سەنبى, 6 ءساۋىر 2013 2:13
ءابىلازوۆتىڭ اۋەنى ەندى وففشورلىق ايماقتاردان ەستىلىپ جاتىر
قازاقتا «اتىڭ شىقپاسا, جەر ورتە» دەگەن ءسوز بار. ال ءبىزدىڭ بۇگىنگى كەيىپكەرىمىز مۇحتار ءابىلازوۆ ءۇشىن ءتىپتى ءوزى شاقپاق شاعىپ, جەر ورتەۋدىڭ ءتىپتى دە قاجەتى بولماي شىقتى. سەبەبى, ونىڭ ءبىر باسىپ, ءجۇرىپ وتكەن جەرىنىڭ وزىنەن لاپ ەتىپ وت قاۋلاپ, جالىن لاۋلاپ جۇرە بەرەدى ەكەن.
سەنبى, 6 ءساۋىر 2013 2:13
ءابىلازوۆتىڭ اۋەنى ەندى وففشورلىق ايماقتاردان ەستىلىپ جاتىر
قازاقتا «اتىڭ شىقپاسا, جەر ورتە» دەگەن ءسوز بار. ال ءبىزدىڭ بۇگىنگى كەيىپكەرىمىز مۇحتار ءابىلازوۆ ءۇشىن ءتىپتى ءوزى شاقپاق شاعىپ, جەر ورتەۋدىڭ ءتىپتى دە قاجەتى بولماي شىقتى. سەبەبى, ونىڭ ءبىر باسىپ, ءجۇرىپ وتكەن جەرىنىڭ وزىنەن لاپ ەتىپ وت قاۋلاپ, جالىن لاۋلاپ جۇرە بەرەدى ەكەن.
مۇنىسىن كوزىنە تۇسكەنىن ءىلىپ تۇسەتىن باۋكەسپەلىكتىڭ مەكتەبىنەن باياعىدا ءوتىپ كەتىپ, قۋلىعىنا قۇرىق بويلامايتىن كانىگى كاززاپتىقتىڭ قۇجىراسىنا بارىپ قونجيىپ قالعان مۇحتارەكەڭ كۇنى كەشە تاعى ءبىر بايقاتىپ سالدى. بۇل ءۇشبۋ حاباردى حالىقارالىق زەرتتەۋشى جۋرناليستەردىڭ كونتسورتسيۋمى دەپ اتالاتىن ءمۇيىزى قاراعايداي قاۋىمداستىعى جەتكىزدى. حابارلامادا اتالمىش كونسورتسيۋمنىڭ وففشورلىق كومپانيالارمەن جانە شوتتارمەن بايلانىستارى بار دەگەن كۇدىككە ىلىككەن 170-تەن استام ەلدىڭ ونداعان مىڭ ادامىنىڭ مۇقيات تا ءجىتى تەكسەرۋدەن وتكىزىلگەنى ايتىلعان. مىنە, «سۋعا سالسا باتپايتىن, وتقا سالسا جانبايتىن», «شىڭدا دا, سىندا دا, تىڭدا دا اتى ەستىلە بەرەتىن» ءبىزدىڭ ءابىلازوۆ مىرزا وسى تەكسەرىستىڭ اۋى اۋماعىنان جارق ەتىپ شىعا كەلگەن. ءسويتىپ, الگىندەگى كونسورتسيۋمنىڭ بولجامى بويىنشا, ول مەملەكەتتىڭ 5 ملرد. اقش دوللارىنان استام قاراجاتىن قىمقىرىپ كەتكەندەردىڭ تىزىمىنەن تابىلعان. «ءابىلازوۆ 2006 جانە 2007 جىلدارى بريتانيانىڭ ۆيرگينيا ارالدارىندا 31 كومپانيا قۇرعان», دەلىنگەن وسىعان قاتىستى ماتەريالدا.وسى ورايدا, وتكەن جىلدىڭ سوڭىندا عانا بۇرىن الەمگە ايگىلى Gardian باسىلىمى جاريالاعان «جالعان ديرەكتورلاردىڭ ءتىزىمى» ەسىمىزگە سارت ەتە تۇسە قالدى. ونى دا گازەت ۆاشينگتونداعى حالىقارالىق زەرتتەۋشى جۋرناليستەر كونسورتسيۋمىنىڭ بازاسىندا ورنالاسقان Panorama BBC باسىلىمىمەن بىرلەسە جۇرگىزگەن ەدى. سوندا دا تىزىمگە بتا بانكتىڭ بۇرىنعى باسشىسىمەن بىرگە, رەسەيدىڭ بىرنەشە بيزنەسمەنى كىرگەن بولاتىن. ونىڭ قورىتىندىسىندا, قازاقستاندىق ەكس-بانكيرگە 4 ملرد. ەۋرونىڭ تالاپ-ارىزى قويىلعان ەدى. مىنە, سوندا دا ءابىلازوۆتىڭ 2007 جىلى زاڭسىز كەلىسىمدەر جاساۋ ارقىلى ۆيرگينيا ارالدارىنان جىلجىمايتىن م ۇلىكتەر ساتىپ العانى ايتىلعان. باسىلىم اقپاراتىنا قاراعاندا, ءبىزدىڭ كانىگى كاززاپ گەربتىك تولەمنەن قۇتىلۋ ءۇشىن لاتۆيانىڭ Eriks Vanagel كومپانياسىنىڭ باس ديرەكتورىن ادەمى پايدالانعان بولىپ شىقتى. كەيىن وسى مۇكامالدىڭ يەسى سانالعان لاتىش ديرەكتورى مۇحتاردىڭ بولەسى سىرىم شالاباەۆتىڭ اتىنا سەنىمحات بەرىپ, جىلجىمايتىن م ۇلىكتى ەكىنشى بىرەۋ ارقىلى ابىلازوۆكە قايتارعان. بۇلاردىڭ اراسىندا مۇحتاردىڭ حەمپستەدتەگى Bishops Aveue, Albert Court-تاعى پاتەر, لوندونداعى NB1, سونداي-اق ۆيندزورعا جاقىن ماڭداعى Oaklands پارك سەكىلدى كەرەمەت نىساندار بار.وسىلايشا وففشورلىق شوتتار مەن كومپانيالاردىڭ يەلەرى تىزىمىنە بەرىك كىرىپ كەتكەن مۇحتار ءابىلازوۆ قازاقستاننان اكەتكەن قىرۋار اقشالارىنىڭ ءبارىن ۇرلىق جولىمەن تاپقانىن تاعى دا امالسىز ايعاقتاپ بەردى. «داۋاسىز ۇرى» بۇل ۇزىن-سونار ءتىزىمنىڭ ۇشار باسىندا تۇر. ال ونىڭ جانىنا كىمدەر قوناقتاعان دەگەنگە كەلسەك, ءبىزدىڭ كوزىمىزگە بىردەن گرۋزيانىڭ پرەمەر-ءمينيسترى بيدزينا يۆانيشۆيلي, فرانتسۋز باسپاگەرى جان-جاك وجە, موڭعول ساياساتكەرى بايارسوگت سانگادجاۆ, ۆەنەسۋەلانىڭ ارميا گەنەرالى حوسە پينتو, زيمبابۆەنىڭ بيزنەسمەنى راۋتەنباح كونراد, اقش-تىڭ كومپوزيتورى دەنيز ريچ, كۋۆەيتتىڭ بيلىك باسىنداعى ديناستياسى, كولۋمبيانىڭ بيزنەسمەندەرى الۆارو ۋريبە مەن ونىڭ ۇلدارى, يسپانيانىڭ كوللەكتسيونەرى ءارى مەتسەناتى كارمەن تيسسەن, ۋكراين كاسىپكەرى دميتري فيرتاش, يتاليانىڭ حاكەرى فابيو دجيونني سەكىلدى كىلەڭ «ىعايلار مەن سىعايلار» تۇسەر ەدى.ايتكەنمەن, مەملەكەتتىڭ وسىلايشا وڭدى-سولدى قولدى ەتىلىپ كەتكەن قارجىسىن دا قايتاراتىن كۇن ءالى تۋاتىن شىعار. سەبەبى, مۇحتار ءابىلازوۆ مىنگەن «قاراقشىلار كەمەسىنىڭ» اۋقىمى دا ونورە دە بالزاكتىڭ «شەگىرەن بىلعارىسى» سەكىلدى كۇننەن-كۇنگە قىسقارىپ كەلەدى.
رۋسلان يگىلىك.