جۇمىس توبىنىڭ قۇرامىندا ەڭبەك جانە حالىقتى الەۋمەتتىك قورعاۋ ءمينيسترى بەردىبەك ماشبەك ۇلى ساپارباەۆ, ءبىلىم جانە عىلىم ءمينيسترى شامشيدينوۆا كۇلاش نوعاتايقىزى, دەنساۋلىق ساقتاۋ ۆيتسە-ءمينيسترى اقتاەۆا ءلاززات مەيراشقىزى, ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي كوممۋنالدىق شارۋاشىلىق كوميتەتىنىڭ توراعاسى جايىمبەتوۆ مارحابات جايىمبەت ۇلى بار ۇكىمەت دەلەگاتسياسى وبلىس تۇرعىندارىمەن جۇزدەستى.
جۇمىس ساپارى «بايتەرەك» شاعىن اۋدانىنداعى تۇرعىن ۇيلەر كوپبالالى وتباسىلارعا ارنالعان «بالامەكەن» جوباسى نەگىزىندە سالىنعان قۇرىلىس الاڭىنان باستالدى. مۇندا وبلىستاعى از قامتىلعان جانە كوپبالالى 150 وتباسى وبلىستىق بيۋدجەت قاراجاتى مەن قايىرىمدىلىق قورىنىڭ كومەگى ارقاسىندا تۇرعىن ۇيمەن قامتاماسىز ەتىلەدى.
باسپانانىڭ 1 شارشى مەترىنىڭ قۇنى 70 مىڭ تەڭگە دەپ بەلگىلەنگەن. تۇرعىن ءۇي قۇرىلىسى 1 قىركۇيەككە دەيىن اياقتالادى دەپ جوسپارلانىپ وتىر. «بولات وتەمۇراتوۆ قورى» تۇرعىن ۇيلەردى سالۋ بويىنشا «بالامەكەن» جوباسىنىڭ جۇزەگە اسىرىلۋىنا 450 ملن تەڭگە ءبولدى. ال جەرگىلىكتى باسشىلىق بۇل ۋاقىتقا دەيىن بارلىق ينجەنەرلىك ينفراقۇرىلىمدار - ەلەكتر, گاز, سۋ, تەلەفون بايلانىسى مەن اۆتوجولدار قۇرىلىسىن اياقتاۋعا, سونداي-اق ءاربىر ۇيگە 6 سوتىق جەر تەلىمىن بولۋگە كەپىلدىك بەرىپ وتىر.
بۇدان سوڭ قر پرەمەر-ءمينيسترىنىڭ ورىنباسارى گ.ابىقالىقوۆا ب.ساپارباەۆپەن بىرگە 6 بالانى تاربيەلەپ وتىرعان كوپبالالى وتباسى زارينا حامزاتوۆانىڭ ۇيىندە بولدى. ول وبلىس باسشىلىعىنا كوپ بالالى انانى جۇمىسقا ورنالاستىرۋدا جاردەمدەسۋگە تاپسىرما بەردى.
كەلەسى جيىن «دوستىق ۇيىندە» ءوتتى. وسى جەردە ۇكىمەت دەلەگاتسياسى كوپبالالى انالارمەن, از قامتىلعان وتباسىلارمەن, ەڭبەك ارداگەرلەرىمەن, مۇگەدەكتەرمەن, مۇعالىمدەرمەن, دارىگەرلەرمەن, قوعام وكىلدەرىمەن كەزدەستى. ءوز سوزىندە پرەمەر-ءمينيستردىڭ ورىنباسارى مەملەكەتتىك ساياساتتىڭ باستى باسىمدىعى حالىقتىڭ ءال-اۋقاتى ەكەنىن باسا ايتتى. ول ءۇشىن بۇگىنگى كۇنى ءومىر ساپاسى مەن دەڭگەيىن ارتتىرۋ بويىنشا قاجەتتى شارالار قولدانۋدا. سونىمەن قاتار باستى مىندەت حالىقتى جۇمىسپەن قامتۋ بولىپ تابىلادى, ال الەۋمەتتىك ءالجۋاز ساناتتارعا جان-جاقتى مەملەكەتپەن قولداۋ كورسەتىلەدى.
ەلباسىنىڭ جاڭا الەۋمەتتىك باستتامالارىنا قولداۋ بىلدىرگەن كەڭەسكە قاتىسۋشىلار ءتۇسىندىرۋ سۇراقتارىنان باسقا, الەۋمەتتىك ساياساتتى جەتىلدىرۋ بويىنشا ۇسىنىستارىن ءبىلدىردى.
بۇدان ءارى جۇمىس ساپارى قالا جانە اۋدان اكىمدەرى, كاسىپورىنداردىڭ, بيزنەس قۇرىلىمداردىڭ جانە كاسىپوداقتاردىڭ باسشىلارى قاتىسقان جينالىسپەن جالعاستى. وندا بيزنەستىڭ الەۋمەتتىك جاۋاپكەرشىلىگىن دامىتۋ, ءوڭىردىڭ از قامتىلعان جۇمىسكەرلەرى مەن تۇرعىندارىنا الەۋمەتتىك كومەك كورسەتۋ ماسەلەلەرى قاراستىرىلدى.
گۇلشارا ابدىقالىقوۆا ەكونوميكانىڭ ناقتى سەكتورلارىن, بيزنەس–قاۋىمداستىقتاردى مەملەكەتتىڭ الەۋمەتتىك ساياساتىن ىسكە اسىرۋعا بەلسەنە قاتىسۋعا شاقىردى.
ەركىن فورماتتا وتكەن جيىندا قىزىلوردا وبلىسىنىڭ 2016-2019 جىلدارعا ارنالعان ءبىلىم بەرۋ مەن عىلىمدى دامىتۋدىڭ مەملەكەتتىك باعدارلاماسىن ىسكە اسىرۋ جايى تالقىلاندى.
ۆيتسە-پرەمەر ءبىلىم بەرۋ مينيسترىمەن وڭىردەگى ءبىلىم بەرۋ سالاسىنداعى اعىمداعى جاعدايدى, وزەكتى ماسەلەلەردى جانە ونى شەشۋ جولدارىن قاراستىردى. سونىمەن قاتار پەداگوگ قاۋىمعا 1 ماۋسىمنان باستاپ جالاقىنى 30%-عا ارتتىرۋ بويىنشا تۇسىنىك بەرىلدى. سونىمەن قاتار, مۇعالىمنىڭ قوعامداعى بەدەلى مەن ءرولى ارتتىرۋعا باعىتتالعان «مۇعالىم مارتەبەسى تۋرالى» زاڭ جوباسى تالقىلاندى.
پرەمەر-ءمينيستردىڭ ورىنباسارى جانە ەڭبەك جانە حالىقتى الەۋمەتتىك قورعاۋ ءمينيسترى قىزىلوردا قالاسىنىڭ جۇمىسپەن قامتۋ ورتالىعىنىڭ جۇمىسىن تەكسەردى. جاڭا فورماتتاعى اتاۋلى الەۋمەتتىك كومەكتى تاعايىنداۋ الگوريتمى تولىق قاراستىرىلدى. جالپى, وبلىس ورتالىعىندا 2018 جىلى جۇمىسپەن قامتۋ شارالارىمەن 3,6 مىڭنان استام ادام قامتىلدى, 7,7 مىڭنان استام ادام جۇمىسقا ورنالاستىرىلدى, 225 ادامعا كرەديتتەر مەن گرانتتار بەرىلدى, 54 وتباسى كوشىرىلدى.
وڭىردەگى جۇمىس ساپارى سوڭىندا پرەمەر-ءمينيستردىڭ ورىنباسارى گ. ابدىقالىقوۆا ازاماتتاردى جەكە قابىلداپ ءتۇيىندى ماسەلەلەرمەن تانىستى. وبلىس اكىمدىگىنە جاعدايى اۋىر وتباسىلاردىڭ ماسەلەسىن شەشۋدى تاپسىردى.
جۇمىس ساپارىندا ءبىلىم جانە عىلىم ءمينيسترى ك. ءشامشيدينوۆا «شاعبان» بالاباقشاسىنىڭ, «IT-IMAQORDA» بالالار تەحنوپاركىنىڭ, № 268 ورتا مەكتەپتىڭ جانە «اتامەنكەن» وتباسىلىق ۇلگىدەگى بالالار اۋىلىنىڭ ۇستازدار قاۋىمىمەن كەزدەسىپ, پروبلەمالارمەن تانىستى, شەشۋ تەتىكتەرىن تالقىلادى. دەنساۋلىق ساقتاۋ ۆيتسە-ءمينيسترى ل.اقتاەۆا بالالار اۋرۋحاناسىنىڭ, №6 ەمحانانىڭ دارىگەرلەرىمەن جانە مەدبيكەلەرىمەن كەزدەستى. ال قۇرىلىس جانە تۇرعىن-كوممۋنالدىق شارشۋاشىلىق ىستەرى كوميتەتىنىڭ توراعاسى م. جايىمبەتوۆ سىرداريا اۋدانىندا بولدى.
ەندى ۇكىمەتتىك دەلەگاتسيانىڭ جۇمىس ساپارى شىمكەنت قالاسىندا جانە تۇركىستان وبلىسىندا جالعاساتىن بولادى.