ورتالىق سايلاۋ كوميسسياسى مۇشەلەرىمەن كەزدەسۋگە تمد پاا حالىقارالىق بايقاۋشىلارى, تمد پاا دەموكراتيا, پارلامەنتاريزم جانە ازاماتتاردىڭ سايلاۋ قۇقىعىن ساقتاۋ جونىندەگى حالىقارالىق باقىلاۋ ينستيتۋتى (ددمحي) ديرەكتورىنىڭ ورىنباسارى ە.گولوۋلينا, ددمحي ساراپتاما توبىنىڭ باسشىسى س.تكاچەنكو, ددمحي سايلاۋدى مونيتورينگىلەۋ ءبولىمىنىڭ كەڭەسشىسى ت.شۋلگينا كەلدى.
ولاردى ورتالىق سايلاۋ كوميسسياسىنىڭ مۇشەلەرى زاۋرەش بايمولدينا مەن باقىت مەلدەشوۆ قازاقستان رەسپۋبليكاسىنداعى سايلاۋ ورگاندارىنىڭ بيىلعى 10 ساۋىردەن باستاپ, 9 مامىرعا دەيىنگى وتكەن جانە وتەتىن ءىس-شارالارىمەن تانىستىردى. سونىڭ ىشىندە ورتالىق سايلاۋ كوميسسياسىنىڭ مۇشەلەرى كەزدەسۋ بارىسىندا سايلاۋ ناۋقانىنىڭ بارلىق كەزەڭدەرى تۋرالى ناقتى باياندادى. وعان قوسا, كەلگەن بايقاۋشىلار توبىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ جونىندەگى نەگىزگى ءىس-شارالاردىڭ كۇنتىزبەلىك جوسپارىمەن دە حاباردار ەتتى. سوعان بايلانىستى اتالعان ناۋقاننىڭ نەگىزگى كەزەڭدەرىن, ياعني ۇسىنۋ, تىركەۋ, سايلاۋ الدىنداعى ۇگىت پەن داۋىس بەرۋ كۇنىن كورسەتە وتىرىپ, اتقارىلىپ جاتقان اۋقىمدى جۇمىستار تۋرالى حاباردار ەتتى.
سونىمەن قاتار تاۋەلسىز مەملەكەتتەر دوستاستىعى قاتىسۋشى مەملەكەتتەردىڭ پارلامەنتارالىق اسسامبلەياسى دەموكراتيانى, پارلامەنتاريزمدى دامىتۋ جانە تمد پا قاتىسۋشى مەملەكەتتەر ازاماتتارىنىڭ سايلاۋ قۇقىقتارىن ساقتاۋ حالىقارالىق مونيتورينگ ينستيتۋتى وكىلدەرى 2017-2018 جىلدارى ەنگىزىلگەن سايلاۋ زاڭناماسىنداعى نەگىزگى وزگەرىستەر تۋرالى, سونىڭ ىشىندە سايلاۋ الدىنداعى ۇگىتكە, سايلاۋ ناۋقانىن قارجىلاندىرۋعا قاتىستى جاڭا ەرەجەلەر جانە باسقا دا اقپاراتتارمەن قامتاماسىز ەتىلدى. ال تمد پاا ددمحي ديرەكتورىنىڭ ورىنباسارى ە.گولوۋلينا, قازىرگى ۋاقىتتا سايلاۋ ناۋقانى وتە اشىق ءارى بارلىق زاڭ تالاپتارىنا ساي ءوتىپ جاتقانىن جانە سوعان وزدەرىنىڭ ريزاشىلىقتارىن جەتكىزەتىندىگىنەن حاباردار ەتتى.
جالپى تمد پارلامەنتارالىق اسسامبلەياسى (تمد پاا) – تاۋەلسىز مەملەكەتتەر دوستاستىعىنىڭ جوعارعى زاڭشىعارۋشى ۇيلەستىرۋشى ورگانى. پارلامەنتارالىق اسسامبلەياسى قۇرامىنا تاۋەلسىز مەملەكەتتەر دوستاستىعىنىڭ بارلىق 12 ەلىنىڭ وكىلى بولىپ تابىلاتىن پارلامەنتشىلەر كىرەدى. پارلامەنتارالىق اسسامبلەيانىڭ نەگىزگى مىندەتى – تمد ەلدەرىنىڭ ۇلتتىق زاڭنامالارىن ۇيلەستىرۋ. ۇلگى زاڭدار, تىكەلەي ىقپالى بولماسا دا تمد ەلدەرىنىڭ ۇلتتىق زاڭدارىن جاساۋدا ءبىرىڭعاي كورسەتكىش بولىپ تابىلادى. اسسامبلەيا سونداي-اق تمد مەملەكەتتەرىنىڭ ارىپتەستىگى, ءوزارا ىقپالداسۋى, قارىم-قاتىناستارىنىڭ دامۋىنا باعىتتالعان بىرقاتار ساياسي, ەكونوميكالىق, مادەني سالالارداعى ماسەلەلەردى قاراستىرادى.