«پروگرەسس» پوليتەحنيكالىق كوللەدجىندە نەگىزىنەن مۇمكىندىگى شەكتەۋلى جاندار وقىپ, ءبىلىم الادى ەكەن. ەرەكشە قاجەتتىلىكتەرى بار ستۋدەنتتەردى وقىتۋ توعىز جىل بويى جالعاسىپ كەلەدى. وسى جىلدار ىشىندە ەكى ءجۇز جەتپىستەن استام ادام تىگىنشى, شاشتاراز, ساڭىراۋقۇلاق ءوسىرۋشى, ناۋبايشى, مانيكيۋر مامانى, اياق كيىم جوندەۋ مامانى, ماسساجيست ماماندىقتارى بويىنشا سەرتيفيكات العان, ال 2016 جىلدان باستاپ كومپيۋتەرلىك ساۋاتتىلىق بويىنشا وقىتۋ جۇرگىزىلۋدە. سونداي-اق, ستۋدەنتتەر كاسىپكەرلىك نەگىزدەرىنە ۇيرەنەدى, ءوز بيزنەسىن اشۋ نەمەسە تابىستى جۇمىسقا ورنالاسۋ ءۇشىن قاجەتتى داعدىلاردى يگەرەدى, ال ەڭ باستىسى – الەۋمەتتىك بەيىمدەلۋ مۇمكىندىگىنە يە بولادى.
- وسى كوللەدجدە وقۋدىڭ ارقاسىندا مەن ءوز يدەيالارىمدى جۇزەگە اسىرۋعا جاعداي تۋعىزاتىن جانە ءوزىمدى لايىقتى قامتاماسىز ەتۋگە مۇمكىندىك بەرەتىن جاڭا شىعارماشىلىق ماماندىقتى يگەرىپ الدىم, — دەدى كوللەدج تۇلەگى, بۇيىمدار تىگۋ ءىسىنىڭ شەبەرى ەلەنا ميگەروۆا.
جالپى, الماتى وبلىسىنىڭ ىلە اۋدانىندا 5 مىڭعا جۋىق مۇمكىندىگى شەكتەۋلى جان بار. وكىنىشكە قاراي, مۇگەدەك جانداردىڭ بارلىعى جۇمىسپەن قامتاماسىز ەتىلمەگەن. قازىر ولاردىڭ جالعىز تابىسى مەملەكەتتىك الەۋمەتتىك قامسىزداندىرۋ جاردەماقىسى عانا بولىپ وتىر.
- ءبىز ستۋدەنتەرىمىزدىڭ جۇمىسقا ورنالاسۋىنا جانە ءوز ءىسىن اشۋىنا قۋانا قول ۇشىن بەرەمىز. ولارعا قولداۋ كورسەتىپ كەلە جاتقان «فيليپ مورريس قازاقستان» كومپانياسىنا العىس ايتامىز, - دەيدى «پروگرەسس» كوللەدجىنىڭ ديرەكتورى جاننا تەلپەكباەۆا.
الماتى وبلىسى