بەيسەنبى, 30 مامىر 2013 2:01
قوستاناي وبلىسىنا كەلدىا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ الدىندا استانادان كەلگەن «يننوۆاتسيالىق فورساج» اۆتوبۋسىن ستۋدەنتتەر ءتۇرلى-ءتۇستى شارلاتىپ, جالاۋلاتىپ قارسى الدى. يننوۆاتسيالىق اۆتوبۋستىڭ كەلۋ ماقساتى – رەسپۋبليكادا جۇرگىزىلىپ جاتقان يننوۆاتسيالىق بيزنەس جوسپارلار كونكۋرسى تۋرالى تۇرعىنداردى اقپاراتتاندىرۋ جانە قاۋقارى جەتەرلىك كاسىپكەرلەردى وعان قاتىسۋعا تارتۋ بولىپ وتىر. يننوۆاتسيالىق جوبالار كونكۋرسىنان جۇرتشىلىق تەلەارنالارداعى «يننوۆاتسيالىق فورساج» تەلەشوۋ ارقىلى تانىس.
بەيسەنبى, 30 مامىر 2013 2:01
قوستاناي وبلىسىنا كەلدىا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ الدىندا استانادان كەلگەن «يننوۆاتسيالىق فورساج» اۆتوبۋسىن ستۋدەنتتەر ءتۇرلى-ءتۇستى شارلاتىپ, جالاۋلاتىپ قارسى الدى. يننوۆاتسيالىق اۆتوبۋستىڭ كەلۋ ماقساتى – رەسپۋبليكادا جۇرگىزىلىپ جاتقان يننوۆاتسيالىق بيزنەس جوسپارلار كونكۋرسى تۋرالى تۇرعىنداردى اقپاراتتاندىرۋ جانە قاۋقارى جەتەرلىك كاسىپكەرلەردى وعان قاتىسۋعا تارتۋ بولىپ وتىر. يننوۆاتسيالىق جوبالار كونكۋرسىنان جۇرتشىلىق تەلەارنالارداعى «يننوۆاتسيالىق فورساج» تەلەشوۋ ارقىلى تانىس. بۇل جولى كورەرمەندەردى وسى تەلەشوۋدى قاراۋعا ۇگىتتەۋ دە قاپەردەن تىس قالمايدى. «يننوۆاتسيالىق فورساج» اۆتوبۋسىمەن رەسپۋبليكا وڭىرلەرىن ارالاۋدى «تەحنولوگيالىق دامۋ جونىندەگى ۇلتتىق اگەنتتىك» اكتسيونەرلىك قوعامى يندۋستريا جانە جاڭا تەحنولوگيالار مينيسترلىگىنىڭ قولداۋىمەن رەسپۋبليكادا ءبىرىنشى رەت ۇيىمداستىردى. قوستاناي وبلىسى اۆتوبۋستىڭ ءبىرىنشى بەكەتىنە اينالدى.
اۆتوبۋسپەن كەلگەن قوناقتار اگەنتتىك پەن قوستاناي وبلىسى اكىمدىگى جانە «توبىل» ااك ينۆەستيتسيا تارتۋ جانە يننوۆاتسيانى قولداۋ ورتالىعىنىڭ ۇيىمداستىرۋىمەن وتكەن سەمينارعا قاتىستى. وندا وبلىس اكىمىنىڭ ورىنباسارى م.دارىباەۆ قوناقتار مەن جەرگىلىكتى كاسىپكەرلەردى قۇتتىقتاپ: «قازىر عىلىمنىڭ ۇزدىك جەتىستىكتەرى – ساندىق, نانا-تەحنولوگيالار زامانىندا ءومىر ءسۇرىپ وتىرمىز. ونى دۇنيە ءجۇزى ەلدەرى دامۋدىڭ كەپىلى ساناپ وتىر. ءبىز دە جاھاندانۋ كەزىندە وسى وزىق تەحنولوگيالاردى پايدالانۋعا بەلسەنە قاتىسۋىمىز قاجەت. ءبىزدىڭ ەكونوميكا يننوۆاتسيالىق جوبالارسىز, جاڭالىقتارسىز دۇنيە جۇزىلىك باسەكەگە توتەپ بەرە المايدى. سوندىقتان ءساۋىر ايىندا قوستانايدا قازاقستاننىڭ ءبىراز وڭىرىنەن, بەلورۋسسيا مەن رەسەيدەن عالىمدار مەن كاسىپكەرلەر قاتىسقان ءى يننوۆاتسيالىق فورۋم وتكىزدىك. وندا وتىزدىڭ سىرتىندا يننوۆاتسيالىق جوبالار قاتىسقان كورمە جۇرت نازارىنا ۇسىنىلدى. بۇل شارانى دا يننوۆاتسيالىق جوبالاردىڭ ومىرگە جولداما الۋى ءۇشىن جاسالىپ جاتقان وزىق شارانىڭ ءبىرى دەپ بىلەمىن», دەدى. اگەنتتىكتىڭ باسقارۋشى ديرەكتورى سەرىك ماراتوۆ, يننوۆاتسيالىق بەلسەندىلىكتى ارتتىرۋ ورتالىعىنىڭ ديرەكتورى ءدامىر تىلەۋساريەۆ يننوۆاتسيالىق جوبالار كونكۋرسىنا قاتىسۋدىڭ شارتتارى مەن ىرىكتەۋ كەزەڭدەرى تۋرالى ايتىپ بەردى. اۆتوبۋسپەن كەلگەن ماماندار كونكۋرسقا قاتىسقان عىلىمي جانە يننوۆاتسيالىق جوبالاردى جۇزەگە اسىرۋدىڭ جانە وعان مەملەكەتتەن قارجى الۋدىڭ جولدارىن, تەتىكتەرىن ءتۇسىندىردى. سەمينارعا قاتىسۋشىلار سۇراقتارىنا جاۋاپ بەردى. NIF$50K كونكۋرسىنىڭ وتكەن جىلعى ءجۇلدەگەرى ا.نىسانوۆ ءوز پىكىرىن ءبىلدىردى. يننوۆاتسيالىق جوبالار كونكۋرسىنا قاتىسۋعا ىنتا بىلدىرەتىن عالىمدار مەن كاسىپكەرلەر وبلىستا از ەمەس. اگەنتتىك پەن تەلەجوبا وكىلدەرى سولاردىڭ بىرنەشەۋىنىڭ جۇمىستارىمەن تانىستى. وسى جولى اگەنتتىك مۇشەلەرى جەرگىلىكتى كاسىپكەرلەردەن كونكۋرسقا ءوتىنىشتەر قابىلدادى.مامىر ايىنىڭ 28-ءى مەن ماۋسىمنىڭ 21-ءى ارالىعىندا «يننوۆاتسيالىق اۆتوبۋس» ەلىمىزدىڭ بارلىق وڭىرلەرىن ارالاپ وتەدى. وندا «NIF$50K يننوۆاتسيالىق جوبالار كونكۋرسىنىڭ شارتتارى مەن مەحانيزمدەرى تۋرالى كەڭىنەن تۇسىنىك جۇمىستارى ءجۇرگىزىلەدى. سونىمەن قاتار, ەلىمىزدە وسىنداي كەڭ اۋقىمدى ەكونوميكالىق جۇمىستار جۇرگىزىلىپ جاتقانى بارىنشا ناسيحاتتالادى.ءنازيرا جارىمبەتوۆا,«ەگەمەن قازاقستان».قوستاناي.