قايعى بارىمىزگە ورتاق

قىزىلاعاش اۋىلىنداعى قاي­عى­لى وقيعا قىزىلجار ءوڭىرىنىڭ تۇر­عىن­دارىنىڭ دا قابىرعاسىن قاتتى قايىستىردى. ءسولتۇس­تىك­قازا­ق­ستان­دىقتار  ەلباسى مەن ۇكىمەتتىڭ  اۋىر اپاتتان  زارداپ شەگۋشىلەر مەن قازا تاپقانداردىڭ وتبا­سى­لا­رىنا جاردەم قولىن سوزۋ تۋرالى شاقىرۋىن ءبىر كىسىدەي قابىلداپ, ۇلكەن قولداۋ كورسەتۋدە. ماتە­ريال­دىق كومەك جاساۋ جونىندەگى وبلىس اكىمى سەرىك ءبىلالوۆتىڭ ۇندەۋىنە ءبىرىنشى بولىپ دارىگەرلەر مەن مۇ­عالىمدەر ءۇن قاتىپ,  ارنايى اشىل­عان ەسەپ-شوتقا ءبىر كۇندىك ەڭ­بەكاقىلارىن اۋداردى. كۇن وتكەن سايىن ولاردى قولداۋشىلاردىڭ قاتارى  كوبەيە تۇسۋدە. “نۇر وتان” حدپ وبلىستىق ۇيىمىنىڭ ۇيىمداستىرۋىمەن ازىق-ت ۇلىكتەر مەن كيىم-كەشەكتەر تيەلگەن ءۇش جۇك كولىگى قايعىلى وقيعا ورىن العان جەرگە اتتانىپ كەتتى. تيميريازەۆ اۋدانىنىڭ جەكە كاسىپكەرى ي.اللاحياروۆ 20 توننا ۇن جونەلتكەنىن, پەتروپاۆل نان-توقاش كومبيناتىنىڭ ديرەكتورى ا.ەڭسە­گەنوۆ  ءبىر كۇندىك ەڭبەكاقىلارىن اۋدارۋعا شەشىم قابىلداعاندارىن حابارلادى.  ايماق باسشىسى سول­تۇس­تىك­قازاقستاندىقتار تاراپى­نان  ماتەريالدىق كومەكتىڭ جال­عا­سا­تىنىن, 50 ميلليون تەڭگەنىڭ ار­ناۋ­لى قايىرىمدىلىق ەسەپشوتقا تۇسكەنىن جەتكىزدى. ءومىر ەسقالي, سولتۇستىك قازاقستان وبلىسى.