ءبىز, قازاقستان حالقى اسسامبلەياسى كەڭەسىنىڭ مۇشەلەرى, ەتنومادەني بىرلەستىكتەردىڭ باسشىلارى, قوعامدىق كەلىسىم, انالار كەڭەستەرى, عىلىمي-ساراپتالىق كەڭەس, «جاڭعىرۋ جولى» جاستار قوزعالىسى, عىلىمي جانە شىعارماشىل زيالى قاۋىم, جۋرناليستەر كلۋبتارى مەن اسسامبلەيا بۇقارالىق اقپارات قۇرالدارىنىڭ وكىلدەرى, بۇل شەشىمدى تولىعىمەن قولدايمىز.
بۇل دەر كەزىندە جاسالعان جانە قاجەتتى قادام بولىپ تابىلادى, مۇنى ۋاقىتتىڭ ءوزى تالاپ ەتىپ وتىر.
قازاقستانداعى جوعارعى بيلىك ەلدىڭ اتا زاڭىنا تولىق سايكەس جاعدايدا جانە بەيبىت جولمەن اۋىستى.
سايلاۋدى حالىقتىڭ تىكەلەي ەركىن ءبىلدىرۋ ارقىلى وتكىزۋ كەز كەلگەن تۇسىنىكسىز جايلاردى بولدىرماۋعا مۇمكىندىك بەرەدى.
بۇگىندە ەلدە ەكونوميكانى دامىتۋ, الەۋمەتتىك ماسەلەلەردى شەشۋ, حالىقتىڭ تابىسى مەن ءومىر ساپاسىن ۇدايى ارتتىرۋدى قامتاماسىز ەتۋ بويىنشا اۋقىمدى باعدارلامالار ىسكە اسىرىلۋدا. بارشا قازاقستاندىقتاردىڭ باقۋاتتى ءومىرى سولاردىڭ ءتيىمدى جانە ساپالى ورىندالۋىنا تىكەلەي بايلانىستى.
ءبىزدىڭ بارىمىزگە قوعامنىڭ تۇراقتىلىعى مەن بىرلىگى, ەرتەڭگى كۇنگە دەگەن سەنىمدىلىك, جۇمىس ورىندارى, الەۋمەتتىك تولەمدەردىڭ, ەڭبەكاقىنىڭ, شاكىرتاقىنىڭ كەپىلدى تۇردە تولەنگەنى قاجەت.
قول جەتكەن جەتىستىكتەردى قازىرگى كۇردەلى جاھاندىق پروتسەستەر جاعدايىندا ساقتاۋ جانە كوبەيتۋ ەلباسىنىڭ ستراتەگيالىق باعىتىنىڭ ساباقتاستىعى, جۇرگىزىلىپ وتىرعان تەڭگەرىمدى ىشكى جانە سىرتقى ساياساتتى جالعاستىرۋ جاعدايىندا عانا مۇمكىن ەكەنىن ءبىز ناقتى تۇسىنەمىز.
بۇل – ومىرشەڭ قاجەتتىلىك.
مەملەكەت پەن قوعامنىڭ تابىستى دامۋىن, ءتيىمدى مەملەكەتتىك باسقارۋدى, قاۋىپسىزدىك پەن تۇراقتىلىقتى قازاقستان رەسپۋبليكاسىنىڭ پرەزيدەنتى – ەل كونستيتۋتسياسىنىڭ, ادام مەن ازاماتتىڭ قۇقىقتارى مەن بوستاندىقتارىنىڭ كەپىلى قامتاماسىز ەتۋى كەرەك.
كەزەكتەن تىس پرەزيدەنتتىك سايلاۋ حالىقتى توپتاستىرۋ جولىنداعى پاتريوتتىق اكت بولىپ, ەكونوميكانى تۇراقتاندىرۋعا, ەلدىڭ قارقىندى دامۋى مەن ازاماتتارىمىزدىڭ يگىلىگىنىڭ ءتۇيىندى ماسەلەلەرىن شەشۋ ءۇشىن قاجەتتى ازاماتتىق تاتۋلىقتى, الەۋمەتتىك تۇراقتىلىقتى قامتاماسىز ەتۋگە قۋاتتى سەرپىن بەرەدى.
قازاقستان حالقى اسسامبلەياسى پرەزيدەنتتىك سايلاۋدىڭ ەلىمىزدەگى قوعامدىق كەلىسىم مەن جالپىۇلتتىق بىرلىكتى ودان ءارى نىعايتۋعا قىزمەت ەتەتىنىنە سەنىمدى.
ءبىز بولاشاق ۇرپاق الدىنداعى جاۋاپكەرشىلىگىمىزدى تۇسىنە وتىرىپ, حالىق پەن ەلدىڭ بيىك مۇددەلەرىنە سۇيەنىپ, ءوزىمىزدىڭ ازاماتتىق جانە پاتريوتتىق پارىزىمىزدى ورىنداي وتىرىپ, قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى وتكىزىلۋىن قولدايمىز.
ءبىز بارشا قازاقستاندىقتاردى قازاقستان حالقىنىڭ يگىلىگى مەن وركەندەۋى جولىندا, بولاشاق ۇرپاقتار ءۇشىن جاسالىپ وتىرعان بىردەن ءبىر دۇرىس تاڭداۋ رەتىندە, وسى شەشىمدى قولداۋعا شاقىرامىز!
نۇر-سۇلتان قالاسى,
2019 جىلعى 10 ءساۋىر