«قحل ماتچتارىنا بيلەتتەردى ساتۋ نۇكتەلەرىندە الۋعا بولادى (بارىس ارەنا كاسساسىن قوسا ەسەپتەگەندە). بيلەتتەردىڭ باعاسى قحل ماۋسىمىنداعى «بارىس» ماتچتارىنىڭ ادەتتەگى باعاسىنان اسپايدى», – دەدى 2019 جىلعى دۇنيەجۇزىلىك كۋبوك ۇيىمداستىرۋ كوميتەتىنىڭ وكىلى, قازاقستان حوككەي فەدەراتسياسىنىڭ باس حاتشىسى گلەب كاراتاەۆ.
قازاقستان قۇراماسىنىڭ قاتىسۋىمەن وتەتىن ماتچتىڭ بيلەت قۇنى 700 تەڭگەنى قۇرايدى, باسقا كوماندالاردىڭ قاتىسۋىمەن وتكىزىلەتىن ماتچتاردىڭ قۇنى – 400 تەڭگە. 7 جاسقا تولماعان بالالار تەگىن كىرەدى, بىراق ولارعا ورىن ۇسىنىلمايدى. مۇمكىندىگى شەكتەۋلى ادامدارعا 2019wmia@icehockey.kz پوشتاسى ارقىلى الدىن الا كەلىسىم بويىنشا كىرۋ تەگىن.
ەسكە سالا كەتەيىك, 2019 جىلدىڭ 29 ساۋىرىنەن 5 مامىرىنا دەيىن نۇر-سۇلتاندا حوككەيدەن الەم چەمپيوناتى وتەدى ء(ى ديۆيزيون, ا توبى). بەلورۋسسيا, ۆەنگريا, سلوۆەنيا, وڭتۇستىك كورەيا, ليتۆا جانە قازاقستان قۇرامالارى الەمدىك حوككەي ەليتاسىندا ويناۋ قۇقىنا تالاسادى. قازاقستان ەرلەر اراسىنداعى حوككەيدەن الەم چەمپيوناتىن العاش رەت قابىلداۋدا.