قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ بيىلعى قازاقستان حالقىنا ارناعان «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى جولداۋىنداعى ون نەگىزگى باعىت – حالىقتى جۇمىسپەن قامتاماسىز ەتۋ, قولجەتىمدى باسپانا, ءوڭىرلەردى دامىتۋ ماسەلەسى, حالىققا قىزمەت كورسەتۋ قىزمەتىنىڭ ساپاسىن ارتتىرۋ, قۇقىق قورعاۋ جانە سوت ورگاندارىنىڭ جۇمىستارىن جاڭعىرتۋ, سىبايلاس جەمقورلىقپەن كۇرەستى كۇشەيتۋ, ادامي كاپيتالدى دامىتۋ, زەينەتاقى قورلارىنىڭ جۇمىستارىن جۇيەگە كەلتىرۋ, ۇدەمەلى يندۋستريالىق-يننوۆاتسيالىق جوبالاردى جۇزەگە اسىرۋ سياقتى وزەكتى ماسەلەلەردى شەشۋدىڭ ايقىن جولدارىن ناقتى كورسەتۋىمەن قۇندى.
ەلباسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسى وسى باسىم باعىتتاردى جۇزەگە اسىرۋعا جاڭا ءبىر سەرپىن بەردى. وسى تاريحي ءمانى زور باعدارلامالىق ماقالادا «نۇر وتان» حدپ الدىنا دا ۇلكەن مىندەتتەر قويىلىپ وتىر. وسى مىندەتتەر ءبىر-بىرىمەن ساباقتاسا كەلىپ, ەلىمىزدىڭ ەكونوميكاسىن نىعايتۋدىڭ, قازاقستاندىقتاردىڭ ءال-اۋقاتىن ارتتىرۋدىڭ تولعاۋى توقسان ماسەلەلەرىن شەشۋگە ارنالعان. ەگەمەن ەلىمىزدىڭ وركەندەۋى, ءال-اۋقاتىنىڭ جاقسارۋى, جاستاردىڭ جۇمىسپەن قامتاماسىز ەتىلۋى, ەڭبەك ەتىپ جاتقان قاراپايىم ادامداردىڭ ەڭبەگىنىڭ باعالانۋى دامىعان ەلدەر قاتارىنا قوسىلۋعا بەرىك نەگىز قالايتىن قادامدار ەكەنى ءسوزسىز.
ەلباسىنىڭ «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسى «نۇر وتان» حدپ اقتوبە وبلىستىق فيليالىنىڭ كەڭەيتىلگەن ساياسي كەڭەسىندە جان-جاقتى تالقىلاندى. وبلىستىق فيليال توراعاسى بالعالي ورداباەۆتىڭ ايتۋىنشا, 35 800-دەن استام مۇشەسى بار بارلىق 435 باستاۋىش پارتيا ۇيىمدارىندا اشىق پارتيا جينالىستارى ءوتىپ, اتالمىش باعدارلامالىق ماقالا قىزۋ تالقىلانىپ, كەڭىنەن قولداۋ تاپقان. ول پارتياعا باعدارلامانى بارلىق دەڭگەيدەگى مەكەمەلەر مەن ۇيىمداردا جان-جاقتى تۇسىنىك جۇمىستارىن جۇرگىزۋ, ولاردىڭ ورىندالۋى مەن جۇزەگە اسىرىلۋىن قاتاڭ باقىلاۋعا الۋعا بايلانىستى جاڭا مىندەتتەر جۇكتەلگەندىگىن جەتكىزدى.
– باعدارلامالىق ماقالاداعى تاپسىرمالاردى جۇزەگە اسىرۋ ماقساتىندا بارلىق دەڭگەيدە ۇگىت-ناسيحات توپتارى جۇمىس جاساۋى ءتيىس. پارتيا مۇشەلەرى مەن وبلىستىق جانە اۋداندىق ءماسليحاتتىڭ دەپۋتاتتارى, مەكەمە مەن ۇيىم باسشىلارى حالىققا باعدارلامالىق ماقالانىڭ ماڭىزدىلىعىن ءتۇسىندىرۋمەن قاتار, ونىڭ جۇزەگە اسىرىلۋىنا قاراپايىم حالىقتىڭ اتسالىسۋىنا كوپ كوڭىل ءبولۋى كەرەك, – دەپ اتاپ ءوتتى فيليال توراعاسى بالعالي ورداباەۆ.
قازاقستاننىڭ جاڭا تاريحىنداعى بۇل باعدارلامالىق ماقالاداعى باسقا دا تاپسىرمالاردا قازاقستاندىقتاردىڭ جۇمىسقا تارتىلۋى, الەۋمەتتىك سالاداعى ۇلتتىق زاڭدارعا تۇگەندەۋ ءجۇرگىزۋ جانە الەۋمەتتىك وقىتۋ مەن جاڭا جۇمىسقا ورنالاسۋعا سەپتىگىن تيگىزەتىن ونىڭ ءتيىمدى ءجۇيەسىن جاساۋ, كاسىپكەرلىكتى دامىتۋعا كومەكتەسىپ, جاردەمدەسۋ, ەڭبەك رەسۋرستارىنىڭ جيناقىلىعى مەن ۇتىمدىلىعىن جۇزەگە اسىرۋ, قازاقستاننىڭ ەكونوميكالىق جاعىنان ونىڭ بەلسەندى جۇمىس اتقاراتىن ورىندارىندا جۇمىسقا ورنالاسۋعا باسىمدىق بەرۋ, 2020 جىلعا دەيىنگى بىلىكتىلىكتىڭ ۇلتتىق جۇيەسىن كەزەڭ-كەزەڭمەن ازىرلەۋ, 2013-2014 جىلدان باستاپ جالپى ءبىلىم بەرەتىن مەكتەپتەردەگى وقۋ ۇدەرىسىندە ءبىلىم بەرۋدىڭ ينتەراكتيۆتى تۇرلەرىن پايدالانۋدى كەڭەيتۋ جانە ون-لاين وقىتۋدىڭ ارناۋلى وقۋ باعدارلامالارىن ەنگىزۋ بويىنشا وبلىستىق ءماسليحاتتىڭ دەپۋتاتتارى, ساياسي كەڭەس مۇشەلەرى جۇمىس ىستەپ جاتىر.
«نۇر وتان» حدپ اقتوبە وبلىستىق فيليالىنىڭ ساياسي كەڭەس مۇشەلەرى «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالانىڭ نەگىزگى ماقساتى حالىقتىڭ الەۋمەتتىك جاعدايىن جاقسارتىپ, ەكونوميكانى دامىتۋ بولىپ وتىرعانىن ءتۇسىنەدى. سوندىقتان وسىنداي كەلەلى ىستەردى تۇبەگەيلى جۇزەگە اسىرۋ ءۇشىن بارلىعىمىز اتسالىسىپ, جۇمىس ىستەۋىمىز قاجەت. قازاقستاننىڭ مارتەبەسىن كوتەرىپ, كوسەگەسىن كوگەرتىپ, تاۋەلسىز ەلىمىزدىڭ ءتۇتىنى ءتۇزۋ شىعۋى باعىتىندا جۇمىس جاساۋ نيەتى ءاربىر قازاق ازاماتىنىڭ كوكەيىندە ۇيالاۋى كەرەك. سوندا عانا تاۋەلسىز قازاقستاننىڭ تۇعىرى بەرىك, ەڭسەسى بيىك بولادى.
ءسوز سوڭىندا ايتارىم, اتالعان باعدارلامالىق ماقالانىڭ جاستارعا دا تىكەلەي قاتىسى بار. سوندىقتان وعان ولار دا ۇلكەن ۇلەس قوسادى دەپ ۇمىتتەنەمىز. جانە وسى ماسەلەنىڭ «جاس وتان» جق-نىڭ ءىى سەزىندە اڭگىمەگە ارقاۋ بولاتىنىنا دا ەش كۇمانىمىز جوق.
نۇرداۋلەت الداشەۆ,
«نۇر وتان» حدپ اقتوبە وبلىستىق
فيليالى پارتيالىق-ۇيىمداستىرۋ
جۇمىستارى ءبولىمىنىڭ مەڭگەرۋشىسى.