شەتەل مەملەكەتتەرى مەن ۇكىمەتتەرىنىڭ جەدەلحاتتارىندا ەلباسىنىڭ وداقتاستىق جانە ستراتەگيالىق سەرىكتەستىك قاتىناستاردى دامىتۋ ىسىنە سىڭىرگەن ەڭبەگى, سونداي-اق بۇكىل قۇرلىقتا تاتۋ كورشىلىكتى, تۇراقتىلىق پەن قاۋىپسىزدىكتى قامتاماسىز ەتۋگە قوسقان ۇلەسى ەرەكشە اتاپ كورسەتىلەدى. مۇنداي جەدەلحاتتار رەسەي فەدەراتسياسىنىڭ پرەزيدەنتى ۆلاديمير پۋتيننەن, قىتاي حالىق رەسپۋبليكاسىنىڭ توراعاسى سي تسزينپيننەن, وزبەكستان رەسپۋبليكاسىنىڭ پرەزيدەنتى شاۆكات ميرزيەەۆتەن, قىرعىز رەسپۋبليكاسىنىڭ پرەزيدەنتى سوورونباي جەەنبەكوۆتەن, تاجىكستان رەسپۋبليكاسىنىڭ پرەزيدەنتى ەمومالي راحموننان, بەلارۋس رەسپۋبليكاسىنىڭ پرەزيدەنتى الەكساندر لۋكوشەنكودان, ازەربايجان رەسپۋبليكاسىنىڭ پرەزيدەنتى يلحام اليەۆتەن, تۇرىكمەنستان پرەزيدەنتى گۋربانگۋلى بەردىمۇحامەدوۆتەن, ارمەنيا رەسپۋبليكاسىنىڭ پرەزيدەنتى ارمەن ساركيسياننان, سەربيا رەسپۋبليكاسىنىڭ پرەزيدەنتى الەكساندر ۆۋچيچتەن, مولدوۆا رەسپۋبليكاسىنىڭ پرەزيدەنتى يگور دودوننان, كورەيا رەسپۋبليكاسىنىڭ پرەزيدەنتى مۋن چجە يننان, رەسەي فەدەراتسياسىنىڭ پرەمەر-ءمينيسترى دميتري مەدۆەدەۆتەن, ارمەنيا پرەمەر-ءمينيسترى نيكول پاشينياننان كەلدى. شەتەل مەملەكەتتەرى جانە ۇكىمەتتەرى باسشىلارى نۇرسۇلتان نازارباەۆتى تۋعان كۇنىمەن قۇتتىقتاپ, ونىڭ ەلوردانى جانە بۇكىل قازاقستاندى قارقىندى دامىتۋ ىسىندەگى باعا جەتپەس رولىنە توقتالدى.
نۇرسۇلتان نازارباەۆتىڭ حالىقارالىق ارەناداعى قىزمەتىنە مەملەكەتارالىق جانە شەتەلدىك ۇيىمدار مەن قۇرىلىمداردىڭ باسشىلارىنان استانا كۇنىنە جانە تۋعان كۇنىنە وراي كەلگەن قۇتتىقتاۋ حاتتاردا دا جوعارى باعا بەرىلگەن. سولاردىڭ قاتارىندا ەۋرازيالىق ەكونوميكالىق كوميسسيا القاسىنىڭ توراعاسى ت.ساركيسيان, تمد اتقارۋشى حاتشىسى – اتقارۋ كوميتەتىنىڭ توراعاسى س.لەبەدەۆ, ۇجىمدىق قاۋىپسىزدىك تۋرالى شارت ۇيىمى باس حاتشىسىنىڭ مىندەتىن اتقارۋشى ۆ.سەمەريكوۆ, مەملەكەتارالىق اۆياتسيالىق كوميتەت توراعاسى ت.انودينا بار.
رەسەي فەدەراتسياسىنىڭ, الىس-جاقىن شەت ەلدەردىڭ مەملەكەت جانە قوعام قايراتكەرلەرىنەن دە ىزگى تىلەككە تولى كوپتەگەن قۇتتىقتاۋ حات كەلىپ ءتۇستى. قازاقستاننىڭ تۇڭعىش پرەزيدەنتىنىڭ قازاقستان مەملەكەتتىلىگىن قالىپتاستىرۋ جانە دامىتۋ ىسىندەگى تاريحي ءرولىن ءوز حاتتارىندا تاتارستان رەسپۋبليكاسىنىڭ پرەزيدەنتى ر.ميننيحانوۆ, رەسەي فەدەرالدىق جينالىسى فەدەراتسيا كەڭەسىنىڭ توراعاسى ۆ.ماتۆيەنكو, رەسەي فەدەرالدىق جينالىسى مەملەكەتتىك دۋماسىنىڭ دەپۋتاتى ۆ.رەسين, ساراتوۆ وبلىسىنىڭ گۋبەرناتورى ۆ.راداەۆ, بايقوڭىر قالاسى اكىمشىلىگىنىڭ باسشىسى ك.بۋسىگين, باشقۇرتستان رەسپۋبليكاسى باسشىسىنىڭ مىندەتىن ۋاقىتشا اتقارۋشى ر.حابيروۆ, ورىنبور وبلىسى گۋبەرناتورىنىڭ مىندەتىن ۋاقىتشا اتقارۋشى د.پاسلەر, تاتارستاننىڭ تۇڭعىش پرەزيدەنتى م.شايميەۆ, حورۆاتيانىڭ بۇرىنعى پرەزيدەنتى س.مەسيچ, ەۋرازيالىق ەكونوميكالىق قوعامداستىقتىڭ بۇرىنعى باس حاتشىسى ت.مانسۇروۆ, ۋكراينانىڭ بۇرىنعى پرەزيدەنتى ل.كۋچما, كامەنسكوە قالاسىنىڭ باسشىسى ا.بەلوۋسوۆ, گاگاۋزيا اۆتونومدى اۋماقتىق قۇرىلىمنىڭ باسشىسى ي.ۆلاح, كاسىپوداقتاردىڭ جالپىعا ورتاق كونفەدەراتسياسىنىڭ باس حاتشىسى پ.ششەرباكوۆ, «مير» مەملەكەتارالىق تەلەراديو كومپانياسىنىڭ باسشىسى ر.باتىرشين, «تاسس» اقپارات اگەنتتىگىنىڭ باس ديرەكتورى س.ميحايلوۆ, رەسەي فەدەراتسياسىنىڭ ەڭبەك سىڭىرگەن ءارتىسى ا.تسوي اتاپ ءوتتى.
نۇرسۇلتان نازارباەۆتىڭ اتىنا قازاقستاندىق جانە شەتەلدىك ىسكەر توپتار وكىلدەرىنەن جولدانعان قۇتتىقتاۋ حاتتاردا ايتۋلى ەكونوميكالىق جەتىستىكتەر عانا ەمەس, سونىمەن بىرگە وڭ وزگەرىستەر جولىندا قازاقستان حالقىن جۇمىلدىرىپ, قوعامدىق كەلىسىمگە نەگىزدەلە جۇرگىزىلگەن ءتيىمدى ساياسات تۋرالى ايتىلعان. ەلباسىنىڭ تۋعان كۇنىنە جانە استانا كۇنىنە بايلانىستى ءوز قۇتتىقتاۋلارىن «ERG» كومپانياسىنىڭ قۇرىلتايشىلارى ا.ماشكەۆيچ, پ.شوديەۆ جانە ا.يبراگيموۆ, «Kegoc» اق باسقارماسىنىڭ توراعاسى ب.قاجيەۆ, «KazzincHoldings» جشس-ءى ديرەكتورلار كەڭەسىنىڭ توراعاسى ن.پوپوۆيچ, «MabetexGroup» كومپانياسىنىڭ پرەزيدەنتى ا.پاكوللي, «ArcelorMittal» اق باس ديرەكتورى پ.كالون, «AccessIndustriesCIS» كومپانياسىنىڭ باسشىلارى ل.بلاۆاتنيك, س.كارپۋحوۆيچ, «ارەتي» حالىقارالىق كومپانيالار توبىنىڭ پرەزيدەنتى ي.ماكاروۆ, «گازپروم» جاق باسقارماسىنىڭ توراعاسى ا.ميللەر, «گازپروم نەفت» جاق باسقارماسىنىڭ توراعاسى ا.ديۋكوۆ, «روساتوم» مەملەكەتتىك كورپوراتسياسىنىڭ باس ديرەكتورى ا.ليحاچەۆ, «سبەربانك» جاق باسقارماسىنىڭ توراعاسى گ.گرەف, «بانك ۆتب» جاق باسقارماسىنىڭ توراعاسى ا.كوستين, «روسنەفت» كومپانياسىنىڭ بۇرىنعى باسشىسى س.ۆاينشتوك, «روسنانو» اق باسشىسى ا.چۋبايس جولدادى.
«ەني» كومپانياسىنىڭ باس اتقارۋشى ديرەكتورى كلاۋديو دەسكالتسي ءوزىنىڭ قۇتتىقتاۋ حاتىندا: «بۇل – قازاقستان رەسپۋبليكاسى ءۇشىن ەرەكشە كۇن. ءسىز ءوزىڭىزدىڭ بۇكىل كاسىبي ءومىرىڭىزدى ءوز ەلىڭىزگە قىزمەت ەتۋگە ارنادىڭىز. ءسىزدىڭ كوشباسشىلىعىڭىزدىڭ جانە كورەگەندىگىڭىزدىڭ ارقاسىندا قازاقستان ەكونوميكالىق ءوسىمنىڭ جاڭا جولدارىن تابۋ جانە حالىقارالىق تۇرعىدان تانىلۋ ىسىندە زور جەتىستىككە جەتتى», – دەپ جازعان.
ەلباسىنىڭ اتىنا جولدانعان كوپتەگەن قۇتتىقتاۋلار ەلىمىزدەگى ورتالىق مەملەكەتتىك ورگانداردىڭ باسشىلارىنان, وبلىستاردىڭ اكىمدەرىنەن, دەپۋتاتتىق جانە ديپلوماتيالىق كورپۋس وكىلدەرىنەن, ۇلتتىق كومپانيالار مەن باسقا دا مەملەكەتتىك مەكەمەلەردىڭ, كاسىپورىندار مەن ۇيىمداردىڭ باسشىلارىنان كەلىپ ءتۇستى.
«حالىق قاھارمانى», ارميا گەنەرالى, «قارۋلى كۇشتەردىڭ ارداگەرلەرى» رەسپۋبليكالىق قوعامدىق بىرلەستىگى ورتالىق كەڭەسىنىڭ توراعاسى م.التىنباەۆ ءوزىنىڭ قۇتتىقتاۋ جەدەلحاتىندا ەلباسىنىڭ قازاقستاندى جانە حالقىمىزدى الەۋمەتتىك-ەكونوميكالىق تۇرعىدا دايەكتى دامىتۋ ىسىنە سىڭىرگەن ەڭبەگىن ەرەكشە اتاپ وتكەن.
نۇرسۇلتان نازارباەۆتىڭ تۋعان كۇنىنە جانە استانا كۇنىنە وراي باس ءمۇفتي سەرىكباي قاجى ورازدان, قازاقستانداعى پراۆوسلاۆ شىركەۋىنىڭ باسشىسى ءارى استانا جانە قازاقستان ءميتروپوليتى الەكساندردان, ورال جانە اقتوبە ارحيەپيسكوپى انتونيدەن قۇتتىقتاۋ حاتتار كەلدى.
«ءسىزدى قازاقستاندا جانە بۇكىل الەمدە ءومىرىن وتانىنا قىزمەت ەتۋگە ارناعان دانا ساياساتكەر جانە اسا كورنەكتى مەملەكەت قايراتكەرى رەتىندە بىلەدى. رەسپۋبليكانىڭ ساياسي, ەكونوميكالىق جانە مادەني الەۋەتىنىڭ ءارتۋى – سىزدىڭ ەرەن ەڭبەگىڭىزدىڭ جەمىسى. ءسىز كوپ جىل بويى ابىرويمەن ادال قىزمەت ەتتىڭىز.
ءسىز قازاقستان حالقىنىڭ شىنايى سۇيىسپەنشىلىگى مەن سەنىمىنە يە بولدىڭىز. حالىق ءسىزدى تولىق قولدايدى ءارى ءسىزدىڭ بەيبىت ءومىر مەن تۇراقتىلىقتى نىعايتۋعا, الەۋمەتتىك ينفراقۇرىلىمدى دامىتۋعا جانە قوعام ومىرىندەگى ءداستۇرلى رۋحاني-ادامگەرشىلىك قۇندىلىقتاردى ورنىقتىرۋعا باعىتتالعان ساياساتىڭىزدى جالعاستىرادى», – دەلىنگەن ءميتروپوليتتىڭ جەدەلحاتىندا.
قۋاتتى قازاقستان قول جەتكىزگەن جەتىستىكتەردىڭ نۇرسۇلتان نازارباەۆتىڭ ەسىمىمەن بايلانىستى ەكەندىگى ءبىلىم جانە عىلىم سالاسىنىڭ قايراتكەرلەرىنەن جانە مەكەمەلەرىنەن كەلگەن حاتتاردا ايتىلعان. سولاردىڭ ىشىندە اكادەميكتەر س.قيراباەۆ پەن ءا.بەيسەنوۆا, قازاقستاننىڭ حالىق ءارتىسى, قازاق ۇلتتىق ونەر ۋنيۆەرسيتەتىنىڭ رەكتورى ا.مۇساقوجاەۆا, ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع.مۇتانوۆ, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى ت.بالىقباەۆ, قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى م.يباتوۆ, قازاقستان-امەريكاندىق ەركىن ۋنيۆەرسيتەتىنىڭ پرەزيدەنتى ە.مامبەتكازيەۆ, رەسەي جاراتىلىستانۋ اكادەمياسىنىڭ پروفەسسورى م.وتەۋباەۆ بار.
ەلىمىزدىڭ جانە شەتەلدىڭ ازاماتتارىنان دا ىزگى تىلەككە تولى كوپتەگەن قۇتتىقتاۋ حاتتار كەلدى. اتاپ ايتقاندا, جىلى لەبىزدەرىن حاسانعاليەۆتەر وتباسى, باتىس قازاقستان وبلىسىنىڭ ەڭبەك ارداگەرلەرى جانە قازاقستان حالقى اسسامبلەياسىنىڭ مۇشەلەرى ج.اقباي, ا.باقتىگەرەەۆا, ن.ەسقاليەۆ, س.كاچالو, ا.ەسەنعاليەۆ, د.ساراتوۆ, نۇر-سۇلتان قالاسىنىڭ تۇرعىندارى روگالەۆتەر وتباسى, س.ەسىمباي, الماتى قالاسىنىڭ تۇرعىندارى ت.ابدىكەنوۆ, س.ۇسەنوۆ, شىمكەنت قالاسىنىڭ تۇرعىنى ب.بەكتۋرەەۆ, تالدىقورعان قالاسىنىڭ تۇرعىندارى ۆ.بۋكوۆ, س.بولشاكوۆا, وسكەمەن قالاسىنىڭ تۇرعىنى و.ۆيدوۆا, مينسك قالاسىنىڭ تۇرعىنى ۆ.يۆانوۆسكي, قازاقستاننىڭ مەنەدجمەنت, ەكونوميكا جانە بولجامداۋ ينستيتۋتىنىڭ ستۋدەنتى ا.ايتقوجينا جەتكىزگەن.
نۇرسۇلتان نازارباەۆ ءوز اتىنا كەلىپ تۇسكەن حاتتارمەن تانىسىپ شىعىپ, بارلىق اۆتورلارعا جىلى لەبىزدەرى مەن قۇتتىقتاۋلارى ءۇشىن ريزاشىلىعىن بىلدىرەدى.