قىزىلوردا قالاسىنداعى №278 ورتا مەكتەپتىڭ بازاسىندا Robo Fest-ORDA وبلىستىق فەستيۆالى ءوتتى. بۇل تۋرالى قىزىلوردا وبلىسى اكىمدىگىنىڭ ءباسپاسوز قىزمەتى حابارلادى.
بايقاۋدا روبوت مودەلىن قۇراۋ جانە روبوتتاردى باعدارلامالاۋ باعىتىنداعى ۇزدىك جوبالار انىقتالىپ, وقۋشىلار مەن پەداگوگتاردىڭ شىعارماشىلىق جەتىستىكتەرى باعالاندى.
قاتىسۋشىلار روبو ارقان تارتىس, روبو اق سۇيەك, روبو قىز قۋ كاتەگوريالارى بويىنشا سىنعا ءتۇستى.
فەستيۆال ناتيجەسى بويىنشا 38 وقۋشى جۇلدەلى ورىنعا يە بولدى. ونىڭ ىشىندە ءى ورىن-6, ءىى ورىن-12, ءىىى 20 وقۋشىعا تاعايىندالدى. جەڭىمپازدار مەن جۇلدەگەرلەر ۇيىمداستىرۋشىلار تاراپىنان ماراپاتتالدى.