ا. كوبەتوۆ 2014 جىلعا دەيىن قازاقستاندا بار بولعانى ءۇش ءىرى ءمجا جوباسى بولعانىن ايتتى, ولار: «شار — وسكەمەن» اۆتوجولى, اقتاۋداعى حالىقارالىق اۋەجاي جانە سولتۇستىك قازاقستان ەلەكتر جەلىسى.
«2011 جىلدان باستاپ ءبىز قر ۇەم بىرلەسىپ ينۆەستورلاردى تارتۋ تەتىكتەرىن كەزەڭ-كەزەڭىمەن ەنگىزە باستادىق. بىرىنشىدەن, بۇل بارلىق وبلىستاردى كەڭەيتۋ جۇمىستارى بولدى. بۇعان دەيىن تەك الەۋمەتتىك جوبالار مەن تىرشىلىكتى قامتاماسىز ەتۋ جوبالارى ىسكە اسىرىلدى. ودان كەيىن سپەكتر كەڭەيتىلدى», دەدى ا. كوبەتوۆ.
2015 جىلى ءمجا تۋرالى زاڭ قابىلدانعاننان كەيىن «جەكە قارجىلىق باستاما» تەتىگى پايدا بولدى. بۇگىندە قول قويىلعان 565 كەلىسىمشارتتىڭ 290-ى وسى تەتىككە قاتىستى.
ءۇاااج جوباسىن ىسكە اسىرۋ اياسىندا ەرەكشە ماڭىزدى جوبالار بويىنشا ۆاليۋتالىق تاۋەكەلدى قابىلداۋ, حالىقارالىق اربيتراج, جەكە سەرىكتەس, مەملەكەتتىك سەرىكتەس جانە قارجىلاندىرۋ ينستيتۋتى اراسىندا كەلىسىمشارت جاساۋعا مۇمكىندىك بەرەتىن تىكەلەي كەلىسىم سەكىلدى نەگىزگى وزگەرىستەر ەنگىزىلدى.
«ەگەر ءبولىنىستى الىپ قارايتىن بولساق, 907 ملرد تەڭگە سوماسىنا 9 رەسپۋبليكالىق ءمجا جوباسى جانە 400 ملرد تەڭگە سوماسىنا 556 جەرگىلىكتى جوبا. ولار بويىنشا شىعىنداردى وتەۋگە 1,1 ترلن تگ جۇمسالادى. ينۆەستيتسيالار تارتۋ – شامامەن 900 ملرد تگ. شامامەن 1:1», دەدى قر ۇەم «قازاقستاندىق ءمجا ورتالىعى» اق باسقارما توراعاسىنىڭ ورىنباسارى.
سونىمەن بىرگە, ول باستاپقىدا ينۆەستورلاردى مەملەكەتتىڭ جاۋاپتى باعىتتارىنا تارتۋ مىندەتى تۇرعانىن اتاپ ءوتتى. سوندىقتان دا, ينۆەستورلار ءۇشىن اسا تارتىمدى ەمەس جوبالار بولدى. كەز-كەلگەن مەملەكەتتەگىدەي, قازاقستان قارجى سالاتىن ينۆەستورلار ءۇشىن قايتارىمدىلىققا كەپىلدىك بەرىپ, تاۋەكەلدەردى بارىنشا ازايتۋدى قامتاماسىز ەتۋى ءتيىس ەدى.
«وسى قابىلدانعان مىندەتتەمەلەردىڭ ارقاسىندا جوبالاردىڭ سانى وسىنشالىقتى بولدى. بىراق وسى جىلدىڭ باسىنان باستاپ قر ۇەم ساننان ساپاعا كوشۋدى باستادى, جوبالاردى ءۇش ساناتقا ءبولدى», دەدى ا. كوبەتوۆ.