فۋتبولدان UEFA ەۋروپا ليگاسى توپتىق كەزەڭىندە ەلوردالىق «استانا» العاشقى تۋردا سىرت الاڭدا انگليانىڭ «مانچەستەر يۋنايتەد» كومانداسىنان جەڭىلىپ قالدى. بۇل تۋرالى قازاقپارات حابارلادى.
ەكى كوماندا L توبىندا سىنعا تۇسەدى. اتالمىش توپتا ولاردان وزگە سەربيانىڭ «پارتيزان» جانە گوللانديانىڭ از «الكماار» كوماندالارى بار .
بۇگىنگى كەزدەسۋدە «مانچەستەر يۋنايتەد» كومانداسىندا نەگىزىنەن جاستار وينادى. سوندىقتان بولار, الاڭ يەلەرى كوپتەگەن جاعدايدا ءمۇلت جىبەرىپ جاتتى.
دەسە دە الاڭ يەلەرى ويىن تىزگىنىن ءوز قولىنان شىعارماۋعا تىرىستى. اعىلشىندىق كلۋب فۋتبولشىلارى قاتەلىگىن پايدالانۋعا تىرىسقان «استانا» فۋتبولشىلارىنىڭ دا قارسىلاستار قاقپاسى ماڭىندا شابۋىل ۇيىمداستىردى. سوعان قاراماستان ەكى كوماندا ءبىرىنشى كەزەڭدە 0:0 ەسەبىنە قاناعات ءبىلدىردى.
ەكىنشى كەزەڭدە «مانچەستەر يۋنايتەد» فۋتبولشىلارى تەزىرەك ەسەپ اشۋعا ۇمتىلدى. ولار ەلوردالىق كلۋب قاقپاسى ماڭىندا ءجيى بوي كورسەتتى.
كەي جاعدايدا قازاقستاندىق قورعاۋشىلار شەبەرلىك تانىتسا, ەندىگى ءبىر ساتتە اعىلشىن فۋتبولشىلارى مەرگەندىك كورسەتە العان جوق. كەزدەسۋ بارىسىندا ەسەپ 73-مينۋتتا اشىلدى. ونى الاڭ يەلەرى ساپىنان مايسون گرينۆۋد ورىندادى. كەزدەسۋدە «مانچەستەر يۋنايتەد» 1:0 ەسەبىمەن جەڭىسكە جەتتى.
L توبىنداعى تاعى ءبىر كەزدەسۋدە سەربيانىڭ «پارتيزان» كومانداسى گوللانديانىڭ از «الكماار» كومانداسىمەن 2:2 ەسەبىمەن تەڭ ءتۇستى. «استانا» كەلەسى ويىنىن ءوز الاڭىندا 3 قازاندا وتكىزەدى.
بۇل كۇنى سەربيانىڭ «پارتيزان» كومانداسىن قابىلدايدى. ءدال وسى كۇنى از «الكماار» مەن «مانچەستەر يۋنايتەد» كوماندالارى كەزدەسەدى.