بۇگىندە اۋىل شارۋاشىلىعىندا دا ءبىر بەلەستەن ەكىنشىسىنە كوتەرىلە ءتۇسىپ كەلە جاتقان ازاماتتار بارشىلىق. بەسقاراعاي اۋدانىنىڭ باسشىلىعى مارات قالىقوۆتىڭ ەسىمىن سونىڭ ءبىرى عانا ەمەس, بىرەگەيى رەتىندە تىلگە تيەك ەتىپ, وسى ازاماتتىڭ شارۋاسىمەن تانىسۋىمىزدى وتىنگەن ەدى.
ماراتتىڭ ستەكليانكا دەگەن اۋىلدان شارۋاشىلىق بازاسىن ساتىپ الىپ, ىسكە كىرىسىپ كەتكەنىنە بيىل ءتورتىنشى جىل. ءوزى نەگىزى كوكپەكتى جاعىنىڭ ازاماتى. سول جاقتا ەت باعىتىنداعى مال وسىرۋمەن اينالىسقان. قازىردە بۇل شارۋاسى دا قوسا ءجۇرىپ جاتقان كورىنەدى. ياعني اتالعان اۋداننىڭ تاسساي اۋىلىندا ءۇش ءجۇز باس ءىرى قارا بورداقىدا تۇر.ەندى مىنا جاقتاعى شارۋاسىنا كەلەتىن بولساق, وسىدان ءتورت جىل بۇرىن جەرگىلىكتى ءسۇت باعىتىنداعى ءجۇز سيىردى ساتىپ الىپ, ىسكە كىرىسىپ كەتەدى. ال كەلەر جىلى قالادان ءسۇت وڭدەيتىن شاعىن تسەحتى اشىپ الادى. ءسۇت ءوندىرۋدىڭ پايدالى شارۋا ەكەندىگىن اڭعارعان سوڭ ۋاقىتتى سوزباي رەسەيدەن ءسۇت باعىتىنداعى ەكى جۇزدەن استام اسىل تۇقىمدى سيىردى ساتىپ الادى. جەرگىلىكتى سيىر كۇنىنە ۇزاسا ون ليتر ءسۇت بەرسە, ال كەيىنگى اسىل تۇقىمدى سيىردىڭ ارقايسىسىنان 12-14 ليتردەن ءسۇت الۋدا. جانە مۇنىڭ جەرگىلىكتى سيىرلاردان الىنعان سۇتپەن سالىستىرعاندا مايلىلىعى دا وتە جوعارى. سولايشا مۇنداعى «قاليحان ۇلى» شارۋا قوجالىعى بىرەر جىل ىشىندە قارقىن الا باستادى. قازىردە ستەكليانكاداعى ءسۇت فەرماسىندا جيىنى 24 كىسى ەڭبەك ەتەدى. بۇل جاڭادان اشىلعان سونشا جۇمىس ورنى دەگەن ءسوز. مۇنىڭ ءبارىن قالايشا قۇپتاماسقا!جانە مارات قاليحان ۇلىنىڭ تاعى دا كەشەۋىلدەتپەي قالادان ءسۇت وڭدەيتىن شاعىن تسەحتى اشىپ العانى دۇرىس شارۋا بولدى. بۇل تسەحتا دا جيىرماعا جۋىق ادام ەڭبەك ەتەدى. ولاردىڭ ورتاشا ايلىق جالاقىسى قىرىق پەن ەلۋ مىڭنىڭ ارالىعىندا. ءسۇت تسەحىنىڭ تاۋلىكتىك قۋاتى 10 توننا. ازىرگە بۇلار التى توننا ءسۇت وڭدەپ, ودان جەتى ءتۇرلى ءونىم شىعارۋدا. مۇنىڭ ىشىندە سۇتتەن باسقا ايران, قايماق, ىرىمشىك, سىرعا دەيىن بار. ولاردى قالاداعى قىرىقتان استام ءتۇرلى ۇيىمدار مەن مەكەمەلەرگە جونەلتۋدە. مۇنىڭ سىرتىندا قالانىڭ ءۇش جەرىندە ءسۇت ونىمدەرىن ساتاتىن ءوز پاۆيلوندارى جۇمىس ىستەپ تۇر.وسى ورايدا مال شارۋاشىلىعىن دامىتۋعا قولداۋ ءبىلدىرىپ وتىرعان رەسپۋبليكا ۇكىمەتى مەن سالالىق مينيسترلىككە, وبلىستىق جانە اۋداندىق اكىمدىككە دە العىسىمىز شەكسىز دەيدى مارات باۋىرىمىز. ايتسا ايتقانداي, بۇلار تەك وتكەن جىلى مەملەكەت تاراپىنان 9 ميلليون تەڭگە سۋبسيديا الىپتى. ول دا ۇلكەن كومەك. سونان سوڭ, بۇرىنعىداي ەمەس, شارۋامەن اينالىسامىن دەگەندەرگە ەشقانداي كەدەرگى جوق. قايتا جەرگىلىكتى بيلىك تاراپىنان قولداۋ كوپ.بۇل سولاي دەسە, اۋدانداعىلار بۇعان ءدان ريزا. بۇلار وتكەن ءبىر جىلدا اۋدان بيۋدجەتىنە 6 ميلليون تەڭگە كىرىس كىرگىزىپتى. ونىڭ سىرتىندا مارات اۋدان ومىرىندەگى بارلىق شاراعا زور بەلسەندىلىكپەن قاتىسىپ كەلە جاتقان كورىنەدى. اسىرەسە, ونىڭ ءتۇرلى قايىرىمدىلىق شارالارىنان سىرت قالماي وتىرعانى قۋانتادى. ايتالىق, ول جەتىم بالالار ءۇيىنىڭ ءبىر تۇلەگىنە ءوز قارجىسىنا ءۇي ساتىپ اپەرىپتى. تاعى ءبىر جەتىم بالانى جاسى ون سەگىزگە تولعانشا ءوز قامقورلىعىنا الىپتى. وبلىس اكىمىنىڭ «تۋعان جەرگە تاعزىم» اكتسياسىنا وراي ەلگە, قارتتارعا جاساپ وتىرعان قامقورلىعى ءوز الدىنا ءبىر اڭگىمە.اۋىلدان شىققان, ەكى وڭىرگە دە ەڭبەگى ءسىڭىپ وتىرعان اۋىل كاسىپكەرىنىڭ وتباسى تۋرالى دا ءبىر اۋىز ءسوز ايتا كەتسەك ەش ارتىقتىعى جوق پا دەيمىز. مارات پەن تولقىن ەكەۋى ءتورت بالانى ايالاپ, دۇرىس تاربيەلەپ كەلەدى. ۇلكەندەرى تىلەك قالالىق ىشكى ىستەر باسقارماسىندا, ال كەلىندەرى ەلنۋرا قارجى پوليتسياسىندا قىزمەت ەتۋدە. ال ەكىنشى ۇلدارى الەل قارجى كوللەدجىندە وقىپ جاتىر. ءالى دەگەن ۇلدارى بەسىنشى سىنىپتا وقىسا, كەنجەلەرى ايشا ءۇش جاستا.بۇعان دەيىن ءتۇرلى اۋىلشارۋاشىلىق كورمەلەرىندە توپ جارىپ كەلە جاتقان ماراتتىڭ الار اسۋى الدا دەپ بىلەمىز.شىعىس قازاقستان وبلىسى,بەسقاراعاي اۋدانى.داۋلەت سەيسەن ۇلى.سۋرەتتە: مارات قالىقوۆ ءوزىنىڭ شاعىن ءسۇت وڭدەۋ تسەحىندا.سۋرەتتى تۇسىرگەن اۆتور.