بەيسەنبى, 25 ءساۋىر 2013 2:37
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي مەن ەكونوميكالىق جانە قارجىلىق قىلمىستاردى اشۋ دەپارتامەنتىنىڭ باستىعى جانات ەليمانوۆ اتىراۋ وبلىسى اكىمدىگىنىڭ لاۋازىمدى تۇلعالارى جانە مەردىگەر ۇيىمداردىڭ باسشىلارى جاساعان سىبايلاس جەمقورلىق جانە ەكونوميكالىق قىلمىستاردى جاساۋ دەرەگى بويىنشا قىلمىستىق ىستەردى تەرگەۋ اياقتالعانىن حابارلادى.
بەيسەنبى, 25 ءساۋىر 2013 2:37
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي مەن ەكونوميكالىق جانە قارجىلىق قىلمىستاردى اشۋ دەپارتامەنتىنىڭ باستىعى جانات ەليمانوۆ اتىراۋ وبلىسى اكىمدىگىنىڭ لاۋازىمدى تۇلعالارى جانە مەردىگەر ۇيىمداردىڭ باسشىلارى جاساعان سىبايلاس جەمقورلىق جانە ەكونوميكالىق قىلمىستاردى جاساۋ دەرەگى بويىنشا قىلمىستىق ىستەردى تەرگەۋ اياقتالعانىن حابارلادى.
اتالعان قىلمىستىق ىستەردى تەرگەۋ بارىسىندا تەرگەۋ-جەدەل توبى 68 ساراپتاما جاساپ, 750-دەن استام ادامنان جاۋاپ الىپ, 79 ءتىنتۋ جۇرگىزىپ, 30 مىڭنان استام قۇجاتتاردى قاراعان. وسى جۇمىس ناتيجەسىندە اتىراۋ وبلىسىنىڭ اۋماعىندا وبلىستىڭ بۇرىنعى اكىمى بەرگەي رىسقاليەۆ قۇرىپ, ونىڭ باسشىلىعىمەن 6 جىلدان استام ۋاقىت (2006-2012 جىلدار ارالىعى) ارەكەت ەتكەن قىلمىستىق توپ جويىلىپتى.
انىقتالعانداي, رىسقاليەۆ جوعارى وكىلەتتىككە يە بولا تۇرا, مەملەكەتتىك قاراجاتتى ۇرلاۋ ماقساتىندا 35 ادامنان 3 ۇيىمداسقان قىلمىستىق توپ قۇرعان. ول قىلمىستىق توپتىڭ قۇرامىنا اتىراۋ وبلىسىنىڭ باسشىلارىن, ياعني ءوزىنىڭ ءبىرىنشى ورىنباسارى ءداۋكەنوۆتى, ورىنباسارى ءابدىروۆتى, ايماقتاعى ماڭىزدى لاۋازىمدارعا ءوزى تاعايىنداعان وبلىس اكىمدىگىنىڭ باسقارما باستىقتارىن, سونداي-اق, وزىمەن سىبايلاس كاسىپكەرلەر مەن تۋىسقاندارىن تارتقان.
رىسقاليەۆ وبلىس اكىمى لاۋازىمىنا تاعايىندالعاننان كەيىن وزىنە بەرىلگەن بيلىكتى تەرىس ماقساتتا پايدالانۋعا بەل بۋىپ, تاپسىرىلعان بيۋدجەت قاراجاتى مەن مەملەكەتتىك م ۇلىكتى ۇرلاۋ ءۇشىن بىرنەشە قىلمىستىق جەلىلەردى ويلاستىرعان.
بيۋدجەتتىك قاراجات رىسقاليەۆپەن سىبايلاس جانە ونىڭ جاقىن تۋىسقاندارىنىڭ باقىلاۋىنداعى كاسىپورىنداردى مەملەكەتتىك ساتىپ الۋ كونكۋرستارىندا جەڭىمپاز رەتىندە تانۋ, ولارمەن كورىنەۋ جوعارى باعالارعا كەلىسىمشارتتارعا قول قويۋ, جۇمىستاردى اتقارۋدىڭ جالعان اكتىلەرى بويىنشا كاسىپورىندارعا نەگىزسىز قاراجات اۋدارۋ جانە ونى جالعان كاسىپورىنداردىڭ شوتتارى ارقىلى قولما-قول اقشاعا اينالدىرۋ جولىمەن ۇرلانىپ وتىرعان.
بۇل قىلمىستاردى جاساۋ ءۇشىن اتىراۋ وبلىسى اكىمدىگىنىڭ لاۋازىمدى تۇلعالارى مەن رىسقاليەۆتىڭ باقىلاۋىنداعى كاسىپكەرلەر تارتىلعان. ولار رىسقاليەۆتىڭ باستاۋىمەن قۇرىلعان نەگىزگى ۇيىمداسقان قىلمىستىق توپتىڭ ۇيىتقىسىنا اينالدى. وعان قوسا, 2008 جىلدىڭ اياعىندا ر.الباقاسوۆ پەن و.پاۆليچەنكو وزدەرىنە جۇكتەلگەن قىلمىستىق رولدەرىن اتقارا وتىرىپ, رىسقاليەۆ باسقاراتىن ۇيىمداسقان قىلمىستىق توپتىڭ ىشىندە جالعان زاڭدى تۇلعالاردى تىركەۋ جانە قاراجاتتى زاڭسىز قولما-قول اقشاعا اۋدارۋمەن اينالىساتىن ۇيىمداسقان قىلمىستىق توپتى قۇرۋعا كىرىسكەن.
2010 جىلدان باستاپ كورىنەۋ تومەن باعامەن كوممۋنالدىق مەنشىكتەگى اتىراۋ قالاسى مەن وبلىستىڭ 7 اۋدانىنىڭ گاز قۇبىرلارى مەن قۇرىلىمدارى, عيماراتتار مەن جابدىقتار جانە باسقا م ۇلىكتىك كەشەندەر زاڭسىز جەكەشەلەندىرىلگەن.
تەرگەۋدىڭ 8 ايىندا (2012 جىلعى 21 تامىزدان 2013 جىلعى 18 ساۋىرگە دەيىن) قىلمىستىق توپتىڭ مۇشەلەرىنە قاتىستى ۇيىمداسقان قىلمىستىق توپقا قاتىسۋ, بيۋدجەت قاراجاتىن ۇرلاۋ, جالعان كاسىپكەرلىك, قىزمەتتىك وكىلەتتىگىن تەرىس پايدالانۋ, پارا الۋ, قىزمەتتىك وكىلەتتىگىن اسىرا پايدالانۋ, الاياقتىق, جالعان قۇجات جاساۋ جانە قىزمەتتىك جالعاندىق جاساۋ بويىنشا 73 قىلمىستىق ءىس قوزعالدى.
ءسويتىپ, قىلمىستىق ءىستىڭ ماتەريالدارى 400 تومدى قۇرادى. اۋىر جانە اسا اۋىر قىلمىستار جاسادى دەگەن ايىپپەن 11 ادام قاماۋعا الىندى, ولاردىڭ اراسىندا وبلىس اكىمدىگىنىڭ بۇرىنعى اپپارات جەتەكشىسى كەرىموۆ, قارجى باسقارماسىنىڭ باستىعى جانتەمىروۆ, مەملەكەتتىك ساۋلەت-قۇرىلىس باقىلاۋ باسقارماسىنىڭ باستىعى جيەنباەۆ, «گوسەكسپەرتيزا» رمك ديرەكتورى قۇرالباەۆ, وعان قوسا سىبايلاس كاسىپورىنداردىڭ ديرەكتورلارى مەن ۇرلانعان قاراجاتتى قولما-قول اقشاعا اينالدىرۋمەن اينالىسقاندار بار. 10 ادام ءۇي قاماۋىنا الىنىپ, 2 ادامعا ەشقايدا شىقپاۋ تۋرالى بۇلتارتپاۋ شاراسى تاعايىندالدى.
اعىمداعى جىلعى 18 ساۋىردە اتالعان 23 ادامعا ايىپتار تاعىلىپ, ولاردى قىلمىستىق ءىستىڭ ماتەريالدارىمەن تانىستىرۋ پروتسەدۋراسى باستالدى. 11 ادامدى سىرتتاي قاماۋعا الۋ تۋرالى سانكتسيا بەرىلىپ, ىزدەۋ جاريالاندى, ولاردىڭ ىشىندە وبلىستىڭ بۇرىنعى اكىمى بەرگەي رىسقاليەۆ, ونىڭ اعاسى امانجان رىسقالي جانە ولاردىڭ كۇيەۋ بالالارى الباقاسوۆ, جەلدىباەۆ, ءىزباسار, سونداي-اق, ولارعا تاۋەلدى فيرمالاردىڭ ديرەكتورلارى مەن قۇرىلتايشىلارى بار.
اتالعاندارعا قاتىستى قىلمىستىق ءىستىڭ ماتەريالدارى بولەك ءوندىرىسكە شىعارىلدى.
ەسكە سالساق, 2013 جىلعى 23 قاڭتاردا اتىراۋ وبلىسىنىڭ بۇرىنعى اكىمى بەرگەي رىسقاليەۆكە بيۋدجەت قاراجاتىن ۇرلاۋ, قىزمەتتىك وكىلەتتىگىن تەرىس پايدالانۋ بويىنشا ايىپ تاعىلىپ, سول كۇنى وعان ىزدەۋ جاريالانعان ەدى. اعىمداعى جىلعى 24 قاڭتاردا اتىراۋ قالاسىنىڭ №2 سوتىنىڭ ۇكىمىمەن وعان قاتىستى سىرتتاي قاماۋعا الۋ تۋرالى بۇلتارتپاۋ شاراسى تاعايىندالعان. ال 25 قاڭتاردا بەرگەي رىسقاليەۆكە قاتىستى ۇيىمداسقان قىلمىستىق توپتى قۇرۋ مەن ونى باسقارۋ دەرەكتەرى بويىنشا قىلمىستىق ىستەر قوزعالعان.
2013 جىلعى 20 اقپاندا قارجى پوليتسياسى اگەنتتىگى بەرگەي رىسقاليەۆكە قاتىستى 2009 جىلى ءوزىنىڭ تۋىستارى ا.رىسقالي مەن ر.الباقاسوۆ ارقىلى بوپسالاۋ جولىمەن م. دەگەن كاسىپكەردەن جالپى سوماسى 250 ملن.تەڭگەنى قۇرايتىن 3 كاسىپورىننىڭ جارعىلىق كاپيتالدارىنداعى ۇلەسى تۇرىندە پارا الۋ فاكتىسى بويىنشا تاعى ءبىر قىلمىستىق ءىس قوزعاپتى.
رىسقاليەۆ باسقارعان قىلمىستىق توپتىڭ ارەكەتى ناتيجەسىندە مەملەكەتكە جانە بىرقاتار ادامدارعا اسا ءىرى مولشەردە جالپى سوماسى 71 ملرد.تەڭگەنى قۇرايتىن زالال كەلتىرىلگەن. تەرگەۋ بارىسىندا قابىلدانعان شارالار ناتيجەسىندە 23,4 ملرد.تەڭگەنىڭ مۇلكى مەملەكەتكە قايتارىلعان. ودان ءارى مەملەكەتكە كەلتىرىلگەن زالالدى وتەۋ ماقساتىندا ايىپتالۋشىلاردىڭ جالپى قۇنى 39 ملرد.تەڭگەنى قۇرايتىن 560 قوزعالمايتىن جانە قوزعالاتىن م ۇلىك تۇرىنە توقتام سالىنعان, ولاردىڭ ىشىندە 4 اياقتالماعان قۇرىلىس نىسانى, 68 جەر تەلىمى, 116 ءبىرىنشى جانە ەكىنشى ساتىداعى اكىمشىلىك عيماراتتار, تۇرعىن ۇيلەر, كەڭسەلەر, پاتەرلەر مەن باسقا قۇرىلىستار, 197 كولىك قۇرالدارى, كوممەرتسيالىق ۇيىمداردىڭ جارعىلىق كاپيتالدارىنداعى 19 ۇلەس, 145 ءوندىرىس قۇرال-جابدىقتارى, جالپى سوماسى 1 ملرد. 100 ملن.تەڭگەنىڭ 11 بانك شوتتارى بار.
الماس بولاتوۆ.