سەيسەنبى, 4 ماۋسىم 2013 2:06
قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات سارىباي باستاعان دەلەگاتسيا كۋۆەيت مەملەكەتىنە جاساعان جۇمىس ساپارى بارىسىندا كۋۆەيت پرەمەر-ءمينيسترىنىڭ ورىنباسارى – سىرتقى ىستەر ءمينيسترى شەيح ساباح حالەد ءال-حاماد اس-ساباحپەن كەلىسسوزدەر جۇرگىزدى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
سەيسەنبى, 4 ماۋسىم 2013 2:06
قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات سارىباي باستاعان دەلەگاتسيا كۋۆەيت مەملەكەتىنە جاساعان جۇمىس ساپارى بارىسىندا كۋۆەيت پرەمەر-ءمينيسترىنىڭ ورىنباسارى – سىرتقى ىستەر ءمينيسترى شەيح ساباح حالەد ءال-حاماد اس-ساباحپەن كەلىسسوزدەر جۇرگىزدى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
كەزدەسۋ بارىسىندا كۋۆەيت سىرتقى ساياسات ۆەدومستۆوسىنىڭ باسشىسى كۋۆەيت تاراپى قازاقستاننىڭ جوعارى حالىقارالىق بەدەلىن, سونداي-اق كوپجاقتى جانە ەكىجاقتى ەكونوميكالىق ىنتىماقتاستىقتىڭ بولاشاق الەۋەتىن ەسكەرە وتىرىپ, ۇستىمىزدەگى جىلدىڭ اياعىنا دەيىن استانادا ءوز ەلشىلىگىن اشۋدى جوسپارلاپ وتىرعانىن جانە ونىڭ سالتاناتتى اشىلۋىن كۋۆەيت پرەمەر-ءمينيسترىنىڭ ورىنباسارى – سىرتقى ىستەر ءمينيسترى شەيح ساباح حالەد ءال-حاماد اس-ساباح قازاقستانعا رەسمي ساپارى بارىسىندا وتكىزۋ نيەتى بار ەكەنىن جەتكىزدى.
سۇحبات اياسىندا تاراپتار قازاقستان مەن كۋۆەيت اراسىنداعى ءتۇرلى سالالارداعى ىنتىماقتاستىق ماسەلەلەرىن, اتاپ ايتقاندا, ەكىجاقتى ساياسي, ەكونوميكالىق ءجانە مادەني-گۋمانيتارلىق بايلانىستاردى دامىتۋ جولدارىن تالقىلاپ, ايماقتاعى تۇيتكىلدى ماسەلەلەر بويىنشا وي ءبولىستى.
ق.سارىباي كۋۆەيتكە ساپارى شەڭبەرىندە ساۋدا-ەكونوميكالىق ىنتىماقتاستىق جونىندەگى قازاقستان-كۋۆەيت ۇكىمەتارالىق ءبىرلەسكەن كوميسسياسىنىڭ تەڭ توراعاسى, كۋۆەيت قارجى ءمينيسترىنىڭ ورىنباسارى حاليفا حامادامەن, كۋۆەيت اراب ەكونوميكالىق دامۋ قورىنىڭ (كاەدق) باس ديرەكتورى ابدەلۋاحاب ءال-بادرمەن كەزدەسۋلەر وتكىزدى. كەزدەسۋلەر بارىسىندا ەلدەر اراسىنداعى ەكىجاقتى ىنتىماقتاستىقتى جاڭا دەڭگەيگە كوتەرۋ, ۇكىمەتارالىق كوميسسيانىڭ كەزەكتى 3-وتىرىسىن الداعى قىركۇيەكتە استانادا ءوتكىزۋ جانە ەلىمىزگە ينۆەستيتسيا تارتۋ, كۋۆەيتتىك كاسىپكەرلەردىڭ قازاقستان نارىعىنا بەلسەندى ارالاسۋى مەن 2017 جىلى استانادا وتەتىن ەكسپو-2017 حالىقارالىق كورمەسىن ۇيىمداستىرۋعا اتسالىسۋ ماسەلەلەرى تالقىلاندى.