بۇل ازاماتتار وزدەرىنىڭ سايلاۋ قۇقىقتارىن قازاقستان رەسپۋبليكاسىنىڭ شەتەلدەردەگى وكىلدىكتەرىندە قۇرىلعان سايلاۋ ۋچاسكەلەرىندەگى ۋچاسكەلىك سايلاۋ كوميسسيالارى ارقىلى ىسكە اسىرادى. نۇر-سۇلتان قالاسىنىڭ اۋماقتىق سايلاۋ كوميسسياسى قازاقستان رەسپۋبليكاسى سىرتقى ىستەر مينيسترلىگىنىڭ ۇسىنۋى بويىنشا 51 شەت مەملەكەتتە, رەسپۋبليكا وكىلدىكتەرى جانىنان 65 سايلاۋ ۋچاسكەسىن قۇردى. شەتەلدەگى سايلاۋ ۋچاسكەلەرىنىڭ تىزبەسىمەن جانە ولاردىڭ تولىق مەكەنجايلارىمەن قازاقستان رەسپۋبليكاسى سىرتقى ىستەر مينيسترلىگىنىڭ mfa.gov.kz جانە قازاقستان رەسپۋبليكاسى ورتالىق سايلاۋ كوميسسياسىنىڭ www.election.gov.kz سايتتارىندا تانىسۋعا بولادى. سايتتاردا سايلاۋ ۋچاسكەسىنىڭ ءنومىرى, شەتەلدىك ۋچاسكە مەن شەتەلدىك سايلاۋ ۋچاسكەسىنىڭ ورنالاسقان جەرى جانە تەلەفونىنىڭ (تەلەفوندارىنىڭ) ءنومىرى (نومىرلەرى) كورسەتىلگەن. ءاربىر سايلاۋ كوميسسياسىندا – 5 ادام, ولار نۇر-سۇلتان قالاسى ءماسليحاتىنىڭ 2019 جىلعى 15 قاڭتارداعى №349/43-IV شەشىمىمەن سايلاندى.
ەڭ ءىرى سايلاۋ ۋچاسكەسى قازاقستاننىڭ بەيجىڭدەگى ەلشىلىگىندە ورنالاسقان, 1600-دەن اسا سايلاۋشىسى بار. سايلاۋشىلاردىڭ ەڭ از سانى – 14 ادام, قازاقستان رەسپۋبليكاسىنىڭ تاللين ەلشىلىگىندە. ەل بويىنشا سايلاۋشىلاردىڭ ەڭ كوپ سانى قىتايدا – ەكى مىڭنان اسا ادام كۇتىلۋدە. (بەيجىڭ, شانحاي, گونكونگ جانە ءۇرىمشى); رەسەيدە – 1600-دەن اسا ادام (ماسكەۋ, سانكت-پەتەربۋرگ, قازان, ومبى, استراحان); تۇركيادا شامامەن – 1300 ادام (انكارا, ىستانبۇل, انتاليا).
قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ كەزىندە ەل اۋماعىنان تىس جەردە قۇرىلعان سايلاۋ ۋچاسكەلەرىندە قازاقستان رەسپۋبليكاسى ازاماتتارىنىڭ داۋىس بەرۋىن ۇيىمداستىرۋ جانە وتكىزۋگە بايلانىستى ماسەلەلەر «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىمەن جانە قازاقستان رەسپۋبليكاسى ورتالىق سايلاۋ كوميسسياسىنىڭ نورماتيۆتىك اكتىلەرىمەن رەتتەلەدى. شەتەلدىك ۋچاسكەلەردە داۋىس بەرۋدى ۇيىمداستىرۋ مەن وتكىزۋگە بايلانىستى شىعىنداردى قارجىلاندىرۋ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن دايىنداۋعا جانە وتكىزۋگە بولىنگەن قاراجات ەسەبىنەن جۇرگىزىلەدى.
«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 24-بابىنىڭ 8-تارماعىنا سايكەس قازاقستان رەسپۋبليكاسىنىڭ شەتەلدەردەگى وكىلدىكتەرىندە قۇرىلعان سايلاۋ ۋچاسكەلەرى بويىنشا سايلاۋشىلار تىزىمدەرى داۋىس بەرىلەتىن كۇننىڭ الدىنداعى كۇندەگى جاعداي بويىنشا مىندەتتى تۇردە ناقتىلانۋعا ءتيىس. وسىعان بايلانىستى سايلاۋشىلاردىڭ سانى تۋرالى اقپارات سوڭعى كۇنگە دەيىن جاڭارتىلىپ وتىرادى.
قازاقستان رەسپۋبليكاسىنىڭ شەتەلدەردەگى وكىلدىكتەرىندە قۇرىلعان سايلاۋ ۋچاسكەلەرى بويىنشا سايلاۋشىلار تىزىمدەرى وكىلدىكتەردىڭ باسشىلارى ۇسىنعان دەرەكتەر نەگىزىندە جاسالادى. قازاقستان رەسپۋبليكاسىنىڭ ديپلوماتيالىق وكىلدىگىنىڭ نەمەسە كونسۋلدىق مەكەمەسىنىڭ باسشىسى قۇرعان سايلاۋ ۋچاسكەسىندە سايلاۋشىلار ءتىزىمىن جاساۋ كەزىندە وعان قازاقستان رەسپۋبليكاسىنىڭ اۋماعىنان تىسقارى جەردە تۇراقتى تۇردە تۇراتىن نەمەسە ۇزاق مەرزiمدi شەتەلدiك ءىسساپاردا جۇرگەن, سونداي-اق شەت مەملەكەتتەردە جەكە شاقىرۋلار بويىنشا, قىزمەتتىك, ىسكەرلىك جانە تۋريستىك ساپارلاردا جۇرگەن جەكە جازباشا ءوتىنىشىن بەرگەن سايلاۋشىلار ەنگىزىلەدى.نۇر-سۇلتان قالاسىنىڭ ەسىل اۋدانىنىڭ اۋماقتىق سايلاۋ كوميسسياسى شەتەلدىك سايلاۋ ۋچاسكەلەرىن قاجەتتى قۇجاتتامامەن, ونىڭ ىشىندە قازاقستان رەسپۋبليكاسى پرەزيدەنتىنىڭ سايلاۋىن وتكىزۋ ءۇشىن قاجەتتى سايلاۋ بيۋللەتەندەرىمەن, باسقا دا اقپاراتتىق ماتەريالدارمەن قامتاماسىز ەتۋدى قازاقستان رەسپۋبليكاسىنىڭ سىرتقى ىستەر مينيسترلىگى ارقىلى جۇزەگە اسىرادى.
نۇر-سۇلتان قالاسىنىڭ اۋماقتىق سايلاۋ كوميسسياسىنىڭ ەلەكتوراتتىق وقىتۋ كۋرسىنان وتكەن سىرتقى ساياسات ۆەدومستۆوسىنىڭ قىزمەتكەرلەرى ۋچاسكەلىك سايلاۋ كوميسسياسىنا تاجىريبەلىك كومەك كورسەتۋ جانە سايلاۋ قۇجاتتارىنىڭ شەتەلدىك سايلاۋ ۋچاسكەلەرىنە ۋاقتىلى جەتكىزۋ ماقساتىندا شەتەلدىك سايلاۋ ۋچاسكەلەرىنە شىعادى.
ۋچاسكەلىك سايلاۋ كوميسسياسى داۋىس بەرۋگە ارنالعان ءۇي-جايدا اقپاراتتىق ستەند جابدىقتايدى, وندا سايلاۋ كوميسسياسىنىڭ قۇرامى, سايلاۋ بيۋللەتەنىن تولتىرۋ ءتارتىبى, كانديداتتار تۋرالى بىرىڭعاي فورماتتاعى جانە ستاندارتتى مالىمەتتەر جيىنتىعى قامتىلعان اقپارات, داۋىس بەرۋگە ارنالعان ءۇي-جايداعى ءتارتىپ قاعيدالارى, داۋىس بەرۋ ناتيجەلەرى تۋرالى سايلاۋ كوميسسياسى حاتتاماسىنىڭ كوشىرمەسىن (قورىتىندىلار شىعارىلعاننان كەيىن) قازاقستان رەسپۋبليكاسىنىڭ سايلاۋ تۋرالى زاڭناماسىن بۇزعانى ءۇشىن جاۋاپكەرشىلىككە قاتىستى قازاقستان رەسپۋبليكاسىنىڭ قىلمىستىق جانە اكىمشىلىك زاڭناماسىنان ۇزىندىلەرى بار پلاكاتتى قامتىعان اقپاراتتىق ستەند قولجەتىمدىلىگى مەن ىڭعايلىلىعى ەسكەرىلە وتىرىپ, ورنالاسادى. اقپاراتتىق ستەندتە ورنالاستىرىلعان ماتەريالداردا سايلاۋ الدىنداعى ۇگىت بەلگىلەرى بولماۋى تيىستىگىن اتاپ ءوتۋ قاجەت.داۋىس بەرۋگە ارنالعان ءۇي-جاي, سايلاۋ بيۋللەتەندەرىن بەرۋ ورىندارى, جاسىرىن داۋىس بەرۋگە ارنالعان كابينالار, تۇراقتى سايلاۋ جاشىكتەرى, سونداي-اق داۋىس بەرۋگە ارنالعان تاسىمالداناتىن جاشiكتەر (ەگەر ولاردى پايدالانعان جاعدايدا) سايلاۋشىلار جاسىرىن داۋىس بەرۋگە ارنالعان كابينالار ارقىلى جاشىككە وتە الاتىنداي, ال سايلاۋ كوميسسياسىنىڭ مۇشەلەرى, بايقاۋشىلار, سەنىم بىلدىرىلگەن ادامدار مەن بۇقارالىق اقپارات قۇرالدارىنىڭ وكىلدەرى تۇراقتى جاشىكتى, جاسىرىن داۋىس بەرۋگە ارنالعان كابيناعا كىرۋ جانە شىعۋى مۇمكىندىگىن بايقاۋى قامتاماسىز ەتىلەتىندەي, شەتەلدىك ۋچاسكەلىك سايلاۋ كوميسسياسى مۇشەلەرىنىڭ كوز الدىندا بولاتىنداي ەتىپ جابدىقتالۋى ءتيىس.
شەتەلدىك ۋچاسكەلىك سايلاۋ كوميسسياسى داۋىس بەرۋ كۇنى جۇمىسىن باستاعان ساتىنەن باستاپ داۋىس بەرۋ قورىتىندىلارى تۋرالى حاتتاما قابىلدانعانعا دەيىن, سايلاۋ ۋچاسكەسىندە قازاقستان رەسپۋبليكاسى پرەزيدەنتتىگىنە كانديداتتىڭ سەنىم بىلدىرەتىن ادامى بۇقارالىق اقپارات قۇرالدارىنىڭ وكىلدەرى قاتىسۋعا قۇقىلى.
سايلاۋ تۋرالى زاڭنىڭ 20-1-بابىنا سايكەس وكىلەتتىكتەرى جازباشا تۇردە تەگى, اتى جانە اكەسىنىڭ اتىن كورسەتۋ ارقىلى كۋالاندىرىلۋى ءتيىس ساياسي پارتيالاردان, وزگە دە قوعامدىق بىرلەستىكتەردەن, قازاقستان رەسپۋبليكاسىنىڭ كوممەرتسيالىق ەمەس ۇيىمدارىنان بايقاۋشىلار سايلاۋ ۋچاسكەلەرىنە بارۋعا قۇقىلى. بۇل قۇجات بايقاۋشىنى ءتيىستى شەتەلدىك سايلاۋ ۋچاسكەسىنە جىبەرگەن ۇيىمنىڭ مورىمەن راستالادى جانە ول بايقاۋشىنىڭ جەكە باسىن كۋالاندىراتىن قۇجاتتى ۇسىنعان كەزدە جارامدى بولادى.قازاقستان رەسپۋبليكاسى ورتالىق سايلاۋ كوميسسياسىندا قازاقستان رەسپۋبليكاسى سىرتقى ءىستەر مينيسترلىگىنىڭ ۇسىنۋى بويىنشا اككرەديتتەۋدەن وتكەن شەت مەملەكەتتەر مەن حالىقارالىق ۇيىمداردىڭ بايقاۋشىلارى دا سايلاۋ ۋچاسكەسىندە بولۋعا قۇقىلى. ولارعا بەلگىلەنگەن ۇلگىدەگى كۋالىك بەرىلەدى, ول سايلاۋ ناۋقانىن وتكىزۋ كەزىندەگى قىزمەتى ءۇشىن نەگىز بولىپ تابىلادى. حالىقارالىق بۇقارالىق اقپارات قۇرالدارىنىڭ وكىلدەرى قازاقستان رەسپۋبليكاسى سىرتقى ىستەر مينيسترلىگى بەرگەن اككرەديتتەۋ تۋرالى كۋالىگى بولعان كەزدە سايلاۋدى بايقاۋعا قۇقىلى.
شەت مەملەكەتتەر, حالىقارالىق ۇيىمدار بايقاۋشىلارىنىڭ وكىلەتتىگىنىڭ مەرزىمىن ورتالىق سايلاۋ كوميسسياسى بەلگىلەيدى.
قازاقستان رەسپۋبليكاسى ازاماتتارىنىڭ قازاقستان اۋماعىنان تىس جەرلەردە داۋىس بەرۋى سايلاۋ تۋرالى زاڭنىڭ 42-بابىندا بەلگىلەنگەن تارتىپپەن جۇزەگە اسىرىلادى.داۋىس بەرۋ بارىنەن بۇرىن جاپونيادا جانە كورەيادا نۇر-سۇلتان قالاسىنىڭ ۋاقىتى بويىنشا تاڭعى – 4.00-دە باستالادى. ەڭ كەش داۋىس بەرۋ اقش جانە كانادا ۋچاسكەلەرىندە نۇر-سۇلتان قالاسىنىڭ ۋاقىتى بويىنشا 17.00- دە باستالادى. سايلاۋشىلار تىزىمىنە ەنگىزىلگەن سايلاۋشىلارعا سايلاۋ بيۋللەتەندەرى مىناداي قۇجاتتاردىڭ بىرەۋىن ۇسىنعاندا:
قازاقستاننان تىس جەردە قازاقستان ازاماتىنىڭ جەكە باسىن كۋالاندىراتىن, قازاقستان رەسپۋبليكاسى ازاماتىنىڭ پاسپورتى (شەتەلدىك پاسپورت); ديپلوماتيالىق پاسپورت; قىزمەتتىك پاسپورت; جەكە ءتولقۇجات.
داۋىس بەرۋگە ارنالعان ءۇي-جايدا داۋىس بەرۋدى ۇيىمداستىرعان كەزدە تاسىمالداناتىن ءجاشىكتى سايلاۋ كوميسسياسىنىڭ ەكى مۇشەسى بىرگە الىپ جۇرەدى. ۋچاسكەلiك سايلاۋ كوميسسياسىنىڭ مۇشەلەرi سايلاۋ ۋچاسكەسiندەگى بايقاۋشىلار مەن قازاقستان رەسپۋبليكاسى پرەزيدەنتتiگىنە كانديداتتىڭ سەنiم بiلدiرىلگەن ادامدارىن سايلاۋشىلاردىڭ ءۇي-جايدان تىس جەردە داۋىس بەرەتىندىگى تۋرالى حاباردار ەتۋگە مiندەتتi. سەنىم بىلدىرىلگەن ادامدار نە بايقاۋشىلار ولارعا ىلەسىپ جۇرۋگە قۇقىلى.داۋىس بەرۋگە ارنالعان ءۇي-جايدان تىس جەردە داۋىس بەرۋ كەزىندە سايلاۋ بيۋللەتەنى سايلاۋشىنىڭ جەكە باسىن كۋالاندىراتىن قۇجاتتى ۇسىنعان كەزدە, داۋىس بەرۋگە ارنالعان ءۇي-جايدان تىس جەردە داۋىس بەرۋ تۋرالى ءوتىنىشى نەگىزىندە بەرىلەدى, بۇل تۋرالى وتىنىشكە قولىن قويادى.
داۋىس بەرۋ ۋاقىتى اياقتالعان سوڭ شەتەلدەگى ۋچاسكەلىك سايلاۋ كوميسسياسى سايلاۋشىلاردىڭ داۋىستارىن سانايدى جانە «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 43-بابىنىڭ تالاپتارىنا سايكەس داۋىس بەرۋ قورىتىندىلارى تۋرالى حاتتامالارىن جاسايدى.
شەتەلدىك ۋچاسكەلىك سايلاۋ كوميسسياسى ءتيىستى شەتەلدىك سايلاۋ ۋچاسكەسىندەگى داۋىس بەرۋ قورىتىندىلارى تۋرالى ءوز شەشىمدەرىن قازاقستان رەسپۋبليكاسى ورتالىق سايلاۋ كوميسسياسىنىڭ 2019 جىلعى 10 ءساۋىردەگى № 10/233 قاۋلىسىمەن بەكىتىلگەن نىسان بويىنشا داۋىس بەرۋ قورىتىندىلارى تۋرالى حاتتامامەن رەسىمدەيدى. ۋچاسكەلىك سايلاۋ كوميسسياسى حاتتاماسى جانە باسقا دا سايلاۋ قۇجاتتارى مىندەتتى ءتۇردە قازاقستان رەسپۋبليكاسى ديپلوماتيالىق وكىلدىكتەرى مەن كونسۋلدىق مەكەمەلەرى ارقىلى بەرىلۋى ءتيىس.
رەسپۋبليكا وكىلدىكتەرىنىڭ جانىنان قۇرىلعان شەتەلدىك سايلاۋ ۋچاسكەلەرىندە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن دايىنداۋ مەن ۇيىمداستىرۋدىڭ نەگىزگى كەزەڭدەرى وسىنداي.
باقىت مەلدەشوۆ,
ورتالىق سايلاۋ كوميسسياسىنىڭ مۇشەسى