكستان بىرلەسكەن دەماركاتسيالىق كوميسسياسىنداعى قازاقستان رەسپۋبليكاسى مەن وزبەكستان رەسپۋبليكاسى ۇكىمەتتىك دەلەگاتسيالارىنىڭ وتىرىسى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
كوميسسيا قازاقستان رەسپۋبليكاسىنىڭ قىزىلوردا جانە تۇركىستان وبلىستارىمەن شەكتەس وزبەكستان رەسپۋبليكاسىنىڭ دجيزاك جانە ناۆوي وبلىستارى شەگىندەگى ۋچاسكەگە مەملەكەتتىك شەكارانى دەماركاتسيالاۋدىڭ قورىتىندى قۇجاتتارىنىڭ جوبالارىن دايىندادى.
دەلەگاتسيا قازاقستان-وزبەك مەملەكەتتىك شەكاراسىن دەماركاتسيالاۋدىڭ قورىتىندى قۇجاتتارىن دايىنداۋ جونىندەگى ءىس-شارالار جوسپارىنىڭ جوباسىن دايىندادى.
تاراپتار وسى وتىرىستىڭ شەڭبەرىندە قازاقستان-وزبەك مەملەكەتتىك شەكاراسىنىڭ جەكەلەگەن ۋچاسكەلەرىن بىرلەسىپ دالالىق تەكسەرۋدى جۇزەگە اسىردى.
كەلىسسوزدەر ءداستۇرلى دوستىق جانە سىندارلى اتموسفەرادا ءوتتى.