قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسىنىڭ كوشپەلى كورمەسى بايقوڭىر قالاسىندا جۇمىسىن جالعاستىرىپ جاتىر.
ەلباسىنىڭ كورمە قورىندا ارحيۆتىك قۇجاتتار مەن سيرەك كەزدەسەتىن بەينەماتەريال, كونە جادىگەرلەر بار. كورمەنىڭ اشىلۋ سالتاناتىندا وبلىس اكىمىنىڭ ورىنباسارى رۋسلان رۇستەموۆ: - كورمەنىڭ ەرەكشەلىگى ەلباسى كىتاپحاناسى ۇجىمى وبلىس اكىمدىگىمەن بىرلەسىپ « ۇلى دالانىڭ ۇلى ەسىمدەرى» اتتى كونكۋرس جاريالاپ وتىر. ماقسات جاس سۋرەتشىلەرگە ارنالعان جوبا ارقىلى قىلقالام شەبەرلەرىنىڭ ونەرىن جۇرتشىلىققا پاش ەتۋ. بۇگىندە مۋزەي قورىنداعى 40-قا جۋىق كارتينا كەلۋشىلەر نازارىنا ۇسىنىلدى. جالپى, جوبا جەڭىمپازىنىڭ جەكە سۋرەت كورمەسى ەلوردا تورىندە ەلباسى كىتاپحاناسىنىڭ قولداۋىمەن وتكىزىلمەك,-دەدى.
وسىدان ءبىر اي بۇرىن جۇمىسىن باستاعان جىلجىمالى جوبانى تاماشالاۋشىلار سانى كۇن ساناپ ارتىپ كەلەدى ەكەن.
قىزىلوردا وبلىسى