ەمدەۋ- دياگنوستيكالىق ورتالىعى قالالىق №2 كوپبەيىندى اۋرۋحانا بازاسىندا اشىلدى.
«بۇل ءبولىم جۇرەك, بۇيرەك, باۋىر, جۇيكە, جۇرەك-رەۆماتولوگيالىق سياقتى اۋىر ەكستراگەنيتالدىك اۋرۋلارعا شالدىققان جۇكتى ايەلدەرگە ارنالعان. ولار دياگنوستيكالىق قىزمەتتەردىڭ بارلىق سپەكترىن, مامانداردىڭ كونسۋلتاتسيالارىن الا الادى. بۇل مەكەمەدەگى بارلىق قاجەتتى ماماندىقتار جوعارى دەڭگەيدە ۇسىنىلعان», – دەدى دەنساۋلىق ساقتاۋ دەپارتامەنتى باستىعىنىڭ ورىنباسارى ماعريپا ەمبەرگەنوۆا.
ورتالىقتا بىلىكتىلىگى جوعارى ساناتتى دارىگەرلەر جۇمىس ىستەيدى. ال بولمەلەر زاماناۋي ستاندارتتارمەن جابدىقتالعان. قابىلداۋدى گينەكولوگ, اكۋشەر-گينەكولوگ, تەراپەۆت, گەنەتيكا, كارديولوگ, نەۆروپاتولوگ, پۋلمونولوگ, ماممولوگ, رەۆماتولوگ, ەندوكرينولوگ, نەفرولوگ, ۋرولوگ, حيرۋرگ, گاستروەنتەرولوگ جانە باسقا دا ماماندار جۇرگىزەدى. كوپ تارتىپتىك كوميسسيا جۇكتىلىك پەن بوسانۋدى باسقارۋ جونىندەگى كەڭەس بەرەدى.
جۇكتىلىك مونيتورينگى باعدارلاماسى ساراپشى-ۋلترادىبىستىق, ەكىنشى جانە ءۇشىنشى تريمەسترگە سكرينينگ, ۇرىقتىڭ زەرتحانالىق دياگنوستيكاسىنىڭ تولىق سپەكترىن قامتيدى. ناۋقاستار دياگنوستيكادان ءوتىپ, ەم دە قابىلدايدى. مۇندا كۇندىزگى ستاتسيونار, كىشىگىرىم امبۋلاتوريا, ءتىپتى اكۋپۋنكتۋرا جانە ماسساج بولمەلەرى بار. قالالىق №2 اۋرۋحانانىڭ باس دارىگەرى يۆان ءليدىڭ ايتۋىنشا, ورتالىق ەكى جۇيە بويىنشا پاتسيەنتتەردى قابىلدايدى. بىرىنشىدەن, مەملەكەتتىك ەمحانالارمەن قوسالقى كەلىسىمشارتتار بويىنشا. ەگەر مەملەكەتتىك ەمحانا ايەلگە وسى ورتالىققا جولداما بەرسە, بارلىق عىلىمي-ساراپتامالىق كەڭەستەر وعان تەگىن بەرىلەدى.
«ەكىنشى ءادىس: كەز كەلگەن ادام ەمحانا بەرەتىن جونەلتپە حاتسىز بىزبەن تىكەلەي بايلانىسىپ, وسىندا تەكسەرۋدەن اقىلى نەگىزدە وتە الادى. قىزمەت باعالارى باعدارلاما اكىمشىسى ارقىلى رەتتەلەدى. ولار جەكە ەمحاناعا قاراعاندا الدەقايدا تومەن. ءسىز ءوزىڭىزدىڭ دەنساۋلىعىڭىزدى جۇكتىلىكتى جوسپارلاۋ كەزەڭىندە دە, كەيىن دە, كەز كەلگەن ۋاقىتتا تەكسەرە الاسىز», - دەپ ءتۇسىندىردى ي. لي.
ەمدەۋ-دياگنوستيكالىق ورتالىعىنىڭ جەتەكشىسى ەلميرا نۇرالينانىڭ ايتۋىنشا, ورتالىق 3 قاڭتاردا سىناق رەجيمىندە ىسكە قوسىلعان, قازىر 153 ناۋقاس قارالۋدا. بىراق تۇتاستاي العاندا, ولار كۇنىنە 500-گە دەيىن ادامدى قابىلداۋعا دايىن.