سەنبى, 20 ءساۋىر 2013 0:52
قازىر زامان جاقساردى, تۇرمىس تۇزەلدى. ىنتالى ادامعا جۇمىس تا تابىلادى. سوعان وراي زەينەت جاسىنا وزگەرىس ەنگىزۋدىڭ ارتىعى بولمايتىن شىعار. اسىرەسە, ايەلدەردىڭ زەينەت جاسىن ۇزارتۋ جونىندەگى جاڭا زاڭ جوباسىنا ۇمىتپەن قارايتىندار كوپ. ءوزىمدى دە سوندايلاردىڭ قاتارىندامىن دەپ ويلايمىن. ويتكەنى, ءالى دە جۇمىس جاساۋعا ىنتالىمىن. مۇنىڭ ءتۇرلى سەبەبى بار. بىرىنشىدەن, زەينەتاقى قورىندا جيناقتالعان قارجىمنىڭ مولشەرى سونشالىقتى كوپ ەمەس ەدى. زەينەتاقى قورىنداعى قارجىمنىڭ مولشەرىن مولايتۋ ءۇشىن جۇمىس جاساي بەرگەندى قالايمىن. ەكىنشىدەن, بالالارىم ءالى اياقتانا قويعان جوق. ال ولار ۇيلەنىپ, تۇرمىستارىن جاقسارتقانشا اتا-انانىڭ كومەگى اۋاداي قاجەت بولادى عوي.شىندىعىندا, ايەلدەردىڭ دە جۇمىس جاساي بەرۋىنە مۇمكىندىك جاساعان دۇرىس.
سەنبى, 20 ءساۋىر 2013 0:52
قازىر زامان جاقساردى, تۇرمىس تۇزەلدى. ىنتالى ادامعا جۇمىس تا تابىلادى. سوعان وراي زەينەت جاسىنا وزگەرىس ەنگىزۋدىڭ ارتىعى بولمايتىن شىعار. اسىرەسە, ايەلدەردىڭ زەينەت جاسىن ۇزارتۋ جونىندەگى جاڭا زاڭ جوباسىنا ۇمىتپەن قارايتىندار كوپ. ءوزىمدى دە سوندايلاردىڭ قاتارىندامىن دەپ ويلايمىن. ويتكەنى, ءالى دە جۇمىس جاساۋعا ىنتالىمىن. مۇنىڭ ءتۇرلى سەبەبى بار. بىرىنشىدەن, زەينەتاقى قورىندا جيناقتالعان قارجىمنىڭ مولشەرى سونشالىقتى كوپ ەمەس ەدى. زەينەتاقى قورىنداعى قارجىمنىڭ مولشەرىن مولايتۋ ءۇشىن جۇمىس جاساي بەرگەندى قالايمىن. ەكىنشىدەن, بالالارىم ءالى اياقتانا قويعان جوق. ال ولار ۇيلەنىپ, تۇرمىستارىن جاقسارتقانشا اتا-انانىڭ كومەگى اۋاداي قاجەت بولادى عوي.شىندىعىندا, ايەلدەردىڭ دە جۇمىس جاساي بەرۋىنە مۇمكىندىك جاساعان دۇرىس. ال بۇعان جول اشاتىن جاڭا زاڭنىڭ ماڭىزى ايرىقشا. سەبەبى, وسى زاڭ نەگىزىندە قازاقستانداعى ايەلدەردىڭ زەينەت جاسىن ۇلعايتۋدىڭ ءتيىمدى تۇستارى قارالعان. مۇنداي قادامعا الەمدەگى كوپتەگەن ەلدەر بارىپ وتىر. ماسەلەن, تمد قۇرامىنداعى ەلدەر ىشىنەن زەينەتكە شىعۋ مەرزىمى ارمەنيادا – 63 جاس, گرۋزيا مەن مولدوۆادا 60 جاس ەكەن عوي. وسى ەلدەردەگى ايەلدەر وسىنشا جاسقا دەيىن جۇمىس جاساپ جۇرگەندە, بۇل ءبىزدىڭ قولىمىزدان كەلمەي مە؟ وزگە ەلدەردەگى نازىك جاندىلاردان قازاقستان ايەلدەرىنىڭ نەسى كەم؟
جالپى, زەينەت جاسىن ۇلعايتۋ ءماجبۇرلى سيپاتتا بولمايتىنىن ءبىلىپ وتىرمىز. راس, كەي زامانداستارىمىز بۇل ماسەلەگە باستاپقىدا ۇركە قاراعانمەن, تۇپتەپ كەلگەندە, كەيىنگى بۋىن ءۇشىن جاڭا زاڭنىڭ ءتيىمدى جاقتارى بارىنا كوڭىل اۋدارعان ءجون. بۇل زاڭدى ازىرلەۋ بارىسىندا اقش, كانادا, فرانتسيا, يتاليا, گەرمانيا, دانيا, نيدەرلاند, فينليانديا, شۆەتسيا سىندى مەملەكەتتەردىڭ تاجىريبەلەرىنىڭ ءبىز ءۇشىن نەعۇرلىم ءتيىمدى تۇستارى ەسكەرىلدى دەپ ويلايمىن.بۇل زاڭنىڭ ەرەكشەلىگى سول, زەينەت جاسى بىردەن ۇلعايتىلمايدى. زەينەتكە شىعۋ كەزىندە جىلىنا 6 ايدان قوسىلا وتىرىپ, ون جىلدا جۇزەگە اسىرىلادى ەكەن. مۇنى وتە دۇرىس شەشىم دەۋگە بولادى. ويتكەنى, وسى كەزدە زەينەتكە شىعىپ الىپ, ءالى دە جۇمىستان قالماي جۇرگەندەردى بىلەمىز عوي. كەي ادامدار 60 جاستى ايتپاعاننىڭ وزىندە, ءتىپتى 70 جاسقا دەيىن جۇمىس جاساعاندى قالايدى. سول سەبەپتەن بولار, زەينەت جاسىن ۇلعايتۋ ءادىسىن تەك ءبىزدىڭ ەلىمىز عانا ەمەس, وزگە ەلدەر دە قولدانىپ كەلەدى. دالەل ءۇشىن ايتار بولساق, وڭتۇستىك كورەيادا ايەلدەر ءۇشىن زەينەت جاسىن (65 جاسقا دەيىن) ارتتىرۋ 20 جىل بويى, فرانتسيادا 62 جاسقا دەيىن ارتتىرۋ 8 جىل ىشىندە, ۋكراينادا 60 جاسقا دەيىن ۇلعايتۋ 10 جىل ىشىندە جۇزەگە اسىرىلاتىنى, بىزدە دە وسىنداي ءادىس قولدانىلىپ, ءوز جەمىسىن بەرەتىنى داۋ تۋدىرمايدى.ءاسيما احمەتقاليەۆا, كوممۋنالدىق سالا قىزمەتكەرى. اتىراۋ وبلىسى.