مەملەكەت باسشىسى قاسىم-جومارت توقاەۆ كاسىپكەرلەرگە «ءبىر تەرەزە» قاعيداتى بويىنشا قىزمەت كورسەتەتىن ورتالىقتىڭ جۇمىسىمەن تانىستى. بۇل تۋرالى اقوردانىڭ ءباسپاسوز قىزمەتى حابارلادى.
ورتالىق مەملەكەتتىك ساتىپ الۋ, بۋحگالتەرلىك, سالىق جانە ستاتيستيكالىق ەسەپتەر, كەدەندىك راسىمدەر, اقپاراتتىق تەحنولوگيالار بويىنشا قىزمەت كورسەتەدى. سونداي-اق, بيزنەسكە مەملەكەتتىك قولداۋ كورسەتۋ جانە كاسىپكەرلەرگە قۇقىقتىق كومەك بەرۋ ماسەلەلەرى جونىندە تەگىن كەڭەس بەرىلەدى.
سونىمەن قاتار, پرەزيدەنتكە «باستاۋ-بيزنەس» باعدارلاماسىنىڭ جۇزەگە اسىرىلۋ بارىسى باياندالدى. «اتامەكەن» ۇلتتىق كاسىپكەرلەر پالاتاسىنىڭ جوبالارى: تۇيە شارۋاشىلىعى, رەپەتيتورلىك ورتالىق, تيپوگرافيا, سۇلۋلىق سالونى, ستوماتولوگيالىق كابينەت, بالاباقشا جانە باسقا دا باستامالار تانىستىرىلدى.