- بيىل قور «يگىلىك», «ىنتىماق», «كاسىپكەر», «بىرلىك» جانە «ەگىنجاي» نەسيە باعدارلامالارى بويىنشا 2,4 ملرد تەڭگە نەسيە بەرۋدى جوسپارلاندى. ەتتى مال شارۋاشىلىعىن دامىتۋدىڭ سالالىق باعدارلاماسى اياسىندا «سىباعا» نەسيەلىك باعدارلاماسى جۇمىس ىستەيدى. سونداي-اق, ءسۇت-تاۋار فەرمالارىن دامىتۋعا باعىتتالعان «ىرىس» باعدارلاماسى بويىنشا قارجىلاندىرۋدى جالعاستىرۋ جوسپارلانۋدا», - دەدى ول.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا نەسيەلەر ءتۇرلى ماقساتتارعا جىلدىق 6 پايىزدىق سىياقى ستاۆكاسى بويىنشا بەرىلەدى. نەسيە باعدارلاماسىنا بايلانىستى كەزەڭى, سوماسى, جەڭىلدىك كەزەڭىنىڭ ۇزاقتىعى وزگەرەدى. سونداي-اق, قوردىڭ نەسيە باعدارلامالارى جاعدايىندا اگرارشىلار قىزمەتىنىڭ ەرەكشەلىگى, ونىڭ ىشىندە اۋىل شارۋاشىلىعى جۇمىستارىنىڭ ماۋسىمدىلىعى مەن تسيكلدىلىگى ەسكەرىلەدى.
«يگىلىك» باعدارلاماسى اياسىندا ءىرى قارا مال, ۇساق مال, تۇيەلەر, قۇستار, بال ارالارىن ساتىپ الۋ قاراستىرىلعان بولسا, «بىرلىك» باعدارلاماسى بويىنشا ءسۇت قابىلداۋ پۋنكتتەرىنە ارنالعان جابدىقتار ساتىپ الىنادى.
سونداي-اق, «سىباعا» باعدارلاماسى بويىنشا بەرىلەتىن زاەمنىڭ ەڭ ۇزاق مەرزىمى 15 جىل. نەسيە اۋىل شارۋاشىلىعى تاۋارىن وندىرۋشىلەرگە ەتتى باعىتتاعى يمپورتتالعان ءىرى قارانىڭ انالىق باسىن جانە وتاندىق ۇساق مالدى, تەحنيكا مەن جابدىقتاردى ساتىپ الۋعا بەرىلەدى.
كورشى مەملەكەتتەر دە قاراپ قالىپ جاتقان جوق. جەمىس-جيدەك, باۋ-باقشا, كوكونىس ونىمدەرىن ساۋداعا كوپ شىعاراتىن وزبەكستان مەملەكەتىنىڭ باسشىلىعى مال ونىمدەرىمەن اينالىساتىن ۇساق شارۋالاردى قولداۋدى باستاپ كەتتى. سونىڭ سالدارى قازاقستاننىڭ ەت نارىعىنان ايتارلىقتاي ءبىلىنىپ قالدى. سوندىقتان دا, شارۋالارىمىز مەملەكەتتىك قولداۋدىڭ ارقاسىندا مال سانىن كوبەيتۋگە كۇش سالماسا بولمايدى.