الەۋمەتتىك ساياساتقا دەن قويدى

قازىرگى باسشى ق.توقاەۆ قا­زاق­­­س­تان­نىڭ العاشقى پرە­زي­دەنتى ن.نازارباەۆ باسقاراتىن Nur Otan ءىرى ساياسي پارتياسىنان سايلانعان. وسى جول­داۋ­دا تۇڭعىش پرەزيدەنتتىڭ ساياساتىن جالعاس­تىرىپ, جاقىن ۋاقىتتا مەملەكەتتىڭ ىشكى جانە سىرتقى ساياساتى, قوعام مەن ەكونوميكانىڭ وسۋىندە ەلەۋلى وزگەرىستەر مەن رەفورمالار ەنگىزەتىن تۇراقتى ساياسات ۇستاناتىن ويى كورىندى.

ەلدىڭ العاشقى پرەزيدەنتى ن.نازار­با­ە­ۆتىڭ باستى ساياساتى رەتىندە 2030 جىلعا دەيىن دامۋ ستراتەگياسىن جاساپ, الەمدەگى باسەكەگە بارىنشا قابى­لەت­تى 50 مەملەكەتتىڭ قاتارىنا ەنۋ­دى ما­قسات ەتكەنىن ءبارىمىز بىلە­مىز. وسى ايادا حالىقتىڭ بەيبىت تۇرمىسىن, دوستاستىعىن نى­عاي­تۋ, جاھاندىق جانە وڭىرلىك دەڭگەيلەردەگى مارتەبەسى مەن ابىرويىن ارتتىرۋ, ەكونوميكالىق الەۋەتتى كۇشەي­تۋ, بۇقارا حالىقتىڭ با­قىت­­­تى ءھام تىنىشتىقتا ءومىر ءسۇر­ۋى ءۇشىن جۇمىستار جۇرگىزىلىپ كەل­دى.

مەملەكەتتى 30 جىل باسقارعان پرەزي­دەنت­تىڭ ىشكى, سىرتقى ساياساتىنىڭ ناتي­جە­سىندە قازاق­ستان ساياسي جانە قوعامدىق-ەكو­نو­ميكالىق داعدارىستاردان امان-ساۋ, جان-جاقتى دامۋدىڭ جانە اۋىسپالى ۋاقىتتىڭ قيىنشىلىقتارىن باسىپ ءوتىپ, بۇگىنگى گۇلدەنۋ مەن دامۋعا قول جەتكىزدى دەپ ايتۋعا بولادى.

حالىقارالىق قاتىناستار, مەملەكەتتانۋ, سىرتقى ساياسات سالالارىن زەرتتەۋشى رەتىندە ءبىزدىڭ قازىرگى پرەزيدەنت ق.توقاەۆتىڭ سىرت­قى ساياساتى, وڭىرلىك ىنتىماقتاستىق, كورشى­لەس ەلدەرگە ۇستاناتىن ۇستانىمى قالاي بولاتىنىنا جانە قالاي ىسكە اسىرىلاتىنىنا ءجىتى نازار قويىپ وتىرمىز.

جاڭا پرەزيدەنتتىڭ بيىل ءوز حال­قى­نا ارناعان جولداۋىنا قاراعاندا, مەملەكەتتىڭ ىشكى ساياسي جانە الەۋمەتتىك-ەكونوميكالىق ماسەلەلەردى شەشىپ, ەلدىڭ تۇرمىس دەڭگەيىن كوتەرۋگە باعىت­تالعاننىڭ سىرتىندا, بۇ­رىن مەم­لەكەت تاراپىنان ازاماتتاردى الەۋ­مەت­تىك قولداۋ قىزمەتى, جوعارى وقۋ ورىن­دا­رىنداعى ستيپەنديالار مولشە­رىن كو­بەيتۋ, سونداي-اق كەدەيلىكتىڭ دەڭ­گەيىن تومەندەتۋ, كوپ بالالى انالارعا جاردەماقىنى مولايتۋ, جۇمىس ورىندارىن قۇرۋ, حالىقتىڭ بەيبىت ءومىر ءسۇرۋ ورتاسىن جاساۋ سەكىلدى ماسەلەلەرگە ەرەكشە نازار اۋدارعانىن بايقاۋعا بولادى.

د.زولبوو,

موڭعوليانىڭ عىلىمدار اكادەمياسى حالىقارالىق قاتىناستار ينستيتۋتىنىڭ ديرەكتورى, دوكتور