جوبا iKomek 109 ورتالىعى مەن Nur Otan پارتياسى فيليالىنىڭ قوعامدىق قابىلداۋى بىرىگۋىنىڭ اياسىندا جۇمىس ىستەيدى.
بىرلەسكەن جوبا اعىمداعى جىلدىڭ اقپان ايىندا «Nur Otan» پارتياسىنىڭ XVIII سەزىندە پارتيا توراعاسى نۇرسۇلتان نازارباەۆ ايتقان الەۋمەتتىك ساياساتتى ىسكە اسىرۋعا تولىق مۇمكىندىك بەرەدى. جاڭا الەۋمەتتىك ساياسات حالىقتىڭ ءالسىز توپتارىنىڭ تابىسى مەن ءال-اۋقاتىن ارتتىرۋعا, اتاپ ايتقاندا كوپبالالى, تولىق ەمەس جانە از قامتىلعان وتباسىلاردى, بيۋدجەتتىك ۇيىمداردىڭ قىزمەتكەرلەرىن قولداۋعا, دەنساۋلىق ساقتاۋ سالاسىن دامىتۋعا, بيزنەس پەن الەۋمەتتىك ينفراقۇرىلىمدى دامىتۋعا, جەرگىلىكتى جولدار جەلىسىن جوندەۋگە, سالۋعا جانە كەڭەيتۋگە باعىتتالعان.
«ەندى «Nur Otan» پارتياسى استانالىق فيليالىنىڭ قوعامدىق قابىلداۋىنا ازاماتتاردان كەلىپ تۇسكەن وتىنىشتەر iKomek 109 وتىنىشتەر جۇيەسىندە اۆتوماتتى تۇردە تىركەلەدى. ەلوردالىق IKomek109 بىرىڭعاي بايلانىس ورتالىعىنىڭ مۇمكىندىكتەرىن پايدالانۋ حالىقپەن كەرى بايلانىستىڭ مىقتى جۇيەسىن قالىپتاستىرۋعا كومەكتەسەدى», – دەلىنگەن پارتيانىڭ ەلوردالىق فيليالىنىڭ ءباسپاسوز قىزمەتى تاراتقان حابارلامادا.
اكىمدىكتىڭ IKomek 109 بىرىڭعاي بايلانىس ورتالىعى 2018 جىلدىڭ قاڭتارىنان باستاپ جۇمىس ىستەيدى. وتكەن جىلى ورتالىق ميلليوننان استام ءوتىنىشتى قابىلدادى. كۇن سايىني مۇندا 14 مىڭعا تارتا ءوتىنىش كەلىپ تۇسەدى. ولاردىڭ اتقارىلۋ پايىزى 99%-دى قۇرايدى. جىل باسىنان ورتالىققا 500 000-نان استام ءوتىنىش كەلىپ ءتۇستى.