باتىس قازاقستان وبلىسىنىڭ ءبورلى اۋدانىنا اكىم بولىپ ساتقانوۆ ميرجان مۇنايدار ۇلى تاعايىندالدى. ايتا كەتەيىك, ءبورلى اۋدانى – وبلىستاعى جالعىز ونەركاسىپتى مونوقالا – اقساي شاھارى, ءىرى گاز-كوندەنسات كەن ورنى – قاراشىعاناق ورنالاسقان ءوڭىر.
ونەركاسىپتى اۋداننىڭ جاڭا باسشىسى ميرجان ساتقانوۆ 1977 جىلى دۇنيەگە كەلگەن. ءبىلىمى جوعارى, تۇركيا رەسپۋبليكاسى دوكۋز ەيليۋل ۋنيۆەرسيتەتىن «قارجى» ماماندىعى بويىنشا تامامداعان.
ءار جىلدارى:
- ورال قالاسى اكىمدىگى قارجى ءبولىمىنىڭ جەتەكشى مامانى,
- بقو كاسىپكەرلىكتى قولداۋ جانە دامىتۋ دەپارتامەنتىنىڭ باس مامانى, ءبولىم باستىعى, باستىعىنىڭ ورىنباسارى;
- بقو كاسىپكەرلىك جانە ونەركاسىپ دەپارتامەنتى (باسقارما) ديرەكتورىنىڭ (باستىعىنىڭ) ورىنباسارى;
- بقو كاسىپكەرلىك جانە يندۋستريالدىق-يننوۆاتسيالىق دامۋ باسقارماسى باسشىسىنىڭ ورىنباسارى, باسقارما باسشىسى;
- بقو جولاۋشىلار كولىگى جانە اۆتوموبيل جولدارى باسقارمانىڭ باسشىسى بولىپ قىزمەتتەر اتقارعان.
2018 جىلدىڭ ناۋرىز ايىنان باستاپ باتىس قازاقستان وبلىسى اكىمىنىڭ ورىنباسارى بولدى.