سەيسەنبى, 2 ءساۋىر 2013 0:36
قازىرگى كەزدە وتان الدىندا اسكەري بورىشىن وتەگىسى جانە ءومىرىن اسكەري قىزمەتپەن بايلانىستىرعىسى كەلەتىن جاستاردىڭ قاتارى جىل سايىن ءوسىپ كەلەدى. وعان كەلىسىمشارتپەن ازاماتتىق بورىشىن وتەگىسى كەلەتىن جاس ازاماتتاردى جيناۋ پۋنكتتەرىنىڭ اشىلۋى دا مىسال بولا الادى. ەلىمىزدە بيىلعى اسكەرگە شاقىرۋ باستالدى. وسىعان وراي ءبىز قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى مۇرات مايكەەۆپەن اڭگىمەلەسكەن ەدىك.
سەيسەنبى, 2 ءساۋىر 2013 0:36
قازىرگى كەزدە وتان الدىندا اسكەري بورىشىن وتەگىسى جانە ءومىرىن اسكەري قىزمەتپەن بايلانىستىرعىسى كەلەتىن جاستاردىڭ قاتارى جىل سايىن ءوسىپ كەلەدى. وعان كەلىسىمشارتپەن ازاماتتىق بورىشىن وتەگىسى كەلەتىن جاس ازاماتتاردى جيناۋ پۋنكتتەرىنىڭ اشىلۋى دا مىسال بولا الادى. ەلىمىزدە بيىلعى اسكەرگە شاقىرۋ باستالدى. وسىعان وراي ءبىز قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى مۇرات مايكەەۆپەن اڭگىمەلەسكەن ەدىك.
– قارۋلى كۇشتەردى رەفورمالاۋ جوسپارلارىنا سايكەس سوڭعى جىلدارى كەلىسىمشارت بويىنشا اسكەري قىزمەتشىلەردىڭ سانى ايتارلىقتاي ارتتى. بىراق, مەرزىمدى اسكەري قىزمەت وتانىمىزدىڭ قاۋىپسىزدىگىن قامتاماسىز ەتۋ جۇيەسىنىڭ ماڭىزدى قۇرامى بولىپ قالا بەرەدى, – دەپ باستادى اڭگىمەسىن مۇرات مايكەەۆ. – ءار جارتى جىل سايىن قۇرلىق اسكەرلەرىنىڭ بارلىق اسكەري بولىمدەرى ولار ەلىمىز بويىنشا ەلۋدەن اسادى, تولىعىپ وتىرادى. اسكەرگە شاقىرىلۋشىلاردىڭ باسىم كوپشىلىگى ءاسكەري بورىشىن وتەۋ ءۇشىن قۇرلىق ءاسكەرلەرىنە ءجىبەرىلەدى.– قۇرلىق اسكەرلەرى تۋرالى كەڭىرەك ايتىپ بەرسەڭىز. ونىڭ قاتارىنا قانداي بولىمدەر كىرەدى؟– قۇرلىق اسكەرلەرى – قارۋلى كۇشتەرىمىزدىڭ ەڭ ماڭىزدى جانە ەڭ كوپ ءتۇرى. قۇرلىق اسكەرلەرىنىڭ قۇرامىنا موتواتقىش, تانكتى, دەسانتتى-شابۋىلداۋشى جانە ارتيللەريالىق اسكەري بولىمدەر جانە تەڭىز جاياۋ اسكەرى بريگاداسى كىرەدى. بۇدان باسقا, قۇرلىق اسكەرلەرىنىڭ قۇرامىندا جاۋىنگەرلىك جانە ماتەريالدىق-تەحنيكالىق قامتاماسىز ەتۋ اسكەري ءبولىمدەرى بار. قۇرلىق اسكەرلەرىنىڭ قۇرىلىمدارى مەن قۇرامالارى 24 گارنيزوندا ورنالاسقان.– اسكەر قاتارىنا بىلىكتى مامانداردى الۋ, كەلىسىمشارتپەن اسكەري بورىشىن وتەگىسى كەلەتىن ازاماتتار تۋرالى نە ايتار ەدىڭىز؟– بۇگىنگى تاڭدا قارۋلى كۇشتەردە بىلىكتى ماماندارعا دەگەن سۇرانىس ارتۋدا. سوندىقتان, ءاسكەرگە شاقىرۋ كەزىندە شاقىرىلۋشىنىڭ بىلىمىنە باستى نازار اۋدارىلۋدا.قورعانىس ءمينيسترىنىڭ تالابىنا سايكەس جاۋىنگەرلىك دايارلىق قارقىندىلىعىنىڭ ەداۋىر ارتقانىن اتاپ وتكەن ءجون. ساربازداردىڭ مەرزىمدى اسكەري قىزمەتىنىڭ ءبارىن قولىنا كۇرەك نەمەسە سىپىرتقى ۇستاۋمەن وتكىزۋ سياقتى جايتتار ارتتا قالدى. قازىر, ءتىپتى, اسحانا بويىنشا بارلىق جۇمىستى ءاسكەرمەن كەلىسىمشارت بويىنشا قىزمەت ىستەيتىن ازاماتتىق ۇيىمدار ءوز مويىندارىنا العان. بارلىق اسكەري قىزمەتشىلەردىڭ باستى جۇمىسى – جاۋىنگەرلىك دايارلىق, جورىقتىق-مارشتار, دالالىق جاتتىعۋلار.اسكەرگە شاقىرىلۋشىنىڭ دەنساۋلىق جاعدايىنان باسقا, ءبىز جاستاردى پسيحولوگيالىق جاعىنان ىرىكتەۋگە دە باسا نازار اۋدارامىز.ارنايى دايىندىقتى تالاپ ەتەتىن ماماندىقتار بويىنشا, وقىتۋ قۇرامالارىندا جارتى جىلدىق دايارلىق جۇرگىزىلەدى. قازىر بىزدەگى قۇرلىق اسكەرلەرىنىڭ وقۋ ورتالىعىندا مەحانيك-جۇرگىزۋشى جانە تانكتىڭ, بمپ, ارتيللەريالىق وزدىگىنەن جۇرەتىن زەڭبىرەكتىڭ جەتەكشى-وپەراتورى ماماندىقتارى بويىنشا وقىتۋ ۇيىمداستىرىلعان. بايلانىس قۇرالدارىنىڭ جانە ينجەنەرلىك اسكەرلەردىڭ كىشى ماماندارى ءوز الدىنا بولەك دايىندىقتان وتەدى.قورعانىس ءمينيسترى اسكەري ءتارتىپكە ەرەكشە كوڭىل بولۋدە. قازىر قۇرلىق اسكەرلەرىندە, بارلىق قارۋلى كۇشتەردە دەپ ايتساق تا بولادى, قۇقىق بۇزۋشىلىقتارعا جول بەرمەۋ شارالارى قولدانىلۋدا. بارلىق قۇرىلىمدار ءبىر شاقىرىلىمنىڭ اسكەري قىزمەتشىلەرىمەن جيناقتالادى. ءالىمجەتتىك بارلىق جەردە جويىلعان دەسەك تە بولادى. بارلىق كازارمالار اسكەري ءبولىم بويىنشا كەزەكشىگە شىعارىلعان بەينەباقىلاۋ جۇيەلەرىمەن جابدىقتالعان, بۇل جاعدايدى ۇنەمى قاداعالاپ وتىرۋعا مۇمكىندىك بەرەدى.ءار كازارماداعى ستەندتتەردە قۇرلىق اسكەرلەرى باس قولباسشىسىنىڭ, وڭىرلىك اسكەرلەر قولباسشىلارىنىڭ جانە ولاردىڭ تاربيە جانە الەۋمەتتىك-قۇقىقتىق جۇمىس بويىنشا ورىنباسارلارىنىڭ ۇيالى تەلەفوندارىنىڭ نومىرلەرى كورسەتىلگەن, بۇل نومىرلەرگە كەز كەلگەن ۋاقىتتا قوڭىراۋ شالۋعا جانە سمس-حابارلاما جازۋعا بولادى. انونيمدى تۇردە دە جازا الادى. سول سياقتى, ءار ءوتىنىش بويىنشا تەكسەرىس جۇرگىزىلەدى, ەگەر ءتارتىپ بۇزۋشىلىقتار بولسا, جەدەل شارا قولدانىلىپ, كەمشىلىكتەر جويىلادى.
اڭگىمەلەسكەنداستان كەنجالين,«ەگەمەن قازاقستان».