سەنبى, 27 ءساۋىر 2013 2:59
وسىدان تۋرا 75 جىل بۇرىن, 1937 جىلدىڭ قازان ايىندا ءبىزدى رەسەيدىڭ پريمورە ولكەسىنەن جۇك پويىزىمەن الماتى وبلىسى, ۇشتوبە ستانساسىنا اكەلگەن ەدى. ول كەزدە قازىرگى تەمىر جول ستانساسىنىڭ ورنىندا تەمىر جول جۇمىسشىلارىنا جانە كولحوزشىلارعا ارنالعان بىرنەشە جەرتولە عانا بار بولاتىن. دەپورتاتسيالانعان ادامداردى سول ۇيلەرگە ءبولىپ ورنالاستىردى. تاعدىردىڭ جازۋىمەن دەپورتاتسيالانعان اكەلەرىمىز بەن انالارىمىزدى قازاق حالقى قوناقجايلىلىقپەن قارسى الىپ, مۇمكىندىكتەرىنشە قولداۋ كورسەتكەنىن ءبىز ەشقاشان ۇمىتپايمىز, ۇرپاعىمىزعا ۇدايى ايتىپ, تاريحنامانى ءبىلىپ جۇرۋلەرىن دە تاپسىرىپ, وتىنەمىز.
سەنبى, 27 ءساۋىر 2013 2:59
وسىدان تۋرا 75 جىل بۇرىن, 1937 جىلدىڭ قازان ايىندا ءبىزدى رەسەيدىڭ پريمورە ولكەسىنەن جۇك پويىزىمەن الماتى وبلىسى, ۇشتوبە ستانساسىنا اكەلگەن ەدى. ول كەزدە قازىرگى تەمىر جول ستانساسىنىڭ ورنىندا تەمىر جول جۇمىسشىلارىنا جانە كولحوزشىلارعا ارنالعان بىرنەشە جەرتولە عانا بار بولاتىن. دەپورتاتسيالانعان ادامداردى سول ۇيلەرگە ءبولىپ ورنالاستىردى. تاعدىردىڭ جازۋىمەن دەپورتاتسيالانعان اكەلەرىمىز بەن انالارىمىزدى قازاق حالقى قوناقجايلىلىقپەن قارسى الىپ, مۇمكىندىكتەرىنشە قولداۋ كورسەتكەنىن ءبىز ەشقاشان ۇمىتپايمىز, ۇرپاعىمىزعا ۇدايى ايتىپ, تاريحنامانى ءبىلىپ جۇرۋلەرىن دە تاپسىرىپ, وتىنەمىز.
قازاقتاردىڭ بىزگە تۇسىنىستىكپەن قاراپ, قىسىلتاياڭ شاقتا قولداعانىنىڭ ارقاسىندا ءبىز, ناقتىلاي تۇسسەم, دەپورتاتسيالانعان كارىس حالقى ۇرپاق ساباقتاستىعىن جالعاپ, ەكىنشى وتانىمىزدا بەيقۇت ءومىر سۇرۋدەمىز. تۇتاستاي العاندا, قازاقتاردىڭ داستۇرىمەن كارىستەردىڭ سالتارىندا كوپتەگەن ۇقساستىقتار بار. بەت الپەتتەگى تەرىمىزدىڭ ءبىرتۇستىلىگى, مۇرىندارىمىزدىڭ دا كەلىڭكىرەيتىنى ءوز الدىنا. سوندىقتان دا بولار, كوپ جاعدايدا ەكى ۇلت اراسىندا وتاسىپ, شاڭىراق كوتەرەتىندەر دە بارشىلىق.
دوستىقسىز ءبىز جەتىستىكتەرگە جەتۋىمىز نەعايبىل ەدى. ونى ەلەستەتە دە المايمىن. ەكىنشى دۇنيەجۇزىلىك سوعىس كەزىندە, ودان كەيىن دە قاراتال وڭىرىندە اۋىل شارۋاشىلىعى سالاسىن سول بىرلىكتىڭ, ىنتىماقتىڭ ارقاسىندا جاقسى دامىتتىق. سول ءۇردىس بۇگىن دە جاندى جالعاسىن تابۋدا. كەڭەستىك داۋىردە قازاقستان بويىنشا 60-تان استام كارىس ەڭبەك ەرى اتاعىن السا, سونىڭ 29-ى ءبىزدىڭ ۇشتوبەلىكتەر.
ءبىز بۇگىندە كوپۇلتتى قازاقستان رەسپۋبليكاسىندا تاتۋ-ءتاتتى ءومىر سۇرۋدەمىز. ەل بىرلىگى نىعايعان ۇستىنە نىعايىپ, ىنتىماقتاستىق جالعاسۋدا. قارتتاردى وسى بەيبىت ءومىر قۋانتادى. 1937 جىلعى رەپرەسسيانىڭ 75 جىلدىعىنا بايلانىستى رەسپۋبليكامىزدا كارىستەر دياسپوراسىن اشتىق. بۇل مونۋمەنت قازاق حالقىنا دەگەن ءبىزدىڭ قۇرمەتىمىزدىڭ ءبىر بەلگىسى بولدى. قازاق حالقىنا مىڭ تاعزىم. وزگە ۇلتتاردان بولمەي, كارىس حالقىنىڭ دا سالت-ءداستۇرىن جاڭعىرتىپ, مادەنيەتىن دامىتىپ, انا ءتىلىنىڭ ساقتالۋىنا ىقپال ەتكەنى ءۇشىن ءبىز ەلباسى نۇرسۇلتان ءابىش ۇلى نازارباەۆقا وتە رازىمىز.
نيكولاي پاك,
قاراتال اۋدانىنىڭ قۇرمەتتى ازاماتى,
اۋىل شارۋاشىلىعى عىلىمدارىنىڭ
كانديداتى.
الماتى وبلىسى.