ماجىلىستوراعاسى بولگاريا – بالقان ايماعىنداعى قازاقستاننىڭ ماڭىزدى ارىپتەسى ەكەنىن جانە ەكىجاقتى قارىم-قاتىناستىڭ بارلىق سالاسى بويىنشا ەلدەر اراسىنداعى ىنتىماقتاستىقتىڭ ورنىققانىن اتاپ ءوتتى.
پارلامەنتارالىق ىنتىماقتاستىق تۋرالى ايتقان نۇرلان نىعماتۋلين, ۇلتتىق جينالىس توراعاسى باستاعان بولگاريا پارلامەنتتىك دەلەگاتسيانىڭ 23-24 قىركۇيەكتە ەلوردامىز نۇر-سۇلتان قالاسىندا «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا وتەتىن ەۋرازيا ەلدەرى پارلامەنتتەرى توراعالارىنىڭ IV كەڭەسىنە قاتىسۋى قوس مەملەكەت اراسىنداعى بايلانىستىڭ جوعارى دەڭگەيىن ايعاقتايتىنىنا سەنىم ءبىلدىردى.
ءوز كەزەگىندە بولگار ەلشىسى ۆاسيل پەتكوۆ قازاقستاندى ورتالىق ازياداعى تۇراقتاندىرۋشى فاكتور رەتىندە اتادى. سونىمەن قاتار, ديپلومات ەكىجاقتى قارىم-قاتىناستارداعى دوستىق پەن ءوزارا ءتيىمدى سەرىكتەستىكتى ودان ءارى دامىتۋدىڭ زور الەۋەتىن اتاپ ءوتىپ, بولگاريا قازاقستاننىڭ حالىقارالىق باستامالارىن قولدايتىنىن جەتكىزدى.