كونفەرەنتسيا ەلباسى كىتاپحاناسى كوشپەلى كورمەسى اياسىندا ۇيىمداستىرىلدى. وعان تۇركيا, گەرمانيا, كانادا, وڭتۇستىك افريكا, كەنيا, ۋگاندا, فيليپپين جانە قازاقستاننىڭ بارلىق وڭىرلەرىنەن وكىلدەر قاتىستى.
حالىقارالىق عىلىمي-پراكتيكالىق كونفەرەنتسيانىڭ اشىلۋىنا وبلىس اكىمى ق.كوشەرباەۆ, ەلباسى كىتاپحاناسىنىڭ ديرەكتورى ءا.راحىمجانوۆ, وتاندىق جانە شەت ەلدىك جوو-نىڭ ستۋدەنتتەرى, ماگيسترانتتارى, دوكتورانتتارى مەن عالىمدارى قاتىستى.
بيىل ەلباسى كىتاپحاناسىنىڭ 2015 جىلدان بەرگى وقىتۋ سەمينار-ترەنينگتەر جوباسى جاستارعا ارنالعان «بولاشاققا جول ارقايسىمىزدان باستالادى» تاقىرىبىنا ارنالعان دارىستەردەن باستالدى.
«بۇگىنگى حالىقارالىق-پراكتيكالىق كونفەرەنتسيامىزدىڭ تاقىرىبىنىڭ «جاستار ساياساتى: بولاشاق بۇگىننەن باستالادى» اتالۋى دا ەلباسىمىز بەلگىلەپ بەرگەن جاستاردى قولداۋ بويىنشا باسىمدىقتاردى جۇزەگە اسىرۋ جولدارىن تالقىلاۋ مەن ۇرپاقتان ۇرپاققا جالعاساتىن ساباقتاستىقتى قامتاماسىز ەتۋ ەكەندىگىن وسىندا جينالعان كوزى اشىق, كوكىرەگى وياۋ ازاماتتار, اسىرەسە جاستارىمىز جاقسى تۇسىنەدى دەپ ويلايمىن», - دەدى ءا.راحىمجانوۆ.
قىزىلوردا وبلىسى