سىرتقى ىستەر مينيسترلىگىندە قازاقستان رەسپۋبليكاسىنىڭ حالىقارالىق ۇيىمدارمەن ىنتىماقتاستىعى جونىندەگى كوميسسيانىڭ 53-ءشى وتىرىسى ءوتتى. بۇل تۋرالى ءسىم ءباسپاسوز قىزمەتى حابارلادى.
وتىرىس بارىسىندا قازاقستان رەسپۋبليكاسىنىڭ حالىقارالىق ۇيىمدارعا, امبەباپ حالىقارالىق شارتتاردىڭ اتقارۋشى ورگاندارىنا جانە باسقا دا حالىقارالىق ورگاندارعا مىندەتتى مۇشەلىك جانە ەرىكتى جارنالارىن تولەۋ جوسپارلارى قاراستىرىلىپ, بەكىتىلدى.
اتاپ ايتقاندا, ەلىمىزدىڭ حالىقارالىق ۇيىمدارداعى مۇشەلىگىنىڭ تيىمدىلىگى تالقىلاندى, ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ مينيسترلىكتەرىنىڭ ءتيىستى حالىقارالىق قۇرىلىمدارمەن ءوزارا قارىم-قاتىناستارى تۋرالى ەسەپتەرى ۇسىنىلدى.
كۇن ءتارتىبىنىڭ جەكە تارماعى, كليماتتى قورعاۋ تاقىرىبىنىڭ وزەكتىلىگىنە بايلانىستى GGGI عالامدىق جاسىل ءوسۋ ينستيتۋتىنا قوسىلۋ ماسەلەسىنە ارنالدى.
قازاقستان رەسپۋبليكاسىنىڭ مەملەكەتتىك ورگاندارىنا ءتيىستى حالىقارالىق ۇيىمدارمەن ىنتىماقتاستىقتىڭ تيىمدىلىگىن ارتتىرۋ بويىنشا, سونىڭ ىشىندە حالىقارالىق ۇيىمداردىڭ سايلانعان جانە جارعىلىق ورگاندارىنا قازاقستان ازاماتتارىن العا جىلجىتۋ بويىنشا, ۇسىنىستار بەرىلدى.