الەمدەگى ەكىنشى باي ادام بيلل گەيتس CNN-گە بەرگەن سۇحباتىندا ومىرىندە 10 ميلليارد دوللار سالىق تولەگەنىن ايتقان. سونداي-اق ول «بىراق ودان دا كوپ تولەۋىم كەرەك» دەگەن. بۇل تۋرالى lifter.com حابارلادى.
كاسىپكەر اقش تاريحىنداعى ەڭ ءىرى سالىق تولەۋشى بولۋى مۇمكىن ەكەنىن مويىندادى.
«ۇكىمەت مەن سياقتى اۋقاتتى ادامدارعا سالىقتى ءوسىرۋى كەرەك» دەدى ول سۇحبات بارىسىندا.
ميللياردەر ترامپ اكىمشىلىگى جۇرگىزگەن سالىق رەفورماسىن جانە ونىڭ ءبىر جىلعا سوزىلعانىن سىنعا الىپ, ونى «رەگرەسسيۆتى شارا» دەپ اتادى.
«ەڭ باي ادامدار ورتا جانە تومەنگى ساناتتارعا قاراعاندا ايتارلىقتاي جەڭىلدىك الادى. سوندىقتان ولار كوبىرەك تولەۋى كەرەك» دەدى گەيتس.
گەيتستىڭ ايتۋىنشا, حالىقتىڭ التىدان ءبىر بولىگى قاناعاتتانارلىقسىز الەۋمەتتىك-ەكونوميكالىق جاعدايدا ءومىر سۇرەتىن اقش-تاعى ءوسىپ كەلە جاتقان تەڭسىزدىك بارلىق دەموكراتيالىق ەلدەردى قوزعايتىن پروبلەما.