ەلىمىزدىڭ سىرتقى ساياسي ۆەدومستۆوسىنىڭ باسشىسى قازاقستان ءۇشىن قىرعىزستان ەڭ جاقىن كورشى ەكەنىن اتاپ ءوتتى. «قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ قازاقستان مەن قىرعىزستان باۋىرلاس حالىقتار ەكەنىن ءاردايىم ايتادى. ءبىز تاتۋ كورشىلىك پەن دوستىقتا ءومىر سۇردىك, ارامىزدا ەشقاشان شەكارالار بولعان ەمەس», دەدى ب.اتامقۇلوۆ.
قازاقستان ءسىم باسشىسى قازاقستان-قىرعىز ءوزارا ءىس-قيمىلىنىڭ دامۋىنداعى وڭ ديناميكاسىن اتاپ ءوتتى. وعان جىلى ءارى دوستىق قارىم-قاتىناستار ورنالعان قىرعىزستان سىرتقى ىستەر ءمينيسترى چينگيز ايداربەكوۆپەن تىعىز جانە جەمىستى جۇمىس جاسالۋدا, ال بۇل بىرقاتار ماسەلەلەردى جەدەل شەشۋگە مۇمكىندىك بەرەدى.
بۇگىنگى ءسىم اراسىنداعى كەلىسسوزدەر بارىسىندا ەكىجاقتى ىنتىماقتاستىقتىڭ, وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى تالقىلاندى. ءبىزدىڭ ەلدەرىمىز اراسىنداعى قاتىناستاردى ودان ءارى نىعايتۋ, بارلىق جينالعان ماسەلەلەردى شەشۋ بويىنشا ۋاعدالاستىقتارعا قول جەتكىزىلدى.
تاراپتار 2020 جىلعا قاراي ەكىجاقتى ساۋدانى 1 ملرد اقش دوللارىنا دەيىن ۇلعايتۋ جونىندەگى مەملەكەت باسشىلارى قويعان مىندەتتەردى ىسكە اسىرۋ جونىندە بەلسەندى جۇمىس جۇرگىزۋدە. وسى تۇرعىدا قازاقستان-قىرعىز ۇكىمەتارالىق كەڭەسىنىڭ ءتيىمدى جۇمىسى اتاپ ءوتىلدى.
قىرعىزستان پرەزيدەنتى س. جەەنبەكوۆ ەلباسى نۇرسۇلتان نازارباەۆتىڭ جوعارى بەدەلىن ەرەكشە اتاپ ءوتتى. «ءسىزدىڭ كوشباسشىڭىز نۇرسۇلتان ءابىش ۇلىنىڭ دانالىعى بۇكىل الەمگە تانىمال, ونى كوپتەگەن مەملەكەتتەردىڭ باسشىلارى وتە قۇرمەتتەيدى», دەدى قىرعىز پرەزيدەنتى. سونىمەن قاتار ول مەملەكەت باسشىسى قاسىم-جومارت توقاەۆتى بەدەلدى ساياساتكەر ەكەنىن اتاپ ءوتتى. س. جەەنبەكوۆ قازاقستان حالقىنا جاقسى پرەزيدەنت سايلاۋىن وتكىزۋدى تىلەدى.
س. جەەنبەكوۆ قازاقستان قىرعىزستاننىڭ سىرتقى ساياساتىنداعى نەگىزگى ارىپتەستەرىنىڭ ءبىرى بولىپ تابىلاتىنىن, سونداي-اق قىرعىز تاراپى بارلىق باعىتتار بويىنشا ىنتىماقتاستىقتى ودان ءارى تەرەڭدەتۋگە مۇددەلى ەكەنىن اتاپ ءوتتى. قازاقستان مەن قىرعىزستانعا ەكونوميكالىق وڭىرلىك كووپەراتسيانى دامىتۋ جانە ەكىجاقتى ساۋدا اينالىمىن ۇلعايتۋ بويىنشا جاڭا جولدارىن قاراستىرۋ قاجەت.
كەزدەسۋ بارىسىندا حالىقارالىق قۇرىلىمدار مەن قاۋىمداستىقتاردىڭ, اتاپ ايتقاندا شانحاي ىنتىماقتاستىق ۇيىمى (شىۇ) شەڭبەرىندەگى ءوزارا ءىس-قيمىل ماسەلەلەرى تالقىلاندى. قازاقستان قىرعىزستاننىڭ شىۇ-عا تابىستى توراعالىق ەتۋىنە جوعارى باعا بەردى, ونىڭ شەڭبەرىندە بەلسەندى جۇمىس جۇرگىزىلۋدە.