ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى اياسىندا «ەلباسى جولىمەن» تاقىرىبىندا ۇيىمداستىرىلعان تانىمدىق ساپار بارىسىندا قوناقتار, سونداي-اق كەلەسى جىلى تۋعانىنا 1150 جىل تولاتىن ەنتسيكلوپەديست-عالىم ءابۋ ناسىر ءال-فارابي مەن مىسىر ەلىن 18 جىل بيلەگەن داڭقتى قولباسشى سۇلتان بەيبارىستىڭ داماسكىدەگى زيراتتارىنان الىنىپ توپىراقتارى سالىنعان كەشەن-تاقتا ورنىنا تاعزىم ەتتى. م.ساپارباەۆ اتىنداعى ۋنيۆەرسيتەتتىڭ ستۋدەنتتەرىمەن كەزدەسىپ, ەلباسىنىڭ رۋحاني جاڭعىرۋعا بايلانىستى ماقالاسى اياسىندا پىكىر الماستى. اعا بۋىن مەن جاستار اراسىنداعى اڭگىمە-سۇحباتتا تۇڭعىش پرەزيدەنتتىڭ ەرەن ەڭبەكتەرى دە قامتىلدى. سىنىپتاستارى ەلباسىنىڭ مەكتەپتە وزات, العىر, ۇلگىلى بالا بولعاندىعىن ەسكە تۇسىرسە, كۋرستاس دوستارى نامىسقويلىعى مەن جىگەرلىلىگى, قايسارلىعى, ەڭبەكتەگى زور جەتىستىكتەرى جونىندە عيبراتتى, اسەرلى اڭگىمەلەر ءوربىتتى.
وتىرار اۋدانىنىڭ اكىمى ە.ايتاحانوۆقا شىنايى مەيماندوستىق پەيىل تانىتقانى ءۇشىن العىستارىن ايتقان ەلباسىنىڭ دوستارى ساپارلارىن كيەلى تۇركىستاندا جالعاستىردى. قوجا احمەت ياساۋي كەسەنەسىنە زيارات جاساپ, «ازىرەت سۇلتان» مەملەكەتتىك تاريحي-مادەني قورىق-مۋزەيىندەگى تاريحي جادىگەرلەر مەن تۇلعالار جايلى مالىمەتتەرمەن تانىستى.