21 قىركۇيەك كۇنى ەلوردادا دۇنيەجۇزىلىك تازالىق جانە اعاش وتىرعىزۋ كۇنىنە وراي جالپىقالالىق سەنبىلىك وتەدى. بۇل تۋرالى نۇر-سۇلتان قالاسى اكىمدىگىنىڭ رەسمي سايتى حابارلادى.
سەنبىلىككە كاسىپورىندار, ۇيىمدار مەن جوعارى وقۋ ورىندارى, ورتاكاسىپتىك وقۋ مەكەمەلەرى, مەكتەپكە دەيىنگى مەن جالپى ءبىلىم بەرەتىن مەكەمەلەر, دەنساۋلىق ساقتاۋ جانە مەملەكەتتىك مەكەمەلەر, ۇلتتىق كومپانيالار قاتىسادى دەپ جوسپارلانعان.
سەنبىلىككە شىعاتىندارعا قوقىستى جيناۋعا ارنالعان (كۇرەك, تىرناۋىش) جابدىقتار, قولعاپ پەن قاپتار بەرىلەدى. سونداي-اق سول كۇنى ەلوردامىز «دۇنيەجۇزىلىك تازالىق كۇنى» حالىقارالىق ەكولوگيالىق اكتسياسىنا قوسىلادى, وعان الەمنىڭ 150-دەن استام ەلىنەن 380 ملن ەرىكتى قاتىسادى.
جينالعان بارلىق قالدىقتار سۇرىپتالىپ, ودان ءارى قالدىقتاردى وڭدەۋ زاۋىتىنا تاسىمالدانادى. جالپىقالالىق سەنبىلىكتىڭ باستى ماقساتى - قوعام نازارىن ەكولوگيالىق ماسەلەلەرگە اۋدارىپ, اينالانى تازا ۇستاۋعا, ەكولوگيالىق مادەنيەتتى قالىپتاستىرۋعا ۇلەس قوسۋ. كوشەلەردى جانە اۋلالاردى اباتتاندىرىپ, قالانى تازالاۋ جۇمىسىنا ەلوردامىزدىڭ كەز-كەلگەن تۇرعىنى قوسىلا الادى.