جازعى سپورت ماۋسىمىنىڭ اشىلۋ سالتاناتىندا سويلەگەن سوزىندە وبلىس اكىمىنىڭ ءبىرىنشى ورىنباسارى مارات تاسماعانبەتوۆ قازاق حالقى اتتى ەر قاناتى رەتىندە قادىرلەي بىلگەنىن, ءتورت ت ۇلىك پاتشاسى جىلقىنىڭ ورنى بولەك ەكەنىن اتاپ كورسەتتى.
«اتا ءمىنۋ مادەنيەتى مەن جىلقى شارۋاشىلىعى جەر جۇزىنە ۇلى دالادان تاراعانى تاريحتان بەلگىلى. وڭىرىمىزدە ورنالاسقان «بوتاي» قونىسىندا جۇرگىزىلگەن قازبا جۇمىستارى جىلقىنىڭ تۇڭعىش رەت قازاقستان اۋماعىندا قولعا ۇيرەتىلگەنىن دالەلدەدى. «تۇلپار» ات سپورتى كلۋبى از ۋاقىتتىڭ ىشىندە جاقسى ناتيجە كورسەتتى. كوكپارشىلارىمىز رەسپۋبليكالىق دودالاردا ولجا سالىپ ءجۇر», دەدى مارات يمانباي ۇلى.
اقتوبە, كوكشەتاۋ قالالارىنان كەلگەن جانە ءوڭىرىمىزدىڭ 13 اۋدانىنان قوسىلعان اتبەگىلەر تۇياعىمەن جەر تارپىعان كىل جۇيرىكتەرىن بايگەگە قوستى.
قىز قۋ, تەڭگە الۋ, اۋدارىسپاق سەكىلدى ۇلتتىق ويىنداردان كەيىن جۇرتشىلىقتىڭ دەلەبەسىن قوزدىرعان بايگە باستالدى. جارىسقا الدىمەن 1800 شاقىرىمعا ۇشقىر اتتار جىبەرىلدى. ولاردىڭ اراسىنان ع. مۇسىرەپوۆ اۋدانىنىڭ «سابويا» اتتى ارعىماعى وق بويى الدا كەلدى. 7 شاقىرىمدىق جورعا جارىستا تايىنشالىقتاردىڭ مەرەيى ۇستەم بولدى. 15 شاقىرىم الامان بايگەدە ايىرتاۋ اۋدانىنان ۇكىلەپ قوسقان سايگ ۇلىك سورەنى ءبىرىنشى بولىپ قيدى.
جەڭىمپازدار اقشالاي سىياقىلارمەن, قۇرمەت گراموتالارمەن ماراپاتتالدى.
سولتۇستىك قازاقستان وبلىسى