ورال قالاسىندا باتىس قازاقستان وبلىستىق تىلدەردى دامىتۋ باسقارماسىنىڭ ۇيىمداستىرۋىمەن «LATYN FEST» جاستار فورۋمى ءوتتى. فورۋمنىڭ ماقساتى – قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىنداعى تاياۋ جىلدارى جۇزەگە اسىرىلۋى ءتيىس «قازاق جازۋىن لاتىن گرافيكاسىنا كوشىرۋ» باعدارلاماسىن جۇزەگە اسىرۋ ماسەلەسىن تالقىلاۋ.
شاراعا شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ, فيلولوگيا عىلىمدارىنىڭ كانديداتى, قازاقستان جاستار وداعى «سەرپەر» سىيلىعىنىڭ لاۋرەاتى, بەلگىلى جۋرناليست قانات اۋەسباي, ساياساتتانۋشى, قوعام بەلسەندىسى, AmalBooks باسپاسىنىڭ جەتەكشىسى باقىتجان بۇقارباي قاتىستى.
فورۋمعا جينالعان جاستار حاديشا بوكەەۆا اتىنداعى قازاق دراما تەاترى ارتىستەرى دايىنداعان ء«تىلىم – انام, ءتىلىم – بابام» اتتى ساحنالىق قويىلىمدى تاماشالادى. جاستار لاتىن گرافيكاسىنداعى جاڭا الىپبيگە قاتىستى ساۋالدارىنا جاۋاپ الىپ, جاڭا ءالىپبي مەن ەملە-ەرەجەلەردىڭ ءمان-ماڭىزىن ءتۇسىندى.
–لاتىن الىپبيىنە كوشۋ ماسەلەسى – وتە ماڭىزدى مەملەكەتتىك وقيعا. بۇگىنگى شارا ەلىمىزدەگى جاستار جىلىمەن جانە قازاقستان رەسپۋبليكاسىنىڭ ءتىل تۋرالى زاڭىنىڭ قابىلدانعانىنا 30 جىل تولۋىمەن تۇسپا-تۇس كەلىپ وتىر. ەلباسىمىزدىڭ «بولاشاققا باعدار – رۋحاني جاڭعىرۋ» باعدارلامالىق ماقالاسىندا ۇلتتىڭ رۋحىن جاڭعىرتۋعا باعىتتالعان ناقتى مىندەت قويدى. نەگىزگى باعىتتىڭ ءبىرى – لاتىن الىپبيىنە كوشۋ. «لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتانىڭ, كوممۋنيكاتسيانىڭ ەرەكشەلىكتەرىنە بايلانىستى. ءالىپبي رەفورماسى جاڭا عاسىرداعى قازاق ءتىلىن, مەملەكەتتىڭ ءتىلدىڭ تىنىسىن اشىپ, دامۋىنا ەرەكشە سەرپىلىس تۋعىزۋى ءتيىس» دەگەن ەلباسى ءسوزى بىزگە زور مىندەت جۇكتەيدى. بۇگىنگى جاستار فورۋمىنىڭ دا ماقساتى – ەلباسىنىڭ لاتىن الىپبيىنە كەزەڭ-كەزەڭمەن جانە جۇيەلى تۇردە كوشىرۋ جونىندەگى تاپسىرماسىن ناسيحاتتاۋ. ويتكەنى, لاتىن گرافيكاسىنا كوشۋ ماسەلەسى ۇلت بولىپ قولداۋدى تالاپ ەتەتىن ۇلتتىق ماسەلە, – دەدى باتىس قازاقستان وبلىسى اكىمىنىڭ ورىنباسارى سەرىك ەگىزباەۆ.
شارا بارىسىندا مەملەكەتتىك ءتىلدىڭ مارتەبەسىن نىعايتۋعا ۇلەس قوسىپ جۇرگەن ءتىل جاناشىرلارى قازاقستان رەسپۋبليكاسى پرەزيدەنتىنىڭ جانە باتىس قازاقستان وبلىسى باسشىلىعىنىڭ العىس حاتتارىمەن ماراپاتتالدى. حالىقارالىق «قازاق ءتىلى» قوعامىنىڭ مۇشەسى بولات جەكسەنعاليەۆ, ورال قالالىق «جايىق ءۇنى» گازەتىنىڭ رەداكتورى, حالىقارالىق «الاش» سىيلىعىنىڭ يەگەرى, جازۋشى ميرا شۇيىنشاليەۆا, ماحامبەت وتەمىس ۇلى اتىنداعى بقمۋ-دىڭ دوتسەنتى, تاريح عىلىمدارىنىڭ كانديداتى جاڭابەك جاقسىعاليەۆ, حاديشا بوكەەۆا اتىنداعى وبلىستىق قازاق دراما تەاترى ادەبيەت ءبولىمىنىڭ مەڭگەرۋشىسى نۇرلان ءسادىر, عالىم, فيلولوگيا عىلىمىنىڭ كانديداتى, دوتسەنت ۇلداي ەرجانوۆالار – شىن مانىندە وڭىردە مەملەكەتتىك ءتىلدىڭ دامۋىنا ايانباي ۇلەس قوسىپ جۇرگەن تۇلعالار بولاتىن. ماراپات ءدال يەسىن تاپتى.