جۇما, 29 ناۋرىز 2013 1:39
قاي كەزدە دە ادامدى ادام ەتەتىن ادال ەڭبەكتىڭ قۇندىلىعى جوعالمايدى. اسىرەسە, قازىرگى باسەكەلەستىك ورىستەگەن شاقتا ەڭبەك نارىعىندا سۇرانىسقا يە مامانداردى قالاي جانە قايدا دايىنداعان ءجون؟ مەملەكەت تاراپىنان مامانداردى قايتا دايارلاۋدىڭ تيىمدىلىگى بار ما؟ شاعىن جانە ورتا بيزنەستى قارقىندى دامىتۋ باعىتىنداعى قادامدار جەمىسىن بەرە مە؟ «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەكتىڭ اتىراۋ وبلىسىنا جۇمىس ساپارى كەزىندە وسى ماسەلەلەرگە باسا نازار اۋدارىلدى.
جۇما, 29 ناۋرىز 2013 1:39
قاي كەزدە دە ادامدى ادام ەتەتىن ادال ەڭبەكتىڭ قۇندىلىعى جوعالمايدى. اسىرەسە, قازىرگى باسەكەلەستىك ورىستەگەن شاقتا ەڭبەك نارىعىندا سۇرانىسقا يە مامانداردى قالاي جانە قايدا دايىنداعان ءجون؟ مەملەكەت تاراپىنان مامانداردى قايتا دايارلاۋدىڭ تيىمدىلىگى بار ما؟ شاعىن جانە ورتا بيزنەستى قارقىندى دامىتۋ باعىتىنداعى قادامدار جەمىسىن بەرە مە؟ «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەكتىڭ اتىراۋ وبلىسىنا جۇمىس ساپارى كەزىندە وسى ماسەلەلەرگە باسا نازار اۋدارىلدى.
ويتكەنى, ەلىمىزدە جوعارى وقۋ ورنىن بىتىرگەن جاستار قاپەلىمدە تۇراقتى جۇمىسقا ورنالاسا المايدى. جۇمىس بەرۋشىلەردىڭ بارلىعى دەرلىك, اسىرەسە, وڭىردە قارقىندى دامۋ جولىنا تۇسكەن مۇناي-گاز ونەركاسىبىندەگى وتاندىق, شەتەلدىك كاسىپورىندار جوعارى وقۋ ورنىن بىتىرگەن جاستاردان ءۇش نە بەس جىلدىق ەڭبەك ءوتىلى بولۋىن تالاپ ەتەدى. نەمەسە, شەت ءتىلىن مەڭگەرۋى سۇرالادى. قالاي دەگەندە جاس ماماندى جۇمىسقا قابىلداماۋدىڭ سان ءتۇرلى ايلا-شارعىسى جاسالادى. جوعارى وقۋ ورنىن بىتىرگەنىن دالەلدەيتىن ديپلومى بولسا دا, تۇراقتى جۇمىس تابا الماي قينالعان جاس ماماننىڭ ءبىرى – اسەت مۇرزاباەۆ. ەندى ول «جۇمىسپەن قامتۋ-2020» باعدارلاماسى» اياسىندا ەكىنشى ماماندىق الۋدى كوزدەپ, اتىراۋداعى يندۋستريالىق كوللەدجگە وقۋعا ءتۇسىپتى. قازىر ەلەكتر جوندەۋشى ماماندىعىن مەڭگەرۋدە.
– وسى كوللەدجدە العان ءبىلىمىم الداعى ۋاقىتتا تۇراقتى جۇمىسقا ورنالاسۋىما جول اشادى دەپ ويلايمىن. مەملەكەت ءبىز سەكىلدى جاستاردىڭ بولاشاعى ءۇشىن «جۇمىسپەن قامتۋ-2020» باعدارلاماسىن ىسكە اسىرۋدى قولعا العانىنا قۋانىشتىمىن. ەكىنشى ماماندىقتى مەڭگەرۋىم – وسى باعدارلامانىڭ جەمىسى, –دەيدى اسەت مۇرزاباەۆ.
يندۋستريالىق كوللەدجدىڭ بۇگىنگى ەڭبەك نارىعىندا ۇلكەن سۇرانىسقا يە سان الۋان ماماندىق يەلەرىن دايىنداۋىنا تولىق مۇمكىندىگى بار. وقۋ ورنىنىڭ ماتەريالدىق-تەحنيكالىق بازاسى جاڭا ءداۋىردىڭ وزىق تەحنولوگياسىمەن جابدىقتالىپ, ءدۋالدى وقىتۋ جۇيەسى دە ەنگىزىلگەن. سوڭعى 3 جىلدا بۇل وقۋ ورنىن 3400 مامان ءبىتىرىپ, ونىڭ 90 پايىزى جۇمىسقا ورنالاسقان. ولاردىڭ ىشىندە ارگونمەن دانەكەرلەۋشىلەر, قۇبىر قۇراستىرۋشىلار مەن قۇرىلىسشى سەكىلدى ايماقتاعى ءىرى جوبالارعا قاجەتتى ماماندار دايارلانعان. ماسەلەن, ناۋرىزبەك ايتپاەۆ ەكى ماماندىقتى مەڭگەرىپ, شاعىن جانە ورتا بيزنەس سالاسىنداعى مەكەمەگە ەلەكترشى بولىپ جۇمىسقا ورنالاسىپتى. جاس مامان قازىر 100 مىڭ تەڭگەدەي تابىس تابادى. «مەن دە «جۇمىسپەن قامتۋ-2020» باعدارلاماسىمەن قۇبىر قۇراستىرۋشى ماماندىعىن العان ەدىم. الايدا, ەكىنشى ماماندىقتى مەڭگەرۋ قاجەت بولدى. ءسويتىپ, اتالعان باعدارلاما ارقىلى ەلەكترشى ماماندىعىن الدىم», دەيدى كوللەدج تۇلەگى ن.ايتپاەۆ.
ورىمدەي جاستاردىڭ ەڭبەككە ورنالاسۋىنا «نۇر وتان» حدپ-نىڭ جاڭا دوكتريناسىندا باسىمدىق بەرىلگەن. اتىراۋداعى يندۋستريالىق كوللەدجدىڭ مامان دايارلاۋ ۇدەرىسىمەن تانىسقان پارتيا توراعاسىنىڭ ءبىرىنشى ورىنباسارى جاس بۋىندى ەڭبەككە باۋلۋدىڭ ماڭىزدىلىعىنا ايرىقشا توقتالدى. «ءبىزدىڭ ۇلتتىق ۋنيۆەرسيتەتتەردىڭ مامان دايارلاۋ ساپاسى جاقسارىپ كەلەدى. بىراق, جوعارى وقۋ ورنىن بىتىرگەن جاستاردىڭ ءبارى بىردەي جۇمىس تابا الا ما؟ وسى ماسەلەنىڭ وڭتايلى شەشىلۋىن الدىن الا ويلاستىرۋ قاجەت. ارينە, جاستار ابىرويعا بولەنەمىز, بيىككە كوتەرىلەمىز دەسە, وعان تەك قانا ءبىلىمنىڭ, ادال ەڭبەكتىڭ ارقاسىندا قول جەتكىزەتىنىن ۇمىتپاۋى قاجەت. سول سەبەپتەن, ءبىز پارتيانىڭ دوكتريناسىندا ادال ەڭبەك قۇندىلىعىنا باسا نازار اۋدارىپ وتىرمىز», دەدى ب.بايبەك.
بىلىكتى ماماننىڭ تەك ءىرى كومپانيالارعا عانا ەمەس, سونىمەن قاتار, شاعىن جانە ورتا بيزنەس سالاسىنا دا قاجەتتىگىن كاسىپكەرلەر جوققا شىعارمايدى. سول سەبەپتەن ءار سالادان ءناسىپ تاباتىن كاسىپكەرلەر ارناۋلى ورتا وقۋ ورىندارىمەن بايلانىس ورناتىپ, جاستاردىڭ تەوريالىق ءبىلىمىن تاجىريبەمەن ۇشتاستىرۋىنا مۇمكىندىك جاساۋعا كوشىپتى. سونداي مەكەمەنىڭ ءبىرى – «اليانس-سك» سەرىكتەستىگى مەملەكەتتىڭ قولداۋىن دا سەزىنىپ وتىر ەكەن. سەرىكتەستىكتىڭ اتقارۋشى ديرەكتورى اندرەي تيپاكوۆتىڭ ايتۋىنشا, 2011 جىلى پلاستيكالىق تەرەزەلەر شىعاراتىن قوندىرعىنى ىسكە قوسۋ ءۇشىن «دامۋ» كاسىپكەرلىكتى قولداۋ قورى ارقىلى نەسيە الىپتى. سونىڭ ناتيجەسىندە دايىن ءونىم شىعارۋ كولەمىن 2,5 ەسەگە ارتتىرىپتى. وتكەن جىلى 400 ميلليون تەڭگەنىڭ ءونىمىن شىعارعان بۇل مەكەمەدە قازىر 79 ادام تۇراقتى جۇمىسپەن قامتىلىپتى.
«نۇر وتان» حدپ توراعاسىنىڭ ءبىرىنشى ورىنباسارى ماحامبەت اۋدانىنىڭ جاستارىمەن دە كەزدەستى. مۇندا دا ەل ەرتەڭى – جاستاردى تاربيەلەۋ ماسەلەسى اڭگىمە وزەگىنە اينالدى. ەڭ باستىسى – جاستاردى وتانشىلدىققا تاربيەلەۋ. ارينە, ونىڭ جولدارى سان الۋان. قاراپايىم ەڭبەك ادامىنىڭ تاجىريبەسىن ناسيحاتتاۋ ارقىلى ەلدىڭ وركەندەۋىنە ۇلەس قوسۋدىڭ ماڭىزدىلىعىن ۇعىندىرۋعا بولادى ەمەس پە؟ ب.بايبەك قورشاعان ورتاعا جاناشىرلىقتىڭ ۇلگىسىن «جەڭىس باعىنا» جاس كوشەتتەر وتىرعىزۋ ارقىلى كورسەتتى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.