باتىس قازاقستان وبلىسىندا مەملەكەتتىك قورعاۋعا الىنعان اقبوكەن جانۋارىن مۇيىزىنە بولا اۋلاۋشىلار ازايار ەمەس.
«2019 جىلعى 23 قىركۇيەك كۇنى ساعات 19.40. شاماسىندا جاڭاقالا اۋدانىنىڭ پوليتسيا ينسپەكتورلارى جانە «وحوتزووپروم» رمقك قىزمەتكەرلەرى جۇرگىزگەن رەيدتىك ءىس-شاراسى بارىسىندا جاڭاقازان اۋىلدىق وكرۋگىنە قاراستى بالدىرعان قىستاعىنىڭ جانىندا 1992 جىلى تۋعان جۇرگىزۋشىنىڭ باسقارۋىنداعى اۆتوكولىك توقتاتىلدى. تەكسەرۋ كەزىندە اۆتوكولىك سالونىنان 17 دانا كەسىلگەن كيىك ءمۇيىزى, تىركەلمەگەن ەكى ۇڭعىلى يج ماركىلى اڭشىلىق قارۋى, 16 كاليبرلى وقتار جانە ارا, پىشاق تابىلدى. سونداي-اق قوسىمشا تەكسەرۋ بارىسىندا 5 دانا ءمۇيىزى كەسىلگەن كيىك توشكەسى تاركىلەندى» دەپ حابارلايدى باتىس قازاقستان وبلىستىق پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا قىلمىستىق ءىس كوتەرىلىپ, سوتقا دەيىنگى تەرگەپ-تەكسەرۋ باستالدى.
باتىس قازاقستان