سارسەنبى, 8 مامىر 2013 2:31
بىلتىر كوكشەتاۋ قالاسىنداعى تاريحي مۇراجايعا سانكت-پەتەربۋرگتەن حات كەلدى. وندا «فرونت» ىزدەستىرۋ بىرلەستىگىنىڭ وكىلى يۋري گونچار 1907 جىلى تۋعان ۆاسيلي نيكيتيننىڭ تۋعان-تۋىستارىن تاۋىپ بەرۋگە جاردەمدەسۋ جونىندە ءوتىنىش بىلدىرگەن ەدى. ارىقبالىق اۋدانى رۋحلوۆكا اۋىلىنان قان مايدانعا اتتانعان مايدانگەردەن 1942 جىلى حابار-وشار ۇزىلەدى. ەندى ارادا 70 جىل وتكەن سوڭ جەرلەسىمىزدىڭ سۇيەگى – جەكە م ۇلىكتەرىمەن, ارنايى مەدالونمەن,
سارسەنبى, 8 مامىر 2013 2:31
بىلتىر كوكشەتاۋ قالاسىنداعى تاريحي مۇراجايعا سانكت-پەتەربۋرگتەن حات كەلدى. وندا «فرونت» ىزدەستىرۋ بىرلەستىگىنىڭ وكىلى يۋري گونچار 1907 جىلى تۋعان ۆاسيلي نيكيتيننىڭ تۋعان-تۋىستارىن تاۋىپ بەرۋگە جاردەمدەسۋ جونىندە ءوتىنىش بىلدىرگەن ەدى. ارىقبالىق اۋدانى رۋحلوۆكا اۋىلىنان قان مايدانعا اتتانعان مايدانگەردەن 1942 جىلى حابار-وشار ۇزىلەدى. ەندى ارادا 70 جىل وتكەن سوڭ جەرلەسىمىزدىڭ سۇيەگى – جەكە م ۇلىكتەرىمەن, ارنايى مەدالونمەن, ايەلى ولگامەن تۇسكەن سۋرەتپەن, اتاتەگى جازىلعان قۇجاتپەن قوسا, نوۆگورود وبلىسىنىڭ ستارورۋسس اۋدانىندا ىزدەستىرۋ جۇمىستارىن جۇرگىزۋ بارىسىندا تابىلعان.
تاريحي مۇراجاي قىزمەتكەرلەرى بىرنەشە اي بويى سوعىستا قازا تاپقان جاۋىنگەردىڭ تۋعان-تۋىستارىن انىقتاۋمەن اينالىستى. سولتۇستىك قازاقستان وبلىستىق قورعانىس ىستەرى جونىندەگى دەپارتامەنتپەن حابارلاستى. جەرگىلىكتى بۇقارالىق اقپارات قۇرالدارى ارقىلى ىزدەۋ سالدى. ەشبىرىنەن ناتيجە بولماي كۇدەر ءۇزىلدى-اۋ دەگەن شاقتا ۆەرا نيكيتينا دەگەن كوكشەتاۋلىق تۇرعىن تەلەفون ارقىلى حابارلاسىپ, حابار-وشارسىز كەتكەن مارقۇمنىڭ ورتانشى قىزى ەكەنىن مالىمدەدى. ونىڭ ايتۋىنا قاراعاندا, ۆاسيلي نيكيتيننىڭ 4 ءىنى-قارىنداسى بولعان. ءبارى دۇنيەدەن وتكەن. ولاردان تۋعان بالالار دا كوز جۇمعان. ال نەمەرە, جيەندەرى رەسەيدە, گەرمانيادا تۇراتىن كورىنەدى.
تۋىستارى اقىلداسا كەلىپ, مايدانگەردىڭ سۇيەگىن تۋعان اۋىلىنداعى قورىمعا قويۋدى ۇيعاردى. جاقىندا «فرونت» ىزدەستىرۋ بىرلەستىگىنىڭ مۇشەلەرى مارقۇمنىڭ سۇيەگى مەن جەكە م ۇلىكتەرىن جەتكىزدى. قايتا جەرلەۋ ءراسىمىنە شەتەلدەردە قونىس تەپكەن ۇرپاقتارى, جەرگىلىكتى تۇرعىندار, ارداگەرلەر قاتىستى. ءسويتىپ, مارقۇمنىڭ ارۋاعى تۋعان جەرىندە دامىلدادى.
جاقسىلىق ءجۇسىپوۆ,
ايىرتاۋ اۋداندىق ىشكى ساياسات
ءبولىمىنىڭ مەڭگەرۋشىسى.