قالا باسشىلىعى «جىلىتۋ ماۋسىمىنا دايىندىق جانە ونى وتكىزۋ تۋرالى» شەشىمىنە سايكەس, سىرتتاعى اۋانىڭ ورتاشا تاۋلىكتىك تەمپەراتۋراسى پليۋس 10°س دەڭگەيىندە بەس كۇنتىزبەلىك كۇن بويى تۇراقتى بولعان جاعدايدا نۇر-سۇلتان قالاسىنىڭ جەرگىلىكتى اتقارۋشى ورگانى ء(ماسليحاتى) جىلىتۋ ماۋسىمىن اياقتاۋ تۋرالى شەشىم قابىلدايدى.
نۇر-سۇلتانداعى جىلىتۋ ماۋسىمى ادەتتەگىدەي ءجۇرىپ جاتىر. جىلۋ جەلىلەرىنىڭ تەمپەراتۋرالىق رەجيمى بەكىتىلگەن رەجيم كارتاسىنا سايكەس ۇيىمداستىرىلۋدا.
ەنەرگيا كوزدەرى ستاندارتتى وتىنمەن قامتاماسىز ەتىلگەن.
«جىلىتۋ ماۋسىمىنىڭ باسىنان ەنەرگيا كوزدەرىندە, سونداي-اق جىلۋ, ەلەكتر جانە سۋ بەرۋ جەلىلەرىندە اپاتتار مەن 1 دارەجەلى اپات ورىن العان جوق. الەۋمەتتىك, مادەني جانە تۇرمىستىق نىسانداردا جىلىتۋ ماۋسىمى ءۇزىلىسسىز جۇرۋدە, عيماراتتارداعى تەمپەراتۋرا رەجيمى قالىپتى دياپازوندا, جىلۋ ەنەرگياسىن جەتكىزۋ ستاندارتتارعا جانە جىلۋ جۇكتەمەلەرىنە سايكەس كەلەدى», – دەپ مالىمدەدى وتىن-ەنەرگەتيكا كەشەنى مەن كوممۋنالدىق شارۋاشىلىق باسقارماسىندا.