پارلامەنت سەناتى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى اسقار بەيسەنباەۆ شارانى اشا كەلىپ, قازاقستان كولىك لوگيستيكاسىن دامىتۋ ارقىلى ورتالىق ازيا ءوڭىرى ارقىلى وتەتىن ءتيىمدى جانە قاۋىپسىز باعىت رەتىندە حالىقارالىق دەڭگەيدە تانىلعانىن اتاپ ءوتتى. بۇل رەتتە ورتالىق ازيانىڭ, ەۋروپا مەن افريكانىڭ 60-تان استام ەلىن بايلانىستىراتىن ءارى ىسكە قوسىلعان ساۋدا-كولىك دالىزدەرىن جەتىلدىرەتىن جانە جاڭا دالىزدەردى قالىپتاستىراتىن «ءبىر بەلدەۋ, ءبىر جول» حالىقارالىق جوباسىنىڭ ىسكە اسۋى قازاقستاننىڭ كولىك-لوگيستيكالىق جۇيەسىنىڭ دامۋىنا زور ىقپال ەتكەنى ايتىلدى.
سونىمەن قاتار سەناتور تۇڭعىش پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» قازاقستان حالقىنا جولداۋىن ىسكە اسىرۋ اياسىندا پارلامەنتتىڭ كولىك سالاسىنداعى زاڭنامانى جەتىلدىرۋ جونىندەگى ەل ەكونوميكاسىنىڭ ءتيىمدى دامۋىن قامتاماسىز ەتۋدى كوزدەيتىن جۇمىستارىن اتاپ ءوتتى.
دوڭگەلەك ۇستەل وتىرىسىندا يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى بەرىك قاماليەۆ ەلىمىزدەگى كولىك سالاسىنىڭ قازىرگى جاعدايى مەن ونى دامىتۋ جوسپارى تۋرالى بايانداما جاسادى.
پارلامەنت سەناتى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ مۇشەسى, سولتۇستىك قازاقستان وبلىسىنان كەلگەن سەناتور ەرىك سۇلتانوۆ بىرقاتار پروبلەمالىق ماسەلەلەردى اتاپ ءوتتى. ماسەلەن, كولىك-لوگيستيكالىق قىزمەت كورسەتۋ سالاسىنىڭ ەداۋىر جاقسارعانىنا قاراماستان, اۆتوپاركتەردىڭ كوبى ەسكىرگەنى, بىلىكتى كادرلاردىڭ جەتىسپەۋشىلىگى, لوگيستيكالىق جەلى مەن وڭىرلەردەگى قويما شارۋاشىلىعىنىڭ كەنجە قالعانى ايتىلدى. ودان باسقا, تەمىرجولعا زياتكەرلىك جۇيەنى ەنگىزۋ, كونتەينەرلىك تاسىمالداردى دامىتۋ, ماگيسترالدىق تەمىرجول جەلىلەرىنىڭ تەحنيكالىق جانە تەحنولوگيالىق دەڭگەيىن كوتەرۋ ماسەلەلەرى شەشىمىن تاپپاعانى ءسوز بولدى.
شارا بارىسىندا قارجى ءمينيسترىنىڭ ورىنباسارى رۋسلان بەكەتاەۆ, «قازاقستان تەمىر جولى» ۇلتتىق كومپانياسى» اق باسشىسى قانات الماعامبەتوۆ, قازاقستاننىڭ «KAZLOGISTICS» كولىكشىلەر وداعىنىڭ باسشىسى يۋري لاۆرينەنكو ءسوز سويلەپ, ەلىمىزدىڭ كولىك-لوگيستيكا قىزمەتىن ودان ءارى دامىتۋ جونىندە اتقارىلعان جۇمىستاردىڭ ناتيجەلەرى تۋرالى باياندادى.
ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى, سەناتور اسقار بەيسەنباەۆ دوڭگەلەك ۇستەلدى قورىتىندىلاي كەلىپ, كولىك-لوگيستيكا جۇيەسىن دامىتۋ بارىسىندا تاسىمالداۋعا بايلانىستى جيىنتىق شىعىنداردى تومەندەتۋ, وتاندىق كولىك جۇيەسىنىڭ باسەكەگە قابىلەتتىلىگىن ارتتىرۋ, كولىك-لوگيستيكا سالاسىن دامىتۋدىڭ يننوۆاتسيالىق, الەۋمەتتىك جانە ەكولوگيالىق سالاسىن كۇشەيتۋدى قامتاماسىز ەتۋ قاجەت ەكەنىن اتاپ ءوتتى.
دوڭگەلەك ۇستەل قورىتىندىسى بويىنشا ۇسىنىستار ازىرلەنىپ, ەلىمىزدىڭ ۇكىمەتىنە, جەرگىلىكتى اتقارۋشى ورگاندارعا جانە باسقا دا مۇددەلى ۇيىمدارعا جىبەرىلەتىن بولدى, سونداي-اق سەنات دەپۋتاتتارىنىڭ بۇدان بىلايعى زاڭ شىعارۋ جۇمىستارى بارىسىندا ەسكەرىلەدى.