جاپونيادا حالىقارالىق جەڭىل اتلەتيكا فەدەراتسياسىنىڭ ۇيىمداستىرۋىمەن Seiko Golden Grand Prix Osaka ءتۋرنيرى اياقتالدى. الەمدىك سەريا اياسىنا ەنەتىن جارىسقا قازاقستان اتىنان ولگا سافرونوۆا قاتىستى دەپ حابارلايدى Olympic.kz.
سافرونوۆا وساكاداعى تۋرنيردەن ءبىر كۇمىس, ءبىر قولا مەدال ەنشىلەدى.
100 مەترگە جۇگىرۋدەن ولگا 11.39 ۋاقىت كورسەتكىشىمەن ەكىنشى ورىن يەلەندى.
ال 200 مەتردى 23.08 سەكۋندتا جۇگىرىپ وتكەن ول مارە سىزىعىن ءۇشىنشى بولىپ كەستى.
ەسكە سالا كەتەيىك, سافرونوۆا ازيا بيىلعى ازيا چەمپيوناتىنىندا 100 مەترگە جۇگىرۋدەن جەڭىمپاز اتانعان بولاتىن.